💖 መሳጭ የፍቅር ታሪክ 💖
ተወልጄ ያደኩት ባህር ዳር ከተማ ነው።
ሁለተኛ ደረጃ ትምህርት ስጨርስ ውጤት ስላልመጣልኝ ወደ አረብ ሀገር ለመሄድ አስብኩ እሱን ለማሳካትም ወደ አዲስ አበባ መሄድ ነበረብኝና ጉዞ ወደ ሸገር ታዲያ በምጓዝበት መኪና ውስጥ ሸጋ የሸገር ልጅ ተዋውኩ ትህትናውና ለሴት ልጅ ያለው ክብር እንክብካቤ እጅግ ይማርካል ወዴት እንደምሄድ ጠየቀኝ እኔም ምንም ሳልደብቅ ነገርኩት መልካም ምኞቱንም ገለፀልኝ እይደርስ የለ አዲስ ደረስን የት እንደማርፍ ጠየቀኝ ከማላውቃት እክስቴ ጋር እንደማርፍ ነገሩት ስልክ ተለዋውጠን እንደምንገናኝ ተነጋግረን ተለያየን አቤት አውቶብሱ ምነው አዲስ ባልደረሰ ያሰኝ ነበር ጨዋታው በተለይ ምንም ጓደኛ እንደሌለውና ቤተሰቦቹም ለሱ ግድ እንደሌላቸው ሲነግረኝ አንጀቴን ነበር የበላው ከማላውቃት እክስቴ ዘንድ ደርሼ የማርፍበት ተሰጥቶኝ አረፍ አልኩ ግን አይምሮዬ ማረፍ አልቻለም መተኛትም አልቻልኩ ስልኬን በጄ ይዤ ጥሪውን በናፍቆት እጠባበቃለው።
ኦህ ደወለ ውስጤን ሀሴት ሞላው እነዚያን የማይጠገቡ ጨዋታዎቹን እያጫወተኝ እኩለ ለሊት አለፈ።
በነጋታው ልንገናኝ ተቀጣጥረን ስልኩ ተዘጋ እዲስ ላይ በቆየሁባቸው ጥቂት ግዜአቶች ደስ የሚል ጊዜን አሳለፍን በጣምም ደስ አለኝ።
ቪዛዬ እስኪመጣ ድረስ ወደቤተሰቦቼ መሄድ ነበረብኝና ሳልወድ እየከፋኝ ወደ ቤተሰቦቼ ተመለስኩ።
በስልክ ሁልግዜም እንገናኝ ነበር የደስታዬ ምንጭ ስለሆነልኝም እጅግ ደስ ብሎኛል።
ጉዳዬን ከጀመርኩበት ቢሮ ቪዛዬ እንደመጣ ሲደወልልኝ በፍጥነት ወደሱ ጋር ነበር የደውልኩት ቀደም ብየ እንሄድና የ መሳፈሪያዬ ቀን እስኪደርስ
አብረን እንድናሳልፍ ጠየቀኝ ኧረ ዛሬውኑ ነው የምመጣልክ አልኩት ደስ አለው እኔም እንደዛው።
ቤተሰቦቼን ተሰናብቼ ጉዞ ወደ እዲስ እዲስ አበባን በጣም ወድጃታለው ከ ግርግሯ በተጨማሪ የማፈቅረውንም ልጅ ጀባ ስላለችኝ ወደድኳት።
ታዲያ ልክ እውቶብስ ተራ እንደደረስኩ ወደ እክስቴ ቤት አልነበረም ያመራሁት እሱ ነበር የተቀበለኝ በናፍቆት ተጠመጠምኩበት እሱም በስስት እያየኝ አቅፎኝ ሳመኝ ወዴት እንደሚወስደኝ እኔም አልጠየኩት እሱም አልነገረኝ ዝም ብዬ ተከተልኩት እንዴት ባጭር ግዜ ውስጥ እንዲህ ላምነውና ልወደው እንደቻልኩ እያሰብኩና በራሴ እየተገረምኩ በታክሲ ጉዟችንን ቀጠለን ባጭር ግዜ ውስጥ እራሴን አሳልፌ ብሰጠውም እጅግ ደስተኛ ነበርኩ ከሱ ጋር ስሆን የሚሰማኝ ደስታ አይነት በህይወቴ ሙሉ ተሰምቶኝ አያውቅም ከሱ ጋር ስሆን ፍፁም ሰላምና እረፍት ይሰማኛ ስለዛ በጣም ደስተኛ ነኝ።
ወደ አንድ ትልቅ ሆቴል ይዞኝ ገባ ለምን እንደሆነ ስጠይቀውም ዝም ብለሽ ተከተይኝ አለኝ።
የተወሰኑ ደረጃዎችን በእግራችን ከወጣን በውሀላ ልክ የእንዱ ክፍል በር ላይ ስንደርስ የበሩን ቁልፍ ከኪሱ አውጥቶ ከፈተና እንድገባ በትህትና ጠየቀኝ ወደውስጥ ስገባ ያየሁትን ማመን ነው ያቃተኝ ክፍሉ በቀይ ፅጌረዳ አበቦችና በትንንሽ ሻማዎች አሸብርቋል።
የክፍሉ መአዛ እጅግ ያውዳል ነብሴ በሀሴት ተሞላች እንዲህ አይነቱን ነገር በ አንዳንድ ፊልሞች ካልሆነ በሂወቴ አይቼ አላውቅም።
ዘልዬ ተጠመጠምኩበት እሱን ስላገኘሁም እድለኝነት ተሰማኝ ጥየው መሄድ እንደማልችል ስነግረው በፍፁም አለ በሱ ምክንያት ከአላማዬ እንድሰናከል እንደማይፈልግ ነግሮ አሳመነኝ በመሀላችን ፍቅርና ፅናት ካለ ስመለስም አብረን እንደምንኖር ነገረኝ ቃልም ገባልኝ እኔም ቃሌን ሰጠሁት።
እምነት ትስፋ ፍቅር እነዚህ 3ቱ ፀንተው ይኖራሉ ከነዚህም የሚበልጠው ፍቅር ነው" አለኝ ቃሉን አመንኩ በእምነትና በተስፋ ፍቅሬን እንደምጠብቅም አጥብቄ ነገርኩት።
አመነኝ ተማመንን።
እስከምሄድበት የነበረኝንም ጊዜ ደስ በሚል ሁኔታ እብረን አሳለፍን ፍፁም ፍቅር ነበር መሀላችን።
ዛሬ የምሄድበት ቀን ደርሶ አየር ማረፊያ እገኝለው እንደምለየው ሳስበው እንባዬ ገደብ አጣ ልቤ ተሰበረ እሱም በጣም ከፍቶታል እኔን ሆድ ላለማስባስ ሲል ግን የሆዱን በሆዱ ይዞ እኔን ያፅናናኛል የመብረሪያዬ የመጨረሻዋ ሰአት እስክትደርስ ድረስ እቅፉ ውስጥ ተወሽቄ አንባለው ባልለየው ምንኛ ደስ ባለኝ ግን ደግሞ ግድ ነው።
ጉዞ ወደ ሳውዲ.....
