Suzukota

Қуръон ёдлашни осонлаштирувчи омиллар:

1. Холис ният
2. Дуо
3. Истиғфор ва маъсиятларни тарк қилиш
4. Сабр ва улкан қатъият
5. Ёдлаш учун муайян бир вақт ажратиш
6. Дунё билан камроқ машғул бўлиш
7. Ёдлаш учун кунлик тартиб
8. Қироатни бардавом қилиш, узиб қўймаслик
9. Ёдлашда эрталабни танлаш ва тиловатни мудом қилиш
10. Қуръон аҳлини дўст тутиш ва қориларга ўқиб бермоқ
11. Ортиқча вақтларда қироатни кўпайтириш
12. Ёдланган қироатни намозда қўшиш
13. Ёдланган сураларни фарз ёки нафлга зам қилиш
14. Доимий равишда ёд олинган оятларни қайтариб, такрорлаб туриш
15. Масжид ва илм мажлисларига бориш
16. Фазилатли сураларни ёдлаш
17. Қорининг ҳолатига кўра қироатни жаҳрий ёки махфий қилиш
18. Ёдланган оятларни ёзиб, хатоларини белгилаш
19. Ёдланган ва ўқилган ояти карималарга амал билан риоя қилиш
20. Сабаби нузул ва тафсирни билиш
21. Қуръон кўтариш одобларини лозим тутиш
22. Ҳар доим таҳоратда юриш. Токи мусҳафни хоҳлаган вақт ўқий олсин
23. Одамларга ўргатиш
24. Луғат қоидаларини билиш
25. Умрни ғанимат билиб, вақтни зое кетказмаслик
26. Қисқа суралардан бошлаб ёки кўп такрорланадиган суралардан бошлаб ёдлаш мақсадга мувофиқдир
27. Солиҳлардан Қуръон ҳифзини осон бўлишини дуо қилишини сўраш
28. Ҳифзнинг ҳар хил воситаларидан фойдаланиш
29. Дўстлар билан мусобақалашиш.

каналга обуна бўлинг!
➥батафсил🔻
https://t.me/joinchat/AAAAAFY3vUrW2DVDZUk-Pg

​​ШИФО ОЯТЛАРИ

“Шифо” сўзи қатнашган олтита оят шифо оятлари, дейилади. Ривоят қилинишича, Абулқосим Қушайрийнинг фарзанди оғир касал бўлиб қолганда унга шифо оятлари ўқилган. Натижада бемор тезда соғайиб кетган.
Шифо оятлари қуйидагилар:
١ – وَيَشْفِ صُدُورَ قَوْمٍ مُؤْمِنِينَ.
1. Мўмин қавм дилларига шифо – ором беради (Тавба сураси, 14-оят).

٢ – وَشِفَاءٌ لِمَا فِي الصُّدُورِ.
2. Диллардаги нарсаларга шифо (Юнус сураси, 57-оят).

٣ – فِيهِ شِفَاءٌ لِلنَّاسِ.
3. Унда одамлар учун шифо бордир (Наҳл сураси, 69-оят).

٤ – وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ.
4. Биз мўминлар учун шифо ва раҳмат бўлган Қуръон оятларини нозил қиламиз (Исро сураси, 82-оят).

٥ – وَإِذَا مَرِضْتُ فَهُوَ يَشْفِينِ.
5. Касал бўлган вақтимда Унинг Ўзи менга шифо беради (Шуаро сураси, 80-оят).

٦ – قُلْ هُوَ لِلَّذِينَ آمَنُوا هُدًى وَشِفَاءٌ.
6. Айтинг: “(Қуръон) имон келтирган зотлар учун ҳидоят ва шифодир” (Фуссилат сураси, 44-оят).
Бу маълумот Иброҳим Ҳаққийнинг “Руҳул баён” номли тафсиридан олинди .

манба Зиёвуддин Раҳим
➥батафсил🔻🔻🔻

https://t.me/joinchat/AAAAAFY3vUrW2DVDZUk-Pg

​​Бир воқеа.

Ҳазрати Мавлоно Зулфиқор Аҳмад Нақшбандий ҳафизаҳуллоҳ айтадилар:

Менинг олдимга бир куни бир катта муфтий жаноблари фарзандини олиб келди ва: Ҳазрат! Мен ўғлимни ҳадис давраларига қатнаштирдим. Унинг ҳаққига дуо қилинг. У фарз намозларни ўқимайди деди. Мен буни эшитиб титраб кетдимки, бола ҳадис даврасига қатнашган, шундан кейин ҳам фарз намозини ўқимайди. Шунда, мен бироз гаплашганимда, менга маълум бўлдики, бу муфтий жанобларининг ҳарактерлари оғир эди ва аёлидан узр сўрайдиган эмас эди. Мен унга: Фарзандларингиз диндор бўлишини хоҳлайсизми? дедим. У: Ҳа, албатта деди. Мен: Аёлингизнинг дуоларини олинг дедим. Шунда, у қаҳқаҳа отиб кулиб юборди. Мен: Сиз буни оддий нарса деб тушунманг. Мен буни улуғларимиздан эшитганман ва баракасини кўрганман. Сиз аёлингизга меҳр қўйинг. Аёлингизнинг дуоларини олинг. Кейин, Аллоҳ таъоло фарзандларингизни қандай солиҳ қилишини томоша қилинг дедим.
Аллоҳнинг қудратики, икки йилдан кейин ўша муфтий ҳазрат яна келди ва ўғлим таровеҳда хатми Қуръонга ўтди деди. Мен фарз намозларни ўқимайдиган бола қандай қилиб хатми Қуръонга ўтди? дедим. У: Ҳазрат! Сиз айтгач, мен аёлимга меҳр қўйдим ва унга фарзандларимизнинг солиҳ бўлиши учун дуо қил дедим. Аллоҳ таъоло унинг дуосини қабул қилди ва фарзандларимизни солиҳ қилди деди.
Ота-онанинг дуолари ила моддий ризқда барака бўлади. Пир, устознинг дуолари ила файзда барака бўлади. Аёлининг дуолари ила инсоннинг фарзандлари солиҳ бўлади.

Тааба манзил сирф деванэ гайэ китобидан. 254-бет. Абдулқайюм Комил таржимаси
🔻🔻🔻🔻🔻🔻

https://t.me/joinchat/AAAAAFY3vUrW2DVDZUk-Pg

Ўкинма!

НАМОЗДАН ЁРДАМ ОЛИНГ
“Эй имон келтирганлар! Сабр ва намоз билан (Мендан) ёрдам сўранглар!
Албатта, Аллоҳ сабр қилувчилар билан биргадир” (Бақара сураси, 153-оят) .
Агар сизга тўсатдан хавф-хатар келиб қолса, бошингиз хафаликдан чиқмай
қолса ёки ғам ёқангиздан олса, шу заҳоти намоз ўқинг. Шунда руҳингиз ором
олиб, нафсингиз ҳотиржам бўлади. Аллоҳ изни ила ғам-андуҳ ва тушкунлик
асоратларини бартараф этишга намознинг ўзи етарлидир. Агар Расулуллоҳни
(соллаллоҳу алайҳи ва саллам) бирор иш ташвишга солса: “Эй Билол! Бизни
намоз билан роҳатлантир”, дер эдилар.
Албатта, намоз у зотнинг кўз қувончлари, саодатлари ҳамда шодликлари эди.
Солиҳ салафилар ҳаётлари билан танишиш мақсадида тарих китобларини ўқисангиз, бир нарсани кузатасиз:
агар улар устига қийинчиликлар бостириб келса ёки бирон кулфат юз босса, итоаткорлик ила намозга шошардилар.
Шунда иқтидор, ирода ва ҳимматлари асл ҳолига қайтар эди.
Хавф-хатар чоғида, ҳуш бошдан учганида ва ўлим хавфи келганида, хавф
намозини ўқиш лозим. Чунки энг катта хотиржамлик ва энг яхши осудаликни қалб ҳузури ила ўқилган намоз беради.
Руҳий ва нафсий касалликларга чалинган авлод ўзини бу оғир азобдан сақлаш учун энг биринчи галда масжиднинг
тупроғини ялаб, пешоналарини Раббилари розилиги учун чанг қилмоқлари лозим.
Акс ҳолда, кўзёшлари қовоқларини ачиштириб, хафалик асабларни парчалайверади. Ҳеч бир нарса уларга намозчалик
тинчлик-хотиржамлик олиб келмайди.
Агар фикр юритсак, гуноҳлар учун каффорат ҳам, Раббимиз ҳузуридаги даражамиз юксалиши сабабчиси ҳам
ҳар кунлик беш вақт намозимиздир.
Шу маънода у энг буюк неъматдир. У яна ғамларимизнинг улкан муолажаси, дардларимизнинг давосидир. У қалбларимизни соф ишонч ҳис-туйғуси ва барча нарсадан розилик ҳислари билан
тўлдиради.

Дўстларингиз билан улашишни унутманг!
https://t.me/joinchat/AAAAAFY3vUrW2DVDZUk-Pg

Ҳикматли савол ва жавоб

Афлотундан сўрадилар:
- Қандай одамни кучли, қандай одамни кучсиз, деб атаймиз?
Афлотун жавоб берди:
- Жаҳли чиққан пайтда ўзини тута билган одам кучли, айтмаслик керак бўлган сўзни айтишдан тилини тия олмаган одам кучсиз саналади.

Дўстларингиз билан улашишни унутманг!
https://t.me/joinchat/AAAAAFY3vUrW2DVDZUk-Pg