@BUGUNUZ™ - Official channel dan repost
Қирғизистон журналист Бобомурод Абдуллаевни Ўзбекистонга топширди
Қирғизистон Миллий хавфсизлик давлат қўмитаси (МХДҚ) Ўзбекистон сўровига биноан журналист Бобомурод Абдуллаевни Тошкентга топширган. Бу ҳақда маълумот тарқатган МХДҚ матбуот хизматига кўра, Б. Абдуллаев Ўзбекистонга 22 август куни топширилган.
Қўмитанинг қайд этишича, Ўзбекистон томони журналистга ҳимоя учун барча имкониятларни тақдим этишга, қийноқ қўлламасликка, шафқатсиз муомала қилмасликка ҳамда зарур бўлган тақдирда, керакли тиббий ёрдам кўрсатишга кафолат берган.
Бир кун олдин Абдуллаевнинг онаси Гавҳаржон Мадаминова ўғлининг Ўзбекистонга олиб келинаётгани ҳақида Би-Би-Си ўзбек хизматига маълум қилганди.
Гавҳаржон Мадаминованинг сўзларига кўра, унинг уйига 21 август куни ўзини Хоразм вилояти ҳокимлиги ходими, дея таништирган аёл келган ва у зудлик билан Тошкентга, ўғлини аэропортда кутиб олишга бориши лозимлигини айтган.
Ўзини "Сайёра" деб таништирган аёл Мадаминовага Тошкентга 22 август кунига олинган авиачиптани ҳам берган.
Гавҳаржон Мадаминова 22 август куни Озодлик билан сухбатда ўғлига босим ўтказишлари мумкинлигидан қўрқиб, Тошкентга боришдан бош тортганини айтди.
- Мана билет ўғлингиз билан аэропортда учраштирамиз. Кейин аэропортдан яна Урганчга билет олиб берамиз, айтиб келасиз, деди. Мен бормайман деб айтдим. Мени холимни кўриб болам бўхтон айбловларни бўйнига олиб қўймасин деяпман. Кейин ҳалиги аёл яна телефон қилди. Бормасангиз, билетни олиб кетаман, деди. Олиб кетаверинг бормайман, деб айтдим, - дейди Мадаминова.
Ўзбекистонлик журналист Бобомурод Абдуллаев 9 август оқшомида Бишкекдаги кафелардан бирида Қирғизистон Миллий хавфсизлик давлат қўмитаси ходимлари томонидан қўлга олинганди. МХДҚ журналистнинг Ўзбекистон сўровига кўра ушланганини билдирган.
10 август куни Бишкекнинг Биринчи май туман суди Б. Абдуллаевни 8 сентябргача ҳибсда сақлаш бўйича қарор чиқарган. Суд қарорига кўра, журналист бу муддат ичида МХДҚнинг тергов ҳибсхонасида ушлаб туриладиган бўлган.
Мазкур суд олдидан Бобомурод Абдуллаев қирғизистонлик журналистларга ўзбек расмийлари томонидан “Қора мерган” тахаллуси билан ёзаётган шахс сифатида гумонланаётганини айтган, бироқ ўзининг бу тахаллус остида мақолалар ёзганини қатъиян рад этган.
Айни пайтда Б. Абдуллаев қўлга олинганидан кейин ҳам “Қора мерган”нинг Телеграм тармоғидаги аккаунтида мақола ёйинланиши тўхтамаган.
Маълумотларга кўра, журналист Бобомурод Абдуллаев Қирғизистонга шу йил февралида Марказий Осиёдаги Америка университети таклифи билан 4 ойлик ўқишга келган, бунга қадар эса у Германияда таҳсил олган. Аммо коронавирус пандемияси туфайли чегаралар ёпилиб қолгани учун у ўқишини давом эттириш учун Бишкекдан Европага учиб кетолмай қолган.
Айтилишича, Б. Абдуллаев Ўзбекистон Жиноят кодексининг 158-моддаси (“Ўзбекистон Республикаси президентига тажовуз қилиш”) ва 159-моддасида (“Ўзбекистон Республикасининг конституциявий тузумига тажовуз қилиш”) кўзда тутилган жиноятларни содир этганликда гумонланмоқда.
Бобомурод Абдуллаевнинг қўлга олиниши ортидан “Чегарасиз мухбирлар” (RSF), Amnesty International, Association for Human Rights in Central Asia (AHRCA), Civil Rights Defenders, International Partnership for Human Rights (IPHR), Freedom House, Freedom Now, Norwegian Helsinki Committee (NHC), Human Rights Watch (HRW) ҳамда Журналистларни ҳимоя қилиш қўмитаси (Committee to Protect Journalists) каби нуфузли ташкилотлар расмий Бишкекни ўзбекистонлик журналистни зудлик билан озод қилишга чақирганлар.
