﮼شُودِي،الوَرفلِي .

توا توا انت يا بنادم ، تجي تحكي مع بنت لناس وتعارك معاها وتهددها وتفرد جناحاتك ، وتبي تحسب روحك راجل ؟ لا والله ، مش هكي الرجولة ، الرجولة إنك تعرف حدودك وتحترم غيرك ، وتحكي بعقل حتى وانت معصب ، مش تكبرها وتخليها أكبر من حجمها ، اللي يعلي صوته ويهدد بنت ، راهو مش قوي ، بالعكس هذا ضعف وقلة تربية ، لأن القوي يبان من هدوءه وتصرفاته ، مش من عصبيته ، خليك فاهم ، البنت أمانة ، واحترامها ضروري ، واللي ما يعرفش يحترم بنات الناس ، ما يستاهلش حد يحترمه ، الرجولة أخلاق قبل كل شي ، والكلمة الزينة ترفعك ، والغلط يطيحك ، واللي ما يقدرش يتحكم في روحه ، عمره ما يكون راجل بحق ، خليك كبير بتصرفاتك ، وخلي صورتك ديما نضيفة ، لأن اللي فيه خير ، يبان من أسلوبه مش من شدته .