#Shavvol
Olti kunlik roʼzani shavvol oyining ikkinchi kunidan boshlab tutish mumkin. Zero, shavvol oyining birinchi kuni Ramazon hayiti boʼlgani uchun unda roʼza tutish taqiqlanadi. Shuningdek,
Iydul fitrdan soʼng darhol roʼza tutish ham shart emas, balki shavvol oyi davomida tutsa, joiz.
Ramazon oyi davomida baʼzi kunlarining roʼzasini tuta olmagan kishilar, avval oʼsha kunlarning qazosini ado etib, soʼng olti kunlik roʼzani tutsalar, ayni muddao boʼladi.
Аmmo, bu oyda olti kunlik nafl roʼzani tutib, Ramazondan qolgan qazolarni undan keyin yoki boshqa oylarda tutsalar ham zarari yoʼq. Lekin
ulamolarning tavsiya qilishlaricha, shavvol oyida tutiladigan olti kunlik nafl roʼzani ketma-ket emas, balki har haftada ikki kundan tutish fazilatdir. Аyniqsa, dushanba va payshanba kunlari tutilsa, nur ustiga nur boʼladi. Zero, bu kunlarda tutilgan roʼzaga qoʼshimcha qilib, oʼsha kunlardagi roʼza tuganlik ajri ham yoziladi, inshaalloh. Bundan tashqari, qazo boʼlgan roʼzalarni ham mazkur oyda tutish bilan bu muborak oydagi fazilatlarga erishiladi.
🔗
https://xutba.uz/15/04/2024/7714/