Бу каби чақириққа АҚШ Давлат департаменти ҳамда АҚШнинг Ўзбекистондаги элчиси Даниэль Розенблюм ҳам қўшилган.
https://t.me/bugunuz/38527
Қирғизистон Миллий хавфсизлик давлат қўмитаси (МХДҚ) Ўзбекистон сўровига биноан журналист Бобомурод Абдуллаевни Тошкентга топширган. Бу ҳақда маълумот тарқатган МХДҚ матбуот хизматига кўра, Б. Абдуллаев Ўзбекистонга 22 август куни топширилган.
Қўмитанинг қайд этишича, Ўзбекистон томони журналистга ҳимоя учун барча имкониятларни тақдим этишга, қийноқ қўлламасликка, шафқатсиз муомала қилмасликка ҳамда зарур бўлган тақдирда, керакли тиббий ёрдам кўрсатишга кафолат берган.
Бир кун олдин Абдуллаевнинг онаси Гавҳаржон Мадаминова ўғлининг Ўзбекистонга олиб келинаётгани ҳақида Би-Би-Си ўзбек хизматига маълум қилганди.
Гавҳаржон Мадаминованинг сўзларига кўра, унинг уйига 21 август куни ўзини Хоразм вилояти ҳокимлиги ходими, дея таништирган аёл келган ва у зудлик билан Тошкентга, ўғлини аэропортда кутиб олишга бориши лозимлигини айтган.
Ўзини "Сайёра" деб таништирган аёл Мадаминовага Тошкентга 22 август кунига олинган авиачиптани ҳам берган.
Гавҳаржон Мадаминова 22 август куни Озодлик билан сухбатда ўғлига босим ўтказишлари мумкинлигидан қўрқиб, Тошкентга боришдан бош тортганини айтди.
- Мана билет ўғлингиз билан аэропортда учраштирамиз. Кейин аэропортдан яна Урганчга билет олиб берамиз, айтиб келасиз, деди. Мен бормайман деб айтдим. Мени холимни кўриб болам бўхтон айбловларни бўйнига олиб қўймасин деяпман. Кейин ҳалиги аёл яна телефон қилди. Бормасангиз, билетни олиб кетаман, деди. Олиб кетаверинг бормайман, деб айтдим, - дейди Мадаминова.
Ўзбекистонлик журналист Бобомурод Абдуллаев 9 август оқшомида Бишкекдаги кафелардан бирида Қирғизистон Миллий хавфсизлик давлат қўмитаси ходимлари томонидан қўлга олинганди. МХДҚ журналистнинг Ўзбекистон сўровига кўра ушланганини билдирган.
10 август куни Бишкекнинг Биринчи май туман суди Б. Абдуллаевни 8 сентябргача ҳибсда сақлаш бўйича қарор чиқарган. Суд қарорига кўра, журналист бу муддат ичида МХДҚнинг тергов ҳибсхонасида ушлаб туриладиган бўлган.
Мазкур суд олдидан Бобомурод Абдуллаев қирғизистонлик журналистларга ўзбек расмийлари томонидан “Қора мерган” тахаллуси билан ёзаётган шахс сифатида гумонланаётганини айтган, бироқ ўзининг бу тахаллус остида мақолалар ёзганини қатъиян рад этган.
Айни пайтда Б. Абдуллаев қўлга олинганидан кейин ҳам “Қора мерган”нинг Телеграм тармоғидаги аккаунтида мақола ёйинланиши тўхтамаган.
Маълумотларга кўра, журналист Бобомурод Абдуллаев Қирғизистонга шу йил февралида Марказий Осиёдаги Америка университети таклифи билан 4 ойлик ўқишга келган, бунга қадар эса у Германияда таҳсил олган. Аммо коронавирус пандемияси туфайли чегаралар ёпилиб қолгани учун у ўқишини давом эттириш учун Бишкекдан Европага учиб кетолмай қолган.
Айтилишича, Б. Абдуллаев Ўзбекистон Жиноят кодексининг 158-моддаси (“Ўзбекистон Республикаси президентига тажовуз қилиш”) ва 159-моддасида (“Ўзбекистон Республикасининг конституциявий тузумига тажовуз қилиш”) кўзда тутилган жиноятларни содир этганликда гумонланмоқда.
Бобомурод Абдуллаевнинг қўлга олиниши ортидан “Чегарасиз мухбирлар” (RSF), Amnesty International, Association for Human Rights in Central Asia (AHRCA), Civil Rights Defenders, International Partnership for Human Rights (IPHR), Freedom House, Freedom Now, Norwegian Helsinki Committee (NHC), Human Rights Watch (HRW) ҳамда Журналистларни ҳимоя қилиш қўмитаси (Committee to Protect Journalists) каби нуфузли ташкилотлар расмий Бишкекни ўзбекистонлик журналистни зудлик билан озод қилишга чақирганлар.
Бу каби чақириққа АҚШ Давлат департаменти ҳамда АҚШнинг Ўзбекистондаги элчиси Даниэль Розенблюм ҳам қўшилган.
https://t.me/bugunuz/38527