كولو آمين باجر ايعود الحبيب الغالي
كولو آمين بلكت ايردلي او ترد امالي

ادعو ياليل وهوه
بلكت ايرد الضوه كولو آمين
_____________________________

يله يا ليل ادعي بلكت يرجع الهسه ابسفر
حته من اونيني اريحك منه كلبك منفطر
بعد ما اكسر خواطر نجمتك وي الكمر
بعد ماتبجي اعله حالي وتذبل اعيوني بسهر

تدري بالحال وانته عشره ويه التروح احبابه
تدري بالحال واني ابوي حسين طال اغيابه

مطرن عيوني سوه
بلكت ايرد الضوه
________________________________

ادعي يرجع ياهوه الله خاطر ايطيب النفس
انته تجويني من اشمك كالجمر شهكك احس
ياهوه مشتاكه اشمه خنكه مر اشجم امس
ياهوه او يتراوه اليه داست ابصدره الفرس

تجوي الانفاس ياهوه ولو يجي تطيب اجروحي
تجوي الانفاس الاغله منك مشه او فارك روحي

من عطش هم ارتوه
بلكت ايرد الضوه
________________________________

ادري انه السافر حبيبه يشكي بجروحه لهله
اشلون اليروحون اهله وماكو واحد ضل اله
وابكلب الابنيه ابوهه دوم ماخذ منزله
والمصيبة انوب دربه هوه واهلي الكربله

راحو ابعيد وحدي ضليت او منو الاشكيله
راحو ابعيد او دوم المفارك ايطول ليله

لعلتي ما ينفع دوه
بلكت ايرد الضوه
________________________________

بعد ما اسمع اسم الله بجفمن الزم لو طحت
من تهيج جروح روحي ياهو يسمع لو صحت
محد ايدك اعله جتفي لون فزيت او نحت
يا هوه احجيله التركني كله ذبلت من رحت


كَله صفنات ليلهه ايخلص وما يوكف دمعهه
كَله صفنات طفله تكسر خاطر ومحد سمعهه

خدي بدموعي انجوه
بلكت ايرد الضوه
________________________________

ايام كل فاكد طويله مره ابد ما تنجرع
اتحسه بحجايته دمعه حسره بيه ماتنسمع
اني حالي هواي اقسه عشته من هذا الوضع
اشتعل كل مغربيه واذبل اشلون الشمع

عايشه ابنار اشما يمر ليل اني احير بحالي
عايشه ابنار وانه من اهلي ولا ضل غالي

كولو للشال اللوه
بلكت اير الضوه

______________________حسين المحامي