فخر المخدرات زينب ع

❉❉❉❉❉❉❉﷽❉❉❉❉❉❉❉
لستة #دُعَ ـمِ_آلَعَ ـرآقَ
-تصفحوا أحلى القنوات على التيليجرام👇❤️
---------------------
♡@meemoo17 : قصص حلوة
♡@nabil2000 : ؏ـشـ♡ـٲٳق ملۂ بـاﺳـم أإلڱـړبـلائي
♡@tme1997 : بـأإنتـظار المــو؏ـــود 💜313
♡@sxggnj : فخر المخدرات زينب ع
♡@sdfavv : منوعات HD
♡@alhasanayn15 : الـــعــروة الـــوثــــ♡ـــقـــى
♡@yaaaaaabasssssss : عشقـت الكفيل
♡@mahdialzamaan : ويجمعنا اللقاء ياصاحب الزمان ❤️
♡@Amel313 : قـاآإب قوسينؑ°
♡@mosimdaa : #ستوريات_BK
♡@shqybasy170 : #يادوا_قلبي🦋
♡@MamaZainab : قـدوتـنـآ زيـنـب (عليها السلام)💜🕊
♡@Abak7 : عَبَقْ FRAGRANT
♡@sajjadiraniraq : سجاد الربيع
♡@Allzahra455 : آلُصُـُــبُــُحُ آلُـَُمُـسُـُــفُــُر{عجل الله فرجه}
♡@Ainonty : انوارالزهراء
♡@maearif : معارفنا
♡@cloud_friend : غَيمة ||
♡@Asak1_mh6 : لحظات عشق
♡@aaaannnnmmmmllll : في انتضار الحجه روحانيات اهل البيت
♡@qwertyyuioeuohvt11 : ديوان مضلوميه الزهراء للشاعره ام كرار الزينبيه
♡@friendship_z_313 : فاطمة الزهراء عليها السلام
♡@Safinatalnjat : سفینة النجاة
♡@zezo_mh2 : بقيّةُ الله ✨💛🇮🇶
♡@b98k_313 : صور دينية HD
♡@nsm4321 : كتابتي لصاحبي الزمان ع
♡@eazinaab : دمع زينب للقصائد والالحان
♡@zz20j : ‹ كتآ̀بآ̀ت ط̀́ف̀وليه̀ | 🖤🥀
♡@mhdee313fatm : صداقتي عنوانها 💙مهدي💙 فاطم
♡@alhseen313 : المصيبة الراتبة💔ياحسين💔
♡@jojo_non_dt : عِٰـﮧِۢشِٰـﮧِۢقِٰـﮧِۢ ؛💘💍
--------------------

───✤ლ⇣❤⇣ლ✤───

*الحذف بعد "3" ساعات من النشر
تحذف قبل الوقت احذف قناتك من اللسته🚫
*بتحذف البوت كلمني لطفا.
───✤ლ⇣❤⇣ლ✤───
#قناة_اللستة : #باسم_الكربلائي_Bk
https://t.me/alsafiir56111

#للاشتراك_بدعم راسلنا على المعرف
👇👇👇
@sayaddd

للمحظورين @Alsayad123_bot

(يوم فاطمه العليله)
بطريقك مر يالعرابي .. لبوي اتوصل اكتابي
سلامي بهذا مرسالي .. تبــلغ والـدي الغالي
ــــــــــــــــــــــــــــــــــــــــــــ

يالعرابي لون گاصد بلاد الرافدين انخاك
تمر ابكربله بدربك وكتابي تاخذه وياك
برحيلك كون تستعجل واريدك تسرع بممشاك
روحي ضلت وفكري وگلبي وكل ضنوني هناك

على احبابي انشغل فكري .. شصار اعلى اهلي ما ادري
نشغل كلش تره بالي .. تبــلغ والـدي الغالي
ــــــــــــــــــــــــــــــــــــــــــــ

يالعرابي تعنه الهم تراني عايشه بالنار
صار هواي ياعمي عنهم مالفتني اخبار
القلق ياكل غده بروحي وگلبي بهلوضع محتار
خوفي بهلي ما ادري عليهم بالطفوف شصار

بوضعهم حيل محتاره .. وگلبي تشتعل ناره
عله عدواني صعب حالي .. تبــلغ والـدي الغالي
ــــــــــــــــــــــــــــــــــــــــــــ

اخذ مرسالي واشواگي ودموعي ولهفتي الهم
شعجب گلهم يالعرابي ماجاني خبر منهم
شكثر وديت اني اطروش تدورلي شكثر عنهم
لكن مالفتني اخبار بخطر حسيت انه چنهم