ልክ የምሰራበት ቤት ስደርስ ስልክ አስፈቅጄ ደወልኩለት ተላቀስን ቃላችንንም ደገምነው እንድጎብዝና እንድበረታም ነገረኝ እሺ አልኩት ጎበዝኩ በረታሁም።
የሄድኩ አከባቢ የወር ደሞዜ እስኪያንሰኝ ድረስ ነበር ስልክ የምደውልለት ናፍቆቱን አልቻልኩም ቤተሰቦቼን ፍፁም ረሳው።
በውሀላ ግን ስልክ ማብዛት እንደሌለብኝና ገንዘቤን በስነስርአት መያዝ እንዳለብኝ መከረኝ እሺ ብዬ ሁሉንም ነገር በልክ አደረኩት በሱ ምክርም ጠንካራ ሰራተኛ ሆንኩ።
እንድ ቀን ታዲያ ስደውል አሞት ሆስፒታልእንደሆነና ቀዶጥገናም ሊደረግለት እንደሆነ ነገረኝ በጣም አዘንኩ አለቀስኩ ቤተሰቦቹ ለሱ ግድ እንደሌላቸው ነግሮኛል ብቻውን አሳዘነኝ ልምጣና ላስታምክ አልኩት እይሆንም ይልቁኑ የምታከምበት ብር ስለሚያስፈልገኝ በርተሽ እየሰራሽ ላኪልኝ አለኝ እኔም አጠራቅሜ የነበረውን ብር ሁሉ ላኩለት ከዛምበውሀላ ያለውን ደሞዜን ይቸግረው ይሆናል እያልኩ በየወሩ እየተቀበልኩ እልክለት ጀመር።
እሁን ሁለት አመት ከመንፈቅ ሆኖኛል ወደ ሀገሬ መሄጃዬም ደርሷል።
ድወዬ ነገርኩት በድስታ እንደሚቀበለኝ ነገረኝ ሀገሬ ደረስኩ ፍቅሬን ያን የናፈኩትን አገኝሁት ተቃቅፈን ሰው ጉድ እስኪል ተላቅስን ታክሲ ይዘን ጉዞ ጀመርን ወዴት እንደምንሄድ ጠየኩት የሚያሳየኝ ነገር እንዳለ ነገረኝ እሺ ብዬ ጉዞየን ቀጠልኩ ከ አዲስ አበባ መውጫ አከባቢ ስንደርስ ታክሲው ቆመ ወርደን እሱ ሻንጣየን እየጎተተ እኔንም እየመራ ወደ እንድ የሚያምር እዲስ ቤት ይዞኝ ገባ የማን ቤት ነው?
አልኩ ጨንቆኝ የበሩን ቁልፍ ከበሩ ላይ ነቀለና "ይህ ያንቺ ቤት ነው የልፋትሽ የድካምሽ ውጤት" ብሎ ቁልፉን አስረከበኝ እራሴን መቆጣጠር አልቻልኩም ወድኩ ራሴን ሳትኩ ትንሽ ቆይቼ ስነቃ ታፋው ላይ አንትርሶኝ በውሀ የረጥበ ፎጣ ግንባሬ ላይ አርጎልኝ እንባው ከሁለቱም አይኖቹ እየወረዱ ያየኛል እኔም ሳየው እንባዬ ያለኔ ፈቃድ አይኖቼን ጥሶ መውረድ ጀመረ የምለው ግራ ገባኝ ደስታ አስክሮኛል እሱ ግን አይኖቼን በፍቅር እያየ
"እምነት
ተስፋ
ፍቅር
እነዚህ 3ቱ ፀንተው ይኖራሉ ከሁሉም የሚበልጠው ግን ፍቅር ነው" አለኝ።
አዎ እውነት ነው ከሁሉም የሚበልጠው ፍቅር ነው
ፍቅርን ያስበለስጠና ያከበረው ደግሞ ኢኸው እንደኔ በደስታ ይኖራል።
አሁን ተጋብተን የ 3 ልጆች እናትና እባት ሆነናል ልጆቻችንም በእምነት
ተስፋ
ፍቅር
ይባላሉ።
ለሁላችንም ፍቅር ይስጠን አሜን።
Comment #1 ➪
@TsegayeeeeComment #2 ➪
@Nafsiyeeee ✩｡:*•.───── ❁ 🌹❁ ─────.•*:｡✩
@Endaga @Endaga✩｡:*•.───── ❁🌹❁ ─────.•*:｡✩
