Ташқарида dan repost
Нормандия тўртлигида ёлғиз қолган Украина
9 декабрь куни Парижда Донбассдаги можарони ҳал қилиш учун тузилган Нормандия тўртлиги (Франция, Германия, Украина ва Россия) давлат раҳбарларининг 2016 йил октябридан буён илк учрашуви бўлиб ўтди. Бу вақт орасида раҳбарлар таркиби ҳам ўзгарган - Франциядан Эммануэль Макрон, Украинадан Владимир Зеленский илк бор қатнашди, Меркель ва Путин учун эса бу янгилик эмас.
Учрашувнинг асосий келишувлари - ҳарбий ҳаракатлар давомида қўлинган барча асирларни алмашиш, яна учта жойдан қўшинларни олиб кетиш ва тўрт ойдан кейин Нормандия тўртлигининг навбатдаги учрашувини ўтказиш. Тамом. Бу учрашувдан кузатувчилар унча катта натижаларни кутмаган бўлса ҳам, бунчалик кам келишув ҳам кутилмаганди.
Эришилган келишувларнинг ўзи ҳам охиригача тушунарли эмас - жумладан якуний баёнотда барча асирлар алмашинувига келишилган бўлса ҳам, Путин ўз баёнотида "маълум шахслар" алмашинилишини айтган. Чегарада назорат ўрнатиш бўйича позициялар бутунлай қарама-қаршилигини Путин ҳам, Зеленский ҳам эътироф этган.
Шундай бўлса ҳам, учрашув натижаларидан қониққанлар ҳам йўқ эмас. Масалан, Меркель ва Макрон уч йил ўтиб бу форматда давлат раҳбарлари учрашуви ташкиллаштирилганининг ўзини муваффақият деб атаб, энди музокараларни давом эттиришга умид ошганини қайд этган.
Макрон учун бу Франциянинг дипломатилик воситиачилик қудратини оширишга қаратилган ҳаракатлари туфайли айниқса муҳим. Умуман, Франция ҳам, Германия ҳам Қрим ва Донбасс туфайли Россияга қарши қўйилган иқтисодий санкцияларни юмшатиш тарафдори бўлиб турган бир пайтда ушбу тўртликда Украина 3 га 1 вазиятда қолиб кетди, деган фикр ҳам мавжуд.
Зеленский ўтган ҳафтада TIME журналига берган интервьюсида Украинадан бошқа йирик давлатларнинг ўзаро музокараларида, қандайдир ўйинларда восита сифатида фойдаланишга йўл қўймаслик учун ҳаракат қилишини айтганди. Амалда Франция ва Германия айнан шундай қилишга уринаётгандек кўринмоқда.
Россия учун эса ҳозирги статус-кво қулай. Москвани Украинадаги ҳолат ҳам Грузия ва Молдавиядаги каби де-факто марказдан мустақил квазидавлатлар/ҳудудлар пайдо бўлиши қониқтиради - бу унга узоқ муддатли таъсир ричагини тақдим этади. Ғарбдаги етакчилар эса яна бир марта агрессорга етарли босим қила олиш қобилиятлари йўқлигини кўрсатмоқда.
@tashqaridaUZ
9 декабрь куни Парижда Донбассдаги можарони ҳал қилиш учун тузилган Нормандия тўртлиги (Франция, Германия, Украина ва Россия) давлат раҳбарларининг 2016 йил октябридан буён илк учрашуви бўлиб ўтди. Бу вақт орасида раҳбарлар таркиби ҳам ўзгарган - Франциядан Эммануэль Макрон, Украинадан Владимир Зеленский илк бор қатнашди, Меркель ва Путин учун эса бу янгилик эмас.
Учрашувнинг асосий келишувлари - ҳарбий ҳаракатлар давомида қўлинган барча асирларни алмашиш, яна учта жойдан қўшинларни олиб кетиш ва тўрт ойдан кейин Нормандия тўртлигининг навбатдаги учрашувини ўтказиш. Тамом. Бу учрашувдан кузатувчилар унча катта натижаларни кутмаган бўлса ҳам, бунчалик кам келишув ҳам кутилмаганди.
Эришилган келишувларнинг ўзи ҳам охиригача тушунарли эмас - жумладан якуний баёнотда барча асирлар алмашинувига келишилган бўлса ҳам, Путин ўз баёнотида "маълум шахслар" алмашинилишини айтган. Чегарада назорат ўрнатиш бўйича позициялар бутунлай қарама-қаршилигини Путин ҳам, Зеленский ҳам эътироф этган.
Шундай бўлса ҳам, учрашув натижаларидан қониққанлар ҳам йўқ эмас. Масалан, Меркель ва Макрон уч йил ўтиб бу форматда давлат раҳбарлари учрашуви ташкиллаштирилганининг ўзини муваффақият деб атаб, энди музокараларни давом эттиришга умид ошганини қайд этган.
Макрон учун бу Франциянинг дипломатилик воситиачилик қудратини оширишга қаратилган ҳаракатлари туфайли айниқса муҳим. Умуман, Франция ҳам, Германия ҳам Қрим ва Донбасс туфайли Россияга қарши қўйилган иқтисодий санкцияларни юмшатиш тарафдори бўлиб турган бир пайтда ушбу тўртликда Украина 3 га 1 вазиятда қолиб кетди, деган фикр ҳам мавжуд.
Зеленский ўтган ҳафтада TIME журналига берган интервьюсида Украинадан бошқа йирик давлатларнинг ўзаро музокараларида, қандайдир ўйинларда восита сифатида фойдаланишга йўл қўймаслик учун ҳаракат қилишини айтганди. Амалда Франция ва Германия айнан шундай қилишга уринаётгандек кўринмоқда.
Россия учун эса ҳозирги статус-кво қулай. Москвани Украинадаги ҳолат ҳам Грузия ва Молдавиядаги каби де-факто марказдан мустақил квазидавлатлар/ҳудудлар пайдо бўлиши қониқтиради - бу унга узоқ муддатли таъсир ричагини тақдим этади. Ғарбдаги етакчилар эса яна бир марта агрессорга етарли босим қила олиш қобилиятлари йўқлигини кўрсатмоқда.
@tashqaridaUZ