𝗥𝗮𝗱𝗶𝗼 𝗫𝗼𝗿𝗲𝘇𝗺𝗮 📢

FVV: Toshkentdagi portlash oqibatida ikki kishi halok bo‘lgan

14-mart kuni soat 11:40 larda Uchtepa tumani “Cho‘pon ota” mahalla fuqarolar yig‘ini hududida joylashgan “Aksava” kompaniyasiga qarashli ikki qavatli avtomobillarga xizmat ko‘rsatish shoxobchasi 2 ta boksining derazasi va devorlari qisman qulash sodir bo‘lgan.

Mavzuga doir: Uchtepadagi avtoservisda portlash yuz berdi. Jarohatlanganlar bor

Birlamchi ma’lumotlarga ko‘ra, holatning kelib chiqishiga kislorod yoki gaz ballonining yorilishi sabab bo‘lganligi taxmin qilinmoqda, deya xabar bermoqda Favqulodda vaziyatlar vazirligi.

“Ayni vaqtda hodisa sodir bo‘lgan joyda Favqulodda vaziyatlar vazirligi qutqaruvchilari tomonidan qidiruv-qutqaruv ishlari amalga oshirilmoqda”, — deyiladi FVV axborotida.
Qo‘shimcha qilishlaricha, mazkur holatning kelib chiqish sabablari yuzasidan dastlabki tergovoldi surishtiruv ishlari olib borilmoqda.