Finfinnee Post

Imimmaan qullubbii fi Imimmaan Jaalalaa😭

Jaalalleenkoo amma naaf bilbiltee "Waa'een heerumakoo haa hafu, akkamitti waa'ee fuudhakee dagatta?" naan jette. Bita na gallaan nan callise. "Dubbadhu jazbaa! Hawwiinkee gara fulduraa maalidha?" naan jette. "Hawwiinkoo gara fulduraa biyya nagaa keessa jiraachuudha..." jedhee utuu ani hin fixiin "Nagaa dhabi jaanja'aa. Baqqaa na wajjin jiraachuu hin hawwitu jechuudhaa?" jette. "Nan hawwa bareedduukoo!" jedheen. "Dhuguma natti himi. Na wajjin jiraachuu hammam hawwita?" naan jennaan "Na amantaa? Amma uummanni keenya nagaa hawwu caalaan si hawwa" jennaan bilbila narratti cufte.

Beela'een bakka taa'uu ka'ee qullubbii hamma dhagaa koobilii ga'u tokko kukkutuu akkuman jalqabeen imimmaan maddiikoo irra 'kol kol' jedhee yaa'e. Nama qullubbii kukkutaa boo'u utuun taane nama firri jalaa duunaan boo'un fakkaadha. Kanuma gidduutti ammas deebitee naaf bilbilte, jaalalleenkoo. "Dammakoo! Dhufaan jira, mana bira ga'eera" naan jette. Nan rifadhe. Lafan jiru utaalee ka'ee itti ba'uuf jennaan dhuftee balbala bira geesseetti. Dafeen qullubbii sana dhokse.

Akkuma seenteen imimmaankoo argitee baayyee rifatte😳 "Maal na jalaa taate gooftaakoo!" naan jette. "Lakki homaan taane giiftiikoo! Situ hin beeku malee ani baayyeen si yaada. Ammayyuu si obsuu dadhabeen taa'ee boo'aa tureem!" ittiin jedhe. Homaa utuu natti hin dubbatiin ijakoo keessa na ilaalaa imimmaan harcaasuu jalqabde😢 Kunoo amma lamaan keenya wal qabannee boo'aa jirra. Anaan qullubbiitu boossisa, ishee jaalalatu boossisa. Imimmaan qullubbii fi imimmaan jaalalaa😂


✍ @wakumafekadu

JOIN👉 @waaqooF
JOIN👉 @waaqooF

Galgalaan jaalalleenkoo wajjin wal lolle. Guyyaa guutuu na rakkisaa oolte. "Har'a dirqama #Night_club deemnee halkan guutuu sirbuu qabna" naan jette. Nutti haa hafu giiftiikoo jedhee kadhadheen dadhabe. Obsee obsee gaafa naaf gamu, kaballaa itti qadaadeen biraa deeme🚶

Dammakoo!
Jireenya baranaa sirbinee dhiisiitii, faarfanneeyyuu nutti ulfaateera😂

✍ @wakumafekadu

JOIN @waaqoof
JOIN @waaqoof

Anaa fi Zayitii Abbaa Leetira 5 😭

Dhugaadha, fuudhuukootti har'an gaabbe. Nyaata bara kanaa mitii, jaalalli bara kanaayyuu zayitii malee waan mi'aawu natti hin fakkaatu. Haadha manaakoo Turungoo Mazgabuu ammoo duriyyuu zayitiin xiqqaan ishee hin ga'u. "Zayitii isa kam?" jettee nan gaafatiin. Baqqaa waanumti zayitii jedhamu ishee hin ga'u. Sababa kanaan zayitii qaamakoo keessaa fi zayitii highland keessaa si'a lama itti hin fayyadamtu😋

Dhiyoo kana hafuura akkas zayitii ishee jaallachiisu kana irratti kadhachiisuufan waldaa deeme. Gaafan achi ga'u gatiin zayitii dibataa isaanii gatii zayitii nyaataa caala. Garaagarummaa maalii qabaree jedheen dhiisee gale🚶 Turungoon kaleessa zayitii abbaa leetira 5 akkan bituuf qarshii 1000 natti kennitee "Lafti dhihe jennaan saggoo dhahanii sirraa fuudhu guyyaadhaan gali" naan jette. Dhugaa isheeti, hattoonni ganda keenyaa bilbila dhiisanii zayitii saamuu erga jalqabanii bubbulaniiru. Hattuunis mootummaanis zayitii saama bara kana.

Anis utuman sossodaadhuu suuqii seenee utuun gatii isaa falmuu sa'aatiin na jalaa deeme. Dhuma irratti 950'n bitee suuqii sana keessaa ba'uukoo qofan yaadadha. Sana booda eenyu akka na tuqee fi maaliin akkan tuqame utuun beekiin ganda keenya 02 keessaa fuudhameen ganda 01'tti of arge😢

Warri adeemtanii bakkuma argitanitti zayitii keessan firfirsitan utuu qusattan gaariidha. Keessumaa dhiironni. Zayitiin sin akkas dalga dhangalaastan cubbuu qaba 🙈

Post namootaa kutaa 4'ffaa 😍

⭕ "Jirra hunda baachaa"
Post dhiira haati manaa isaa kg 95 ulfaattu👵

⭕ "Oolmaan keenya Finfinnee kana fakkaata. Guyyaa addaa ture"
Post ijoollee Buraayyuu👫

⭕ "Jaalala dhugaa kan nama jaallatu Waaqayyoo duwwaadha"
Post durba jaalallee ishee wajjin wal lolte😢

⭕ "Dugda hin dhungatan
Hunda hin dubbatan"
Post nama mucaa dhalchee, funyaan mucattii namicha ollaatti ba'e👃

⭕ "Kan garaa malee kan maqaa yoom nu dhibe"
Post manaajera gandaa👺

⭕ "Daandiin jireenyaa barumsaan qofa miti"
Post barattoota 12 kufanii 🙈

⭕ "Miidhagnee miti, miidhamnee as geenye"
Post nama eebbifamee waggaa 8 booda hojii argate 🏃

⭕ "Lafa itti kufte utuu hin taane, lafa itti mucucaatte yaadadhu"
Post dhiitee kufaa (anuma 👮)

😋

Post Namootaa Kutaa 3'ffaa 😍

⭕ "Jilbeeffadheen bilcheeffadhe"
Post dhiira waggaa 6 durba tokko kadhatee argate😩

⭕ "Durbiif udaan xiqqoo hin qabdu"
Post diyaaspooraa barattuu kutaa 7'C fuudhe😋

⭕ "In ceeta... In ceetu... Isinis in ceetu... Ceetaniittu yee..."
Post raajii sobduu Zebra ce'uu hin dandeenye 😁

⭕ "Nuti warra rasaasa liqimsee, abidda tufu dha"
Post ijoollee Wallaggaa😛

⭕ "Like, Share, Comment, Subscribe godhaa..."
Post kadhattoota ammayyaa 😂

⭕ "Utuu beeknuu huuba wajjin"
Post nama haadha manaa isaa irraa durbummaa dhabe 🙈

⭕ "Waan boossee hin arganne, kolfii dabarsi"
Post nama qarshii namaaf liqeessee, namichi utuun deebisiin jalaa du'e 😭

⭕ "Baraaf muxuxxee gad jedhanii dabarsu"
Post nama hojjaa gabaabaa 👷

⭕ "Kunis tokko kaanis gaaf tokko"
Post nama baajaajii bite 😍


Barreessaan: Milishaa keessan ganda 02 👮
Gulaaltuun: Jaartiikoo Turungoo Mazgabuu💃

#Anaa_fi_Valentine_Day
Amanamummaan gaarii waan ta'eef jaalallee 5 qofan qaba. Shanan isaanii naanna'anii karra Finfinnee shanan keessa jiraatu💃💃💃💃💃 Carraan isaan wal arguuf qaban gaafa Irreechaa fi eebba kitaabaa irratti qofa. Gaafa eebba kitaabaa namni hundi wal hammatee suuraa waan ka'uuf jaalalleewwankoo 5 ta’anii na hammatanii suuraa ka'u. Hunduu 'kankoo kankoo' jedhanii yaadu. Akksittin shanan ishee hammadhee suuraa ka'ee nagaan gala😍 Gaafa Irreecha ammoo 'Amantiin koo naaf hin eeyyamu' jedhee isaan sobeen dhokadhee irreeffadhee deebi'a.

Kanan gudii ta'e har'a. Hundi isaanii 'Valentine Day' wajjin kabajnu malee jedhan. Guyyaa salphinaatu ga'e egaa😳 'Lakkisaa jarana nutti haa hafu, guyyaa kabajuu keenya irra wal kabajuu nuuf wayya' jennaan ni didan. Akkuma aarii ganamaan ka'een koffiyyaa diimaa, kootii diimaa, kofoo diimaa fi kophee diimaa uffadhee manaa ba'e. Nama Valentine Day kabaju utuun taane, hojjetaa waajira ibsaa fakkaadheen jira. Sodaan natti dhaga'ame. Hundi isaanii waan wal baran natti fakkaate. Abaaboo tokko tokko utuun taane dullaa tokko tokko baatanii waan na eegan natti fakkaate.

Guyyaa har'aa nan qoqqoodeef. Ishee tokko gamama sa'aatii 4'tti, ishee tokko 6'tti, ishee tokkommoo guyyaa sa'aatii 8'tti, ishee tokko 10'tti, ishee tokko ammoo galgala 12'ttin beellame, achumaan wajjin buluuf. Yoo warra guyyaa irraa lubbuunkoo hafeef jechuudha. Sagantaama qabameen ishee ganamaa arguuf kaaffeetti waamnaan manakoo koottu malee naan jette. Maaloo jedhee kadhadheen dadhabe. Dhuma irratti nan deeme. Akkuman manatti ol seenee taa'een balbala cuftee gola seente. Sana booda shanan isaanii natti ba'an. Lafan taa'uttin hadoode. Akkan du'us nan bare. Namootan kanaan dura itti balleesse illee dhiifama gaafachuuf yeroo akkan hin qabne naaf gale. Cubbuu Turungoodha akkan jennemmoo Tungeen mataan isheeyyuu cubbuudha.

Egaan isheen tokko dullaa baatti. Isheen tokko harka mirgaan shukkaa, harka bitaan cilfaa baatti. Isheen tokko ilmoo mooyyee isa guddaa qabattee jirti. Isheen kan biraan dhagaa koobilii of jala tuultee jirti. Isheen dhumaa gajaraa baatti. Hundi isaanii al takkaatti dhufanii waan baatan gaafa narra buusan ani utaaleen hirriba keessaa ka'e.

Wayyoo abjuu ganamaa, wayyoo lapheekoo😭

⭕ Yoo ati waa'ee KFO haasofte "Jabbilootaa Jawaar" siin jedhu.

⭕ Yoo ati waa'ee mootummaa kanaa xiqqoo dubbatte "Kooyyee Faccee'tii kondominiyeemii qaba. Ashawaa Meedaa'tii lafa fudhateera" siin jedhu.

⭕ "Yoo ati kutannoo fi cichoomina Jaal Daawud Ibsaa dubbatte "Girrisa ABO" siin jedhu.

⭕ Yoo waa'ee jagnummaa Jaal Marroo haasofte "Shanee" siin jedhu

⭕ Maaliif uummanni buqqa'a? Maaliif sabni keenya gidirfama? jettee yoo gaafattu ammoo "Ergamtuu wayyaanee, farra misoomaa" siin jedhu (warri mangiftii)

⭕ Yoo ati lolli gaarii miti, nagaa nuuf wayya jettee waa'ee nagaa kadhattu ammoo "Raajii sobduu" siin jedhu.

⭕ "Godinni sun miidhamaa jira, maaloo ni gargaarra" yoo ati jettu "Gandummaa" siin jedhu.

⭕ Akka sabaatti rakkoo qabna yoo jette "Gantuu" siin jedhu

⭕ Yoo ati waan hundumaa callistee ilaaltu ammoo "Basaastuu dha" siin jedhu.



Jarana koottaa takkaa walitti yaanee ulee milishaa ganda keenyaa ergifannee likkiitti wal galchina😳 Maaliif teenyee wal gubna?

Join @waaqooF
Join @waaqooF

@wakumafekadu

Gurbaa ganda keenyaa tokkotu "Aartiin na waamte" jedhee gara studio deeme, sirba baasuuf. Aartiin keenyammoo karaatti itti dhuftee "Lakki anoo siin hin waamne, maqaan gowwaa nama gooti" ittiin jette😍 Maaloo sirriitti waamamuu keessan adda baafadhaa artistoonni keenya🚶

@waaqooF
✍ @wakumafekadu

Shammarran dhiira qarshii isaa ilaaltanii gaafa itti heerumtan, xiqsii "Waanti hundumtuu isaan ta'e" jedhu balbala mana keessaniitti hin maxxansiinaa. Sababni isaayyuu kan keessan waanti hundumtuu isaan ta'e utuu hin taane, qarshiidhaan ta'e😜


Join👉 @waaqooF
Join👉 @waaqooF

Loomii tokko bitadhee guyyaa guutuu baadheen jooraa oole😢 Kunoo utuu ani hin darbatiin lafti dhihee suunfachaan gale😭

Ayi carraakee jedhe abbaan Lataa😍

Loomiin tokko qarshii kudhan gale😳 Ani egaa dhagaa koobilii itti darbadheen ilaala malee, loomiin koo irran bu'iin hafee kisaaraa galuu hin fedhu😂

"Anoo yoomuu hin fayyu, amma yoomiitti na hidhu?" jedhe maraatuun😍

Lafa kana irratti...

Gaaf-gaafii ni rooba
Gaaf-gaafii aduu baasa,
Barri tokko si kaa'a
Barri tokko si kaasa

Guyyaan tokko dukkana
Guyyaan biraa ifa,
Jiruun addunyaa kanaa
Homaan qabu bifa

Namni tokko si kuffiisa
Kan biraan si kaachisa,
Haalota ati ilaaltu miti
Waaqa'tu si jiraachisa!

Jiruun namaan guuttu
Gaafii gaanii ykn okolee,
Guyyaan hafu hin jiru
Abdii hin kutiin obbolee!


Join👉 @waaqooF
Join👉 @waaqooF
Join👉 @waaqooF

✍ @wakumafekadu

Garaagarummaa shamarran durii fi kan ammaa waliin ilaalla😳

⭕ Isheen durii humna ishee humna fardaa dha. Isheen ammaa rifeensa isheetu eegee fardaa dha🙎

⭕ Isheen durii si raffistee mormakee jala galtee rafti. Isheen ammaa si raffistee fb galtee achumaan rafti😌

⭕ Isheen durii teessee callisteema ija abbaa manaashee ilaalti. Isheen ammaa gogdee teessee #Kana ilaalti🙄

⭕ Isheen durii yoo kabalan hafuura dhokfattee gola seenti. Isheen ammaa yoo kabalan nama dhiitti💃

⭕ Isheen durii ogummaa akkam bareedu qabdi. Isheen ammaa marqaa marquuf qullubbii kukkutti😜

⭕ Isheen durii utuu hojii isa manaaf bakkee hojjettuu lafti dhiha. Isheen ammaa utuu kaaffee irra naannooftuu lafti dhiha😡

⭕ Isheen durii saalfii beekti. Isheen ammaa suuraa #seelfii ka'uu qofa beekti🤳

Walumaa galatti horteen Hewwaan warri durii lafa kana irra waan hin jirreef, nuti horteen Addaam akkatti fuunu dhabnee rakkachaa jirra😋


Join👉 @waaqooF
Join👉 @waaqooF
Join👉 @waaqooF

✍ @wakumafekadu

Tokkommoo barreeffama "Ameerikaa harka kee nurraa kaasi" jedhu shurraba isaa irratti barreeffatee deema.

Obboleessakoo Ameerikaan harka nurraa kaasuu mitii, miilla isheeyyuu dabaltee nurra keesseetti😍

Join👉 @waaqooF
Join👉 @waaqooF

ATM keessaa qarshii erga baafatee booda nama dhaabatee lakkaa'u gaafa argitu, wal shakkuun keenya sadarkaa kam irra akka ga'e barta😍


Join👉 @waaqooF
Join👉 @waaqooF

#Giiftiikoo !

Namni saadaaf sin yaadu
Namni yaadaaf sin yaadu,
Jedhuufan jedha miti
Dhugaa waaqa jiraataa,
Oggayyuu waa'eenkee
Garaa koo na nyaataa!

Akka waan lafeenkoo
Sirraa ijaarameeruu,
Akka waan foonkoo
Sirraa suphameeruu,
Akka waan dhiignikoo
Sirraa waraabameeruu,

"Naaf eegi, naaf tiksi!"
Jedheen dhageessisa
Gara waaqatti iyyakoo,
Nagaan si haa argatu
Oromiyaa biyyakoo! ⚫️🔴⚪️


Join👉 @waaqooF
Join👉 @waaqooF
Join👉 @waaqooF

✍ @wakumafekadu

"Ana falmataa sabaa
Boonsaa ilma abbaa gadaa,
Yoo Oromoon tokko ta'e
Diinni isaa baqee badaa!"


Jedhe #Eebboo'n.