تلهب بالگلب ناري .. عليهم اجهل اشجاري
وتكتل نار دلالي ..تبــلغ والـدي الغالي
ــــــــــــــــــــــــــــــــــــــــــــ

احسن بالخطر چنهم وتحاوطهم جيوش الشر
المنايه چني اشوفنها على احبابي غدت تفتر
اشوفن چن جثث صرعه نكطع بالسيف چن منحر
لـذلك عني اتعـطل ومـاجاني عـلي الاكـبر

هالمذبوح اشوفنه .. علي الاكبر وگع چنه
انصدع بالشفته دلالي .. تبــلغ والـدي الغالي
ــــــــــــــــــــــــــــــــــــــــــــ

اشوفن چن ابوي حسين متوسد على الغبره
واشوفن جن شمر بالسيف متوسد على صدره
يطعنه بخنجره المسموم وعلى وجها غده يطبره
ورجع ثنه على ظهره ويريد من الگفه ينحره

حلم لو واقع الشفته .. ابوي مفطره شفته
المشهد هذا چتالي .. تبــلغ والـدي الغالي
ــــــــــــــــــــــــــــــــــــــــــــ

شفت عماتي بالهيمه يركضن عالجمر حفاي
طشن بالبراري بخوف حياره ومالهن كل راي
واسمع چن خواتي ازغار يصيحن عمي وين الماي
هاي اتصيح عطشانه وذاك ايصيح نار احشاي

واسمع ونت اسكينه .. عمي وعده چا وينه
جوده من العذب خالي .. تبــلغ والـدي الغالي

#الشاعر عقيل الحسناوي..
ارشيف 1441 هـ


https://t.me/sxggnj

يا هلال...شوفتك تلجم جروحي
يا هلال...ابطلعتك يتعاله نوحي

شوفتك تلجمني...ابخوتي اتذكرني
ياهلال يا هلال

طلعتك ترسم صور....خيم محترگه ونحر...كطيع
وطفل مذبوح ابسهم...ولطفال ابلا خيم...تظيع
حسين كطعو منحره...وجفه ظايع خنصره..وصريع

من اشوفك يضيع الحچي
بس ونيني يضل والبچي

يا هلال...بشوفتك انصب عزيه
يا هلال...واذكر ايام الرزيه

جيتك تجرحني...ابخوتي اتذكرني
ياهلال يا هلال

بشوفتك اشبع بجي...وعالجدار آنه انتجي..واصيح
آه منج كربله...بيج ابن عقد الوله...ذبيح
والكفيل بلايه جف...احساس من نحره نزف..طريح

وبغيابه دمعتي اتهمل
وايتبختر عليه النذل

يا هلال...روحي مشتاگه الكفيلي
يا هلال...افراگه ذوبلي دليلي

فركته اتألمني...بأخوتي اتذكرني
ياهلال يا هلال

شنسه يهلال القهر...حسين رد محني الظهر...ينوح
طاح عامود الخيم...وعينه مطفيه بسهم...جروح
حيلي طاح اعله النهر...ويه عباس الگمر...يروح

من نظرته بهمومه ايعثر
كلبي فز ودمعتي نهر

يا هلال...شنسه من ذيج المصيبه
يا هلال...اوداع محبوب وحبيبه

يومك اليذبحني...بخوتي اتذكرني
ياهلال يا هلال

شنسه يهلال الألم...طفله منها تجري دم...أذن
هاي يم جسم الابو...راح من عدها الدفو...وتحن
وذيج تتحسر بكت...جفها بالنار انجوت..تون

جم طفل بالحوافر منسحگ
وجم طفل بالمخيم محترگ

يا هلال..بشوفتك شفت العجايب
يا هلال...وعالترب شفت الحبايب

كافي لتعذبني...بخوتي اتذكرني
يا هلال يا هلال

اه يهلال الرعب...لسه دمعاتي تصب...عجيب
اه جم طفل احترگ...واه جم صدر انسحگ..سليب
لسه آثار السبي...ولسه دخان العبي...رهيب

انذبحت بشوفتك ظحكتي
وركظة اعله الوجن دمعتي

يا هلال...كافي لتهيج عذابي
يا هلال...ولا تزيدلي مصابي

بطلعتك ترعبني...بخوتي اتذكرني
يا هلال يا هلال

من اشوفك اختنگ...واشم دخان الحرگ...عبي
واذكر آنه عله الهزل...من رحت ويه النذل...سبي
وطفله ماتت بالغرب...اتصيح ماليها الرعب...ابي

آنه بنتك رقيه ابي
زغيره ورحت للسبي

يا هلال...اه من ذيج الخرابه
يا هلال...راس ابوها طشت جابه

بسك اتعذبني...بخوتي اتذكرني
يا هلال يا هلال

تم باقر الافرجي


https://t.me/sxggnj

Ammar alrashidy:
يوميــه تُـمُــر يبنــي اعلـه بالــي
أهِــزَّن بالمـهـد والمـهـد خــالـــي

ينــور عيونــي يـا عبد الله يبني
للهــم والحـــزن رحــت وعفتنـي
زمانـــي أبـعَـدَك يوليــدي عنـــي
مـــو هَـيِّـن ييمـه اللـــي جِـرالـي

اهـــزن بالمهـــد واتهـــل الأعبــار
أتذكـــر ييمـــه اللــي جرى وصار
عطشـــان وسگــوك بسهــم غدار
سهــم النايبـــه الغيّـــب اهلالــي

تعـــال وشـــوف أمــك يــا أملهـا
فِـكِــرها احتـــار وغيــابك نحلهـا
مصيبـــه يبنــــي مامــرت مثلهــا
مــن عدهـــا شفــت سـود الليالي

يانبـــض الدليـــل وهــــوا الريّــه
يوليــدي بعجـــل رحـت من اديه
عســن هالـــروح تلفيهـــا المنيــه
ماريــد العمــــر بعــدك يغــالــــي

شلـــي بالعمــــر والــراح ميعـــود
وصفولـي الصبــر والصبـر مفگود
ياريــت الجســـد باللحـد ممـدود
المــوت اويــــاك يوليــدي حلالي

تظل دموعي تجري اعليك نهران
وبِـرياض الگلـب ماتـت الاغصان
ما انســاك يالمذبـــوح عطشـــان
كل لحظــه التمر انته اعلــه بالي

بعدهــا اصوَرهم امگابلـه اعيوني
مــو واحــد تــره اثنيـن الجفوني
ضاعــو منــي وآنــــه ضيعــونـي
ولفتنــي النايبــه ودوهنـت حالي


كلمات عمار الراشدي



https://t.me/sxggnj

ابوذيات


يـزيـنـب ويـن عـنـي الـوگـت.. بعداچ
سـگـتـي لـو ألـي اتـصـيـحين.. بعداچ
گـبـل مـاكــو شـجـاع الـچـان.. بعداچ

طـحـت وتـمـرجـلـوا كــوم آل أمـيــه

*----------------*----------------*

ثــوب الــهــم يــبــت حــيـدر.. كفالج
وألـيـه اصــيــاح مـــايــنــفــع.. كفالج
أچـفـوفـه مـگـطـعـه وطـايـح.. كفالج

وصـده صــوتــچ ألــم زيــد عــلــيـــه

*----------------*----------------*

✍بقلم خادم الحسين ع
الشاعر رعد الجريخي

https://t.me/sxggnj

قصيدة شوق الخدمه 2020

دنيا بلا حُسين ومنبر وخدمه
مثل مخنوگ صدره بعازت النسمه
.......

الدنيا بلا مجالس تخنگ الريّه
يرد لينه النفس لو شفنه لطميه
المجالس بيها ريحة والد ارقيه
ويهنياله الصبَح خادم لبواليمّه
........

راحتنه البواچي واللطم لحسين
دَين علينه هذا ومانوافي الدَين
ابوالسجاد هذا الاغله من العين
يدنيا بلا محبته موحشه وظلمه
........

يلومونه النواصب ما يلومونه
نحب حسين نبقه ومايبعدونه
صوت الحُب نرفعه وخل يسمعونه
مجانين الحُسين وكل وكت يمّه
........

هذا الضحّه النه بروحه وعياله
هذا الظل ثلث تيّام برماله
وراسه انرفع عالي برمح چتاله
حبيب الزهره هذا الگطعوا جسمه
.........

نعوف حسين عام بلا عزه هيهات
اذا جبريل ينصب بالسمه اقرايات
اذن واجب علينا انضاعف الدمعات
حتى انواسي دمعة فاطمه امّه
........

يامحله المجالس تنصب كل عام
يجمعنا الحُسين وتلتم الخــدّام
نبچي عله الحبيب ونذكر الآلام
نعمه علينا واجب نشكر النعمه
..........

وبعد عدنا الزياره الاربعينيّه
نواسي الرجعت امن الشام مسبيّه
لبوالسجاد نمشي لكربله النيّه
بجوار حسين كل الشيعه ملتمّه

#سيد_زيد_الفحام

____________
https://t.me/sxggnj