Sobirov Abdurakhmon | Personal Blog

Yaqin 3-4 kun instagramga kirmay turing. Bunga 2 ta sabab bor.

1. Yil sarhisobi. Juda ko’p muvaffaqiyatli insonlar yil sarhisobini boshlashadi. Tabiiy-ki, ayrim sarhisoblar biroz shishirilgan bo’ladi.

Buni bilmagan siz o’zingizni asl haqiqatingiz bilan boshqalarni shishirilgan sarhisobini solishtirasiz va qarabsiz-ki *FoMo.

O’zim ham 2022-yilgacha har yil sarhisob qilib instagramga joylardim. Xatolarim va erishganlarimni tahlil qilardim. Ikki yildan beri buni ochiqda qilmayapman.

Birinchi sabab: Kimga foydali? Odamlar motivatsiya oladimi? Yo’q o’zinikiga solishtirib kayfiyati buziladi.

Ikkinchi sabab: Niyat masalasida bir qarorga kela olmadim.

Siz yilni qanaqa zo’r o’tkazmang, bari bir sizdan yaxshiroq yil sarhisobi qiladiganlar topiladi. Uni ko’rib yilni kayfiyatsiz boshlagandan ko’ra instagramga kirmay qo’yavering.

2. Instagram foydasiz. Bari bir hech narsa o’rganmaysiz. Kirmasangiz ozgina o’zingizni hayotingizda yashashni boshlaysiz. Bu foydaliroq.

Sarhisob qiling. Faqat menga o’xshab niyat bilan kelisha olmasangiz ochiqqa olib chiqmang. O’zingiz uchun maqsadlar va ularni qaysilari amalga oshganini tahlil qiling. Bu juda foydali.

*FoMo - Biror nimani o’tkazib yuborishdan qo’rqish sindromi. Ko’proq boshqalarni hayotini ko’rib, “Men 23 ga kirib nima qildim?” deganda hosil bo’ladi.

Hamjamiyatga qo’shilish 🔗

Bizdagi bor potensialni 10% ni ham ishlatmayabmiz deb o'ylayman.

Vaqtni qadrini yoqotdik. Kitob o'qishga 10 daqiqa vaqt yo'q, lekin 4 soat reels ko'rish oddiy xol.
Instagram, youtube, tiktoklarga qaram bo'lib qoldik.

Fikrlarimiz, nima o'ylashimiz, maqsadlarimiz, xarakatlarimizni ham boshqarish imkoniyatidan mahrum bo'ldik. Chunki fikrlashdan to'xtayabmiz.
O'zimizga savol bermay qo'ydik
- o'zi nima uchun yashayabman?
- qayerga ketyabman?
- maqsadim nima?
- shuncha bekor ketayotgan vaqtimga javob berishim kerak-ku?

Kunimiz o'zimizni hayotimizni yaxshilash uchun emas, boshqalarnikini tomosha qilish bilan o'tib ketayabti.

Mustaqil, ozod bo'lish — hohlagan ishini qilish degan tushuncha bo'lib qolgan.

Alisda mustaqillik — intizomda. Intizomli odam o'zi hohlagan ishni qila oladi, keraksiz ishlarni to'xtata oladi.

Muammolarni yechish o'rniga ulardan qochib ketadigan bo'lib qoldik.

Qo'limizdan juda ko'p ish keladi deb o'ylayman, agar:

1. Vaqtimizni sovurayotgan narsalardan voz kechsak
2. Behuda suxbatlarni to'xtatsak
3. Boshqalar bilan o'zimizni solishtirmasak
4. Har kuni yangi bilim olsak
5. To'g'ri ovqatlansak
6. Sport bilan shug'ullansak
7. Erta turib, erta uxlasak
8. Boshqalarning emas, o'zimizning maqsad uchun ishlasak
9. Har bir kunimiz oxirgisi bo'lishi mumkinligini doim xis qilib tursak
10. Va'dalarimizni bajarsak
11. Faqat yaxshi narsalar haqida o'ylasak
12. Fokusimizni to'g'ri joyga qaratsak.

O'zi o'tgan ish haqida afsuslanish xato, lekin oxirgi 3-4 yil ichida erishilgan narsalarni 1 yil ichida ham erishish mumkin edi, agar yuqoridagi narsalarga amal qilinganda.

Amal qilmasak 2027 yilda ham yana bugungidek o'tirishimiz hech gap emas.

2024 ko'z ochib yumgunimizcha o'tib ketti, keyingi yil ham shunday o'tib ketadi, agarda hozirdan o'zgarmasak.

Hayolimdagi fikrlar bilan bo'lishgim keldi.

Қайта уриниб кўришдан қорқма.

Бу сафар шошмасдан харакат қил.

Суянишга лойиқ бўлган ягона Зотга суян.

Хато қилсанг, яна уриниб кор.


@khayotusmnblog

Qachon oxirgi marta do'stingizni muammosi haqida o'ylab ko'rdingiz? O'zi uni nima muammosi borligini bilasizmi?

Odatda 24/7 bizni miyyamizda o'zimizning muammolar, o'zimizning maqsadlar va o'zimizning ishlar turadi.

Individualizm — trendga aylanishni boshladi. "Biz" ni o'rnini → "Men" egallashni boshladi.

Do'stlashish ham manfaat ustiga quriladigan bo'lib qolgan.

Qanday qilib do'stlikni yangi darajaga olib chiqish mumkin?

1. Do'stlikdagi eng muhim narsa bu ishonch. Do'stingizni ranjitgan bo'lsangiz, yoki nimanidir undan yashirgan bo'lsangiz buni xabarini bering, uzr so'rang.

2. Do'stingiz yordamga muxtoj bo'lmasa ham doim undan xabar olib yordam taklif qilib turing. (qachon shunday qildingiz?)

3. Do'stingiz bilan uning maqsadlari, orzulari haqida gaplashing, uchrashuvga chaqiring. Ishlari va rivojlanishi haqida qiziqib savollar bering.

4. Do'stingizning xatolarini ko'rsangiz unga xabar bering, sizni hafa qilgan bo'lsa bunig yashirib yurmasdan, kelishib oling. Bir biringizga ko'zgu bo'ling.

5. Qiyin vaziyatga tushganda chin ko'ngildan maslahat bering. Moddiy, amaliy yordam taklif qiling.

6. Umumiy uchrashuvlar o'tkazib turing.

7. Sizga qilgan yaxshiliklari uchun rahmat ayting, eslating.

8. Do'stingizning oilasi bilan imkon qadar tanishishga xarakat qiling. (Bu dunyodan ketib qolsa, yaqinlari sizga muhtoj bo'lishadi)

Boshqalardan birinchi qadamni kutmang, siz boshlang. Do'stlaringizga yuboring, qani-edi barcha do'stlar shunday bo'lsa ))