O‘zbekiston Yozuvchilar uyushmasi


Kanal geosi va tili: O‘zbekiston, O‘zbekcha
Toifa: Ta’lim


Adabiyot yashasa, millat yashaydi.
Фикр ва мулоҳазаларингизни, адабиёт ҳақидаги мақолаларингизни шу манзилга йўлланг:
@yozuvchilarbot

Связанные каналы

Kanal geosi va tili
O‘zbekiston, O‘zbekcha
Statistika
Postlar filtri


28 000DAN ORTIQ KITOB SOVG‘A QILINDI

   Bugun Alisher Navoiy nomidagi O‘zbekiston Milliy kutubxonasida adabiy-maʼrifiy tadbir bo‘lib o‘tdi. Unda O‘zbekiston Yozuvchilar uyushmasi raisi, xalq shoiri Sirojiddin Sayyid, uyushma va kutubxona jamoasi, respublikamizning turli hududlaridan kelgan kutubxona rahbarlari qatnashdi.
   Tadbirda mamlakatimizda keyingi yillarda adabiyotga, kitobxonlikka berilgan eʼtibor haqida so‘z yuritildi. Samimiy ruhda kechgan kecha ijodiy uchrashuvga aylanib ketdi. Sirojiddin Sayyid ustoz ijodkorlar va o‘z sheʼrlaridan o‘qib berdi.
   Uchrashuvda O‘zbekiston Yozuvchilar uyushmasi homiyligida chop etilgan 30 nomdagi 150 dona kitob ulashildi. Uyushma raisi “Birinchi kitobim” loyihasi doirasida 25 nafar yosh ijodkorning chop etilgan kitoblaridan 28 000 donasi yurtimizdagi 224 ta kutubxonaga yetkazilishini maʼlum qildi. Bu xabar maʼrifat maskanlarida xizmat qiluvchi barchani xursand qildi.

O‘zbekiston Yozuvchilar uyushmasi Axborot xizmati


1-son “Muruvvat” bolalar internat uyi tarbiyalanuvchisi Hasan Asrayevni ishga qabul qilish jarayonidan fotolar.

Muallif – Ahmad To'ra.


Yoshlarga bo‘lgan eʼtibor samarasi

Bugun Yozuvchilar uyushmasida 1-son “Muruvvat” bolalar internat uyi tarbiyalanuvchisi Hasan Asrayevni ishga qabul qilish jarayoni bo‘lib o‘tdi.
Maʼlumki, Davlatimiz rahbari Shavkat Mirziyoyev yaqinda poytaxtimizdagi 1-sonli “Muruvvat” internat uyiga tashrifi chog‘ida nogironligi bor yigit-qizlarning hayotda o‘rnini topishiga ko‘mak ko‘rsatilishini taʼkidlagan edi. Mazkur tashrifdan so‘ng, bu yerda tarbiyalanayotgan yosh ijodkor Hasan Asrayev O‘zbekiston Yozuvchilar uyushmasi aʼzoligiga qabul qilindi.
25-26-mart kunlari Davlatimiz rahbari Namangan viloyatiga tashrifi chog‘ida yosh ijodkor Hasan Asrayev borasida to‘xtalar ekan, yosh isteʼdod sohibining intilishi, izlanishini yanada rag‘batlantirish, adabiy jarayonlar ijodiy muhitida unib-o‘sishini taʼminlash, shuningdek, ijtimoiy muhofazasini mustahkamlash maqsadida uni Yozuvchilar uyushmasiga ishga qabul qilish bo‘yicha ko‘rsatma berdi.
Shu maqsadda yosh ijodkor, I guruh nogironi Hasan Asrayev Yosh ijodkorlar bilan ishlash bo‘limi yetakchi mutaxassisi lavozimiga ishga qabul qilindi va unga uyushma guvohnomasi topshirildi.
Tadbirda uyushmasi raisi Sirojiddin Sayyid keyingi yillarda jamiyatimizda yangi ijtimoiy himoya tizimi shakllanayotgani, bunda birinchi navbatda ehtiyojmand kishilarga, jumladan, nogironligi bo‘lgan, kam taʼminlangan, mehriga muhtoj insonlarga har tomonlama eʼtibor va g‘amxo‘rlik ko‘rsatilayotganini taʼkidladi.
Shuningdek, O‘zbekiston xalq shoiri Mahmud Toir, yozuvchi Maʼmura Zohidova uyushma yoshlari safida yana bir isteʼdod egasi ko‘payotgani quvonchli ekanini bildirdi. Hasan Asrayev bunday eʼtibordan minnatdorligini bildirib, o‘z sheʼrlaridan o‘qib berdi.
Uyushma vakillari yosh ijodkorga ish jarayonida omad tiladi.

Zulayho Ahmadjonova


Tadbir jarayonidan suratlar


Farg‘onada “Barhayot mumtoz adabiyot” kitobxonlik tanlovi

23-mart kuni Farg‘ona shahrida “Barhayot mumtoz adabiyot” yosh kitobxonlar xalqaro tanlovining respublika bosqichi bo‘lib o‘tdi. Unda 10-17 yoshgacha bo‘lgan bolalar va o‘smirlar rus mumtoz adabiyoti vakillarining nasriy asarlaridan parchalar o‘qib berdi.
Tanlovda viloyatlar va Qoraqalpogistondan 32 nafar ishtirokchi qatnashdi. Tadbirga Farg‘ona viloyat Slavyan madaniyat markazi mezbonlik qildi. Hakamlar hay’ati tarkibiga yozuvchilar, rejissyorlar, rassomlar, o‘qituvchilar kirdi.
Xalqlar do‘stligi uyining keng zalida ishtirokchilar jam bo‘ldi. Yoshlar sahnada kitobxonlik mahorati va badiiy o‘qish qobiliyatini namoyish etdi. Bolalarning mahorati barchada katta taassurot qoldirdi. Hakamlar hay’ati tomonidan tanlab olingan uch nafar qatnashchi – Toshkent shahridan Gubkin nomidagi Rossiya davlat neft va gaz universiteti filiali akademik litseyi o‘quvchisi Jasmina Yusupova, “Sehriyo” Xalq ta’lim muassasasi 6-sinf o‘quvchisi Amir Qodirov va Farg‘onadan “Yangi avlod” xalq ta’lim muassasasi 5-sinf o‘quvchisi Farzona Tulkinova “Artek” xalqaro bolalar markazida bellashuvni davom ettiradi. Final bosqichda 80 ta mamlakatdan kitobxonlar sovrinli o‘rinlar uchun kurash olib boradi.
Tanlovda ishtirokchilarga O‘zbekiston Yozuvchilar uyushmasi tomonidan taqdim etilgan esdalik sovg‘alar, diplom va medallar topshirildi.

Galina Dolgaya,
O‘zbekiston Yozuvchilar uyushmasi a’zosi


“Yangi O‘zbekiston” gazetasining 2024-yil 29-mart kungi 63-sonida shoira Zilola Xo‘janiyozovaning “Baxtning surati” nomli maqolasi eʼlon qilindi.
Unda muallifning vatan chizgilari, ona tilimizga bo‘lgan munosabati, yurt sog‘inchi va xorijliklar bilan bo‘lgan samimiy suhbatlari bayon etiladi.


Video oldindan ko‘rish uchun mavjud emas
Telegram'da ko‘rish
Shukur Xolmirzayevning gʻazali ham, ruboiysi ham bu uning hikoyalaridir.

Ibrohim Haqqul

“Umr daftari”




Video oldindan ko‘rish uchun mavjud emas
Telegram'da ko‘rish
Dante – Gʻarb sheʼriyatiga tasavvuf falsafasini olib kirgan shoirdir

“Dunyo adabiyoti”


Bugun adabiyotshunos olim Ibrohim Haqqul tavvalludiga 75 yil to'ldi. Sana munosabati bilan "O'zbеkiston 24" radiokanalining "Bugun" dasturida eshittirish efirga uzatildi.

O'zbеkiston Yozuvchilar uyushmasi Axborot xizmati


TAKLIFNOMA

Sizni 2024-yil 29-mart kuni soat 15:00da yetuk navoiyshunos, filologiya fanlari doktori, professor Ibrohim Haqqul tavalludining 75 yilligiga bag‘ishlangan xotira kechasi va olimning "Navoiyga qaytish - 5", "Mushohada yog'dusi - 3" hamda "So'zboshi: irfon va ishonch" kitoblari taqdimotiga taklif etamiz.
Manzil: Toshkent shahri, Mirobod tumani, Shahrisabz 5-tor ko'chasi. Mo‘ljal: "Miran" mehmonxonasi.

O‘zbekiston Fanlar akademiyasi O'zbek tili, adabiyoti va folklori instituti

ТАКЛИФНОМА

Сизни 2024 йил 29 март куни соат 15:00да етук навоийшунос, филология фанлари доктори, профессор Иброҳим Ҳаққул таваллудининг 75 йиллигига бағишланган хотира кечаси ва олимнинг "Навоийга қайтиш - 5", "Мушоҳада ёғдуси - 3" ҳамда "Сўзбоши: ирфон ва ишонч" китобларининг тақдимотига таклиф этамиз.
Манзил: Тошкент шаҳри, Миробод тумани, Шаҳрисабз 5-тор кўчаси, Мўлжал: "Миран" меҳмонхонаси.

Ўзбекистон Фанлар академияси Ўзбек тили, адабиёти ва фольклори институти



12 ta oxirgi post ko‘rsatilgan.