Прописка бўйича айрим маслаҳатлар
👉 Тошкентда 1-банд билан пропискага кирганлар ота-онасини, фарзандларини ёки набираларини 2-банд билан пропискага олиб кира олади. Ушбу яқин қариндошларнинг вояга етган ёки етмаганлиги, оиласи бор ёки йўқлиги мутлақо аҳамиятга эга эмас.
Агар паспорт столдагилар бу мумкин эмас дейишса, ишонманг. Улар ноқонуний талабни айтишмоқда. Бундай вазиятда
мана бу ерда кўрсатилган ишларни қилинг.
👉 2, 5, 9-11-бандлар билан пропискага кириб, ўз номига уй сотиб олган фуқаролар 1-банд асосида Тошкентга пропискага киритилади. Анча аввал юқоридаги бандлар билан пропискага кириб, номига уй олиб қўйганлар, Сизлар ҳам ҳафсала қилиб, 1-бандга ўтказиб қўйинг, фойдаси бор.
👉 Тошкентдан янги уй сотиб олганлар 1-банд билан прописка қилинади, буни биласиз. Ўша янги уйни
бир неча киши қўшилиб сотиб олса, уларнинг барчаси 1-банд билан прописка қилинади. Тўланадиган 5%лик давлат божи ҳам барчага тенг бўлинади, ҳамма алоҳида 5%дан тўламайди. Шу сабабли бир ўзи уй олишга қурби етмаётганлар ишончли инсонлар билан қўшилган ҳолда янги уй сотиб олишлари ва барчаси биргаликда пропискага киришлари мумкин. Кейинчалик улар иккиламчи бозордан арзонроқ уй сотиб олишлари мумкин бўлади.
Шунингдек, ўз номига янги уй олаётганлар ота-онасини, ака-укасини ёки турмуш ўртоғини уй сотиб олувчилар сафига қўшиб қўйишса, улар ҳам 1-банд билан пропискага киришади.
👉 11-банд билан (ишхона орқали) пропискага кирганлар агар ўша
ташкилотда ишлаётганига 3 йил тўлган бўлса, пропискага кирганига қанча вақт бўлганидан қатъи назар номига уй сотиб олишлари мумкин. Масалан, 3 йилдан ортиқ ўша ташкилотда ишлаётган ходим бугун пропискага кирса, бугуноқ номига уй сотиб олиши мумкин. Уй албатта янги бўлиши шарт эмас, иккиламчи бозордан ҳам мумкин.
Уй сотиб олгач эса, ўша ходим 1-банд билан пропискага ўтади. Бундан асосий фойда шуки, 11-банд вақтинчалик пропискага ўхшаган нарса, ишдан кетгач, прописка ҳам кетади. Боз устига 11-банд билан кирганлар ота-онаси, оиласи бор фарзандларини пропискага олиб кира олмайди. 1-банд эса доимий ҳамда тўғри шажара бўйича яқин қариндошларини бемалол пропискага олиб кира олади.
👉 11-банд билан пропискага кирганлар агар пропискага киритиш ҳуқуқига эга 90 га яқин ташкилотлардан бирига ишга ўтса, унда пропискаси автоматик «кўчиб ўтади». Янги ташкилотининг раҳбаридан яна тавсиянома олиши шарт эмас. Агар бошқа жойга ишга ўтса, унда пропискаси бекор бўлади.
👉
Ака-укани қандай қилиб пропискага олиб кириш мумкин? Қонунчилик бўйича ака-укаларни пропискага олиб кириб бўлмайди. Лекин бунинг йўли бор. Фақат кўп вақт кетади.
Масалан, 11-банд билан пропискага кирган шахс мисолида кўриб чиқамиз. Энг аввало шахс 1-банд билан пропискага ўтиши керак, яъни номига уй сотиб олиши керак. Шундан сўнг, у ота-онасини 2-банд билан олиб киради. Сўнг 3 йил кутиш керак. 3 йилдан кейин ота-онасида уй сотиб олиш ҳуқуқи пайдо бўлади. Улардан бири яна бошқа уй ёки фарзандининг ўша уйини сотиб олади (ҳадя мумкин эмас). Шундан кейин уй сотиб олган ота-она 1-банд билан пропискага киради. Ана шундан кейингина улар бошқа фарзандларини (биз мисолида кўраётган шахснинг ака-ука ёки опа-сингилларини) 2-банд билан прописка олиб кира олади.
Хуллас, мана шунақа чидаб бўлмас даражада бюрократиядан ўтиш керак.
Аммо минг афсуски, Ички ишлар вазирлиги пропискани такомиллаштириш номи билан ушбу тартибга
тақиқ қўймоқчи. Яъни 2-банд билан кирганлар уй сотиб олса ҳам 1-бандга ўтмаслигини қонунчиликка таклиф қилишган. Бу эса амалиётда ака-укаларни пропискага олиб кириш имкониятини тўлиқлигича чеклайди.
«Лазейкашунос»ларга саломлар!
👉
@shakhzodkholdorov 👈