الشاعر:زيـن العابدين الشمري

🧾شوط كربلائي

كل مجلس يجي المهدي وبكل مأتم ويحضر
لاجن ينعصر قلبه بزينب حزنه يتأثر

❁ ❁ ❁  ❁ ❁ ❁  ❁ ❁ ❁

الله يساعدك مولاي قلبك يحمل الحرگة
من تذكر الم زينب بخدك دمعه محترگة
ماتت من وداع حسين وشيتحمل الفركة
مو بس الصدر مخنوك كل نسمه التجي خنگه
بعد اخوتها بالغربة
وتدري الينفگد صعبة
يبقه بدمعه اليحبة
وتبقى بالدرب روحه متاني ويبقى يتصور

❁ ❁ ❁  ❁ ❁ ❁  ❁ ❁ ❁

لمن ينصب مأتم والبـي تنذكر زينب
تجري ادموعك اعليها ويضل القلب ينحب
ماضل الدلال الجان ذاك الخدر المرتب
ذبلت ورده العباس يالصيت العبي مترب
وينه الي كفل خدره
وينه الذي دك صدره
غابت نعشه الگمره
وماتت زينب الحره وادموعي بدت تعثر

❁ ❁ ❁  ❁ ❁ ❁  ❁ ❁ ❁

يلطم صدره بحزنه من يذكر غرُب تحدي
يندب ثارج بعيني يعمه وها انا المهدي
ابجي من الصبح لليل ونيران الالم تبدي
وي توقيت طف حسين والثار الذي عندي
نعشج مايشيعونه
ماقبلوا يشيلونه
اخوتج بس يحملونه
ردتي و لا هلج يمج وهم مثلج انه اتصبر

❁ ❁ ❁  ❁ ❁ ❁  ❁ ❁ ❁

زينب تكسر الخاطر صلت كعدة بترابه
من تتشهد وتذكر جرح القلب وصوابه
من تتفجر الدمعه با اه يحسين ومصابه
تسجد لله وتناجي سر الباري وحجابه
قربان واجر فرضه
يرضي الباري وبأرضه
اخذ ياربي فالترضه
علينه وفدوه لعيونك واليتقربك يؤجر

❁ ❁ ❁  ❁ ❁ ❁  ❁ ❁ ❁
زينب ياهوه الباري ويانسمه علي حيدر
اني المهدي كل مجلس ياعمه الج احضر
وي خدامج واقره والطم وابجي واتحسر
وارجع اكتب الخدموا زينب يمي بالدفتر
والي يقره عن خدرج
والي يعرف بقدرج
والي يعترف بأمرج
مظلومة انتي يا عمه واليذكر على المنبر

❁ ❁ ❁  ❁ ❁ ❁  ❁ ❁ ❁
اه يالشام والسوه بيج ودمعتج تجري
كل دمعه البجيتيها اي محسوبه من عمري
اطلم راسي بجفوفي مو بس الطم بصدري
يانضره علي شسوه بيج الحزن اني ادري
ذبل روحج وروحج
وزيد همج ونوحج
محد ضمد اجروحج
لو بس شايفه حسينج يرجع عمرج وخضر
❁ ❁ ❁  ❁ ❁ ❁  ❁ ❁ ❁

كلمات زين العابدين الشمري

شور


نوحوا على زينب

❁ ❁ ❁  ❁ ❁ ❁



نوحوا على زينب


ام الخدر والهم      نوحوا عليها

وجمرات المخيم    جوت اديها

خنگة وحزن الم     حتى بجيها


شبت بالخيم نار    وعليها الزمن جار

لا خيمة ولا دار    زينب بت علي


نوحوا على زينب


 ❁ ❁ ❁  ❁ ❁ ❁  ❁ ❁ ❁


 نوحوا على زينب


من تنذكر دمعه      تجري بجفنها

راحت اله توداعه    حسين بحزنها

ظلمة ولا شمعه     وعثرت ببنها


ليل وحشه اعله العين    راحت تفگد حسين

عثرت بالمطاعين        زينب بت علي


نوحوا على زينب


❁ ❁ ❁  ❁ ❁ ❁  ❁ ❁ ❁


نوحوا على زينب


من شافت الغربة     حنت لهلها

دنية غدت صعبة     حته بسهلها

ياهوه التندبة        بصوته ويكلها


هدئت كل الأصوات     كالت بلكي ما مات

ويسمع مني جلمات     زينب بت علي


نوحوا على زينب


❁ ❁ ❁  ❁ ❁ ❁  ❁ ❁ ❁


نوحوا على زينب


من عرج الحادي    يا دمعة موتي

ما گالت اولادي     كالت اخوتي

يا كربله بلادي    ردي اعله صوتي


هاي أجساد الإخوان      مرمية اعله تربان

ولاذت بيه نسوان         زينب بت علي


نوحوا على زينب


❁ ❁ ❁  ❁ ❁ ❁  ❁ ❁ ❁


نوحوا على زينب


ضل بالقلب حزني     جرح المصيبة

عبدالله وسدني          الراح شجيبة

 وبراويه دفني           اني غريبة



وصيتي بهالاسنين     گبري بصفه كل حين   

تنصب مأتم حسين      زينب بت علي


نوحوا على زينب


❁ ❁ ❁  ❁ ❁ ❁  ❁ ❁ ❁


زين العابدين الشمري

  

🧾: زينب
🖋️: زين العابدين الشمري

شور گعديه بداية مجلس
………….……………………….……………

مغربه والشام شبعدها          زينب
دمعة واحزانج بعدها             زينب


يالفگدـتي كل اخوتج             زينب
راحت اعيونج وصوتج           زينب


يالجرح قلبج بقايه                زينب
وبنزف روحج دمايه              زينب


متي بالهم يالحبيبة              زينب
كلتي الحسين شجيبه          زينب


وين عباس وجفوفه             زينب
لحضه قبل الموت اشوفه     زينب


سكرة الموت اعله فاگد        زينب
الله ليشوفها واحد               زينب


كربلة وي الهم قضية           زينب
بالحرب والغاضرية              زينب


ساعة الموت الدنتلج          زينب
لا اهل والله بقتلج              زينب


سافرت روحج يزينب         زينب
والصبر من عدها شيب      زينب


بالغرب شمسج وحيده      زينب
اديار بس كلش بعيده        زينب


صعبه من دون الغوالي       زينب
وحشة وانته ابلايا والي        زينب

بالم خلصت سنينج           زينب
زينب ودمعه اعله عينج     زينب

………….……………………….……………
🖋️: زين العابدين الشمري

قناة لنشر الحان القصائد
https://t.me/zainalabdeen95

ما جرى على مولاتي ام المصائب
🧾
دفنت دمعها بعين

دفنت دمعها بعين     طلعت تدور حسين
زينب غريبه   وهاي المصيبه

شافت محمد    فوك الثره    طايح تره    ومخضب اخضاب
بالحسره ناحت    ومنها بجت   وستهضمت   من شافت اتراب

يذري اتراب الفوك اجروحه ولهن دم غبش
وضل موذر ناحت روحه وصوره من العطش

واهات بقلبه مسموعات     وبزينب تاكل هل الاهات

حركه وشمس وتراب    مثل الشمع من ذاب
وجثته سليبة    وهاي المصيبه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

صارت قريبه      وعثرت ببن    صار الحزن    يتفصل افصال
راحت لخوهاا      وكالت انه    وفدوه الضنه   موجلمه تنگال

فدوه اولادي لوجهك خويه وبفيض الدمه
بس لوكونك سالم خويه وداعت فاطمه

والالام بزينب لا متهيد      يم جثت حسين تموت تريد


جثه بحلم تابوت  يمه تريد تموت   
يمه قريبه      وهاي المصيبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

لعطر الشريعه   ضمت دمع    ماينجمع    لطمت على الراس
ياضي عيوني     صاحت اله     وي كربله      خويه يعباس

سهم العين اتمنى بعيني يا روحي نرمه
وكون اجفوفي الطاحن دونك يانور السمه

مثلي ياخويه شلون انعاف    ودمعي ياكفالي الينشاف

اني الاجيت وياك       وبقه بعد عيناك  
بناري اللهيبه    وهاي المصيبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رحله وسبيه      فوك الهزل    ربطة حبل    صعبه ودرب شام
متكفله بعيال    طفله وطفل   فوك الحمل    حزن القلب حام

يمشي الحادي ودمعي يسولف من ضيم الدرب
شيخلصه قلبي من حزني صار شكد صعب

وسفه تغير بينه هالحال     من ادونك ارحل ياكفال

بعيني حزن يعقوب     وقلبي صبر ايوب
قصتي عجيبه  وهاي المصيبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

شفت المصايب    وتالمت    وتحملت    من ضيم الاطفوف
وجرح اشتياقي       ينزف بقه      للملتقى     مو من الاسيوف

فركه وضاعت كل احلامي بعيني من السهر
ولو يسمع يبجي من حالي ويون الصخر

يتفطر جوفه اعله الدمعات    مخنوكه بدمعي والجلمات

بالگوه اجر انفاس      قلبي يون عباس
ومنين اجيبه       وهاي المصيبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
زين العابدين الشمري

🧾
شور كعدية (ملون بداية عزاء)

السيده زينب تخاطب امهاا واخيهاا الحسين     

سـوط تيمشه على متني
والـمـصـايـب ألمتني
اي ييمه وداعتج                      
مارحمني بسوطه يضرب 
ضهري يمه    واني حرمه
         
شحجي عن روحي وونيني    
عن مصـابـي بكل سنيـني        
اصعدت عل التل ونادي
اي يروحي بساعتج
                                  
هل تمـوتين       وي الاحسين          
راح احط صوتي بهوه الله                  
وراح اودي للحسين

صوتي بي طفله وعليل
ماكو لجروحي خليل                     
حتركت الخيمه واصلي
من مصابك من وصلي
جنت اصلي من جلوس                   
من كثر ماهب تراب 
واني اذكر بلمصاب     
وجهي اصبح كل طين                
راح اودي للـحـسيـن
                     
فايضه الحسره واحسب 
دمعي مثل الروجه الاتهب
يضحك بشوف الدموع                     
راح اوديها سكوت                        
ما اريد الشامتين
راح اودي للـحـسيـن                
تشوف مني تبجي عين                     
راح اودي للـحـسيـن                     
ـــــــــــــــــــــــــــــــــــــــــــــــــــــــ
الشاعر زين العابدين الشمري

كأني بمولاتي زينب عليها السلام عند اخر ايام حياتها
كأنها تقول :

أذن الموت اعله جرحي وحضرت روحي
وگلت راح حسين اشوفه وينكطع نوحي
أذن الموت

❂❂❂❂❂❂❂❂❂❂❂❂❂❂❂❂

شفت الضيم ما مر مثله بالاحلام
تعبت اهواي من حجي السبي والشام
لسة بأذني تبجي الحرم والايتام
وطبت السوك بيه تهيج الآلام

تخلص دموع السوالف والگبر بيتي
وامشي للبرزخ واشوف حسين عافيتي

أذن الموت



زين العابدين الشمري


❂❂❂❂❂❂❂❂❂❂❂❂❂❂❂❂

گربت ساعتي وحضرت جاي الموت
وخطيت الوصية بدون دمعه وصوت
من حزني اعله گبري ونگلت التابوت
راحة الموت راحة والاگبور بيوت

مثل ما احد يسافر عايف اجراحة
الدنيا وشيكتب عمرنا الموت مساحة

أذن الموت

❂❂❂❂❂❂❂❂❂❂❂❂❂❂❂❂

حضرت الجفن واخذ عباتي وياي
واخذ شوگي كله وادي بية هواي
واخذ تربة ومن الجربة نگطت ماي
واخذلي علگ من راية الوفاي

الله بس يدري اشتياقي لأهلي واخواني
بية وغياب الحسين شكثر اذاني

أذن الموت

❂❂❂❂❂❂❂❂❂❂❂❂❂❂❂❂

من خمسة سنين الحزن للخمسين
راح اهناك اروحاً حتى اشوف احسين
وانظر لبو فاضل حتى أكر العين
ويلتم الشمل من بيت ابو الحسنين

هناك اشوف امي واشوفاً كل حبايبنه
من عهد جدي الرسول وكل گرايبنه

أذن الموت

❂❂❂❂❂❂❂❂❂❂❂❂❂❂❂❂

صحوة موت قبل الأجل بس لحظات
اخبرك يا دهر بالضيم واللجمات
قلبي من طفوفي جزع بس ما مات
وغيمة عيوني مزنة وما بجت دمعات

ما أخليها الشماته تنظر ادموعي
من اخلتي ابجي ع اخوتي وحزني موضوعي

أذن الموت

❂❂❂❂❂❂❂❂❂❂❂❂❂❂❂❂

يملج الموت لا تنتظر خذها الروح
جهزت اعله المنية وراح يگظي النوح
هاي الدنيا كلها ما تطيب جروح
طبيبي حسين اشفى بنظرة المذبوح


كبر وسمي اعله روحي لمن تاخذها
ولا تأخرها بلقاها حسين سيدها

أذن الموت

❂❂❂❂❂❂❂❂❂❂❂❂❂❂❂❂

زين العابدين الشمري

شوط كربلائي



من قبري واجي اتعناك ياخويه بجفن عبره

اواسيك على موت امنا الحبيبة الطاهره الحره





جيتك اعليك يالعباس يم قبرگ دمع بيه

شد حيلك يخوي اليوم محنة ماهي اشويه


يا ابو فاضل اني حسين

ادري بلا جفوف عين

من گبرك سمعت إونين


تنادي ام الحنان تموت كسرة خاطر اعليه

فركه الام ولا تنطاق تصبح بالقلب جمره







گواك الله على الاحزان لمن كامت اطوفك

جناز انته خويه شلون وانته ماهن اجفوفك


اروحلك فده لتروح

وانته بحالتك مجروح

خلنه بكربله وانوح


خلي هنانه نبجي هواي اروحا فدو لحروفك

يحضرها علي لهناك خويه وتحضر الزهره





معزب بالضريح وياك وابقه استقبل انصارك

اوكف انته يم شباج گبرك لاگي زوارك


لاكي خويه المعزين

ابقه بمشهدك هالحين

الك خويه برگبتي دين


لذالك جاري يالعباس انته واني اضل جارك

الك واكف انه اعله الباب دين برگبتي شكبره






بهايه الفاتحة ياخوي امك مثل امي تصير

لجلي ضحتك بالروح خويه اعذرني على التقصير


يبو النوماس ياوفاي

ياساقي العطاشى الماي

مثل خيالي جنت وياي


أكثر من الاخوة التوم احنه مثل ماي وبير

خويه احزامك اني اليوم اخفف حزنك وامره






الگبه الجادر المنصوب بمناير صوت الأقرايه

عزه لأم البنين يصير بأرض الطف ترف رايه


تحضر هاشم تعزيك

رسول الله يجي يواسيك

وامي خويه تبجي عليك


يا ويلي على العباس تقره للحزن ايه

وتلاگي النسه ملاگاه ياهي للعزة تحضره






من الشام اجت زينب جابت سكنه وارقية

مرت خويه على الدفنة وتوكفلك اجت هية


لزينب يالاخو مشتاگ

مرت هالسنين افراك

جنت وياها ساك بساك


بس فرگنه وسفه الموت رحت عني مسبية

اخيتي الاغلا من الروح قلبي بدونها بحسره




زين العابدين الشمري

اسئل عليها الطف اذا عندك سؤال
تلگه الجواب
ضحت ولدها فدوه لعيون الدلال
اربع شباب
هاي الاصيله   ام البنين

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لو عندك سؤال محيرك وضعه
اشعل للجواب بنيتك شمعه
بطقوس الدمعه لمن تهمل الدمعه
راح من الدعه من ام الوفه تسمعه

تحصل جوابك لو عرفت ام البنين
ام الكرام
الصارو ضناها درع للاجروح الحسين
من السهام

وگالت قليله    ام البنين
هاي الاصيله   ام البنين

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اقرة عـن حـياة الصابره الحره
النذرت كل عمرها لخاطر الزهره
جانت بالقلب لحسين الف جمره
بيها والحزن يا ما نفذ صبره

عاشت حزينة وصابرة طول الحياة
من الجروح
دمعه بجفنها حتى لحضات اللمات
ومابيها روح

ماتت نبيله    ام البنين
هاي الاصيله   ام البنين

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مابين الدعى وربها نخليها
باب الحاجه صارت تنذكر بيها
اكثر وحده نقره الفاتحة اعليها
نصبح بيها صرنه احنه ونمسيها

من ندعي نذكرها لان تگضي الامور
سر الدعاء
مفتاح كل دعوه بعد قلب الصبور
لباب السماء

تصبح وسيله    ام البنين
هاي الاصيله   ام البنين

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الواحد لو دعه بسم امه لو سمه
الله يستجاب لدعوتة وهمه
هاي ام البنين الوفه والرحمه
ابو الاكبر حسين يكلها يايمه

اكثر من الام مرتبه الكلها الامام
يمه حسين
تكضيلك الدعوه بعد رد السلام
ام الحنين
ام وكفيله    ام البنين
هاي الاصيله   ام البنين

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لو كل البحار الها حبر صارت
والاشجار كلها اقلام جا حارت
لو كتبت فضالها الارض دارت
هالاوصاف حمل اجبال ونهارت

ماتحمل افضال او وصف سبع الشداد
هاي الملاذ
لو كل مطر طاح بارض واصبح مداد
يصبح نفاذ
هاي الجليله   ام البنين
هاي الاصيله   ام البنين

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نهر العلگمي لو تسئل ومايه
يمه يا جفوف الطاحن ورايه
منهو القدم القرابان والغايه
ام التضحيه لحسين شرايه

انطت حياة اربع زلم لجل البتول
لجل الحنان
وصارت على اولاد النبي وفحل الفحول
خيمه وامان

تحبها العقيله ام البنين
هاي الاصيله    ام البنين

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
#زين العابدين الشمري

خمسة عشر عمل يقربنا ويساعدنا في التمهيد للامام🌱
١_ دعاء الفرج
٢_ زيارة عاشوراء
٣_ زيارة آل ياسين
٤_ دعاء الندبة
٥_ بر الوالدين
٦_ الصدقة
٧_ الإلتزام بالصلاة
٨_ طاعة الإمام وإجتناب معصيته
٩_ دعاء العهد
١٠_ الإلتزام بالحياء والعفة
١١_ البكاء على الإمام الحسين ( عليه السلام )
١٢_ التمسك بالدراسة الجيدة للحصول على أعلى الدرجات.
١٣_ الأخلاق الراقية
١٤_ زيارة السيدة فاطمة الزهراء ( عليها السلام ) والبكاء عليها
١٥_ قراءة القرآن الكريم
#يا_صاحب_الزمان♥️

لمولاتي ام البنين وفاطمة الزهراء



فاطمِه الليلة تواسي فاطمِه
وانعقد بالحِزن مأتم بالسِمه

ــــــــــــــــــــــــــــــــــــــــــــــــــــــــــــــــــــــــــ

فاطـمة الزهـرة تواسي بالحزن أم البنيّن
أتلاگن ومجلس عزاهن بالسمه صار الونين
كـــل نساء الأنبياء و كـــل نساء المرسليّن
سون أقرأيه ودمعهن يحجي بهموم السنيّن

والجفون اعله الدموع أمعلمه
وانعقد بالحِزن مأتم بالسِمه

ــــــــــــــــــــــــــــــــــــــــــــــــــــــــــــــــــــــــــ

أجت حوه هم تواسي والدمع منها يسيل
ومريم وإبنت مزاحم وأجت هم مرت الخليل
وهاجر ومرت أبو طالب للعزه يم الجليل
وأجت راحيل وخديجة والحِزن بيهن يميل

عالحزن كل وحده بيهن عازمه
وانعقد بالحِزن مأتم بالسِمه

ــــــــــــــــــــــــــــــــــــــــــــــــــــــــــــــــــــــــــ

بالسمه أتلاگن حزنهن علن حي اعله الحداد
والملائك لبسوا اسود وشحوا كلشي بسواد
والسمه صارت عجيبه صارت أشبه بالمعاد
و البجي والنوح اصبح بالسمه السبع الشداد

مثل ما تمطر علينه ومظلمه
وانعقد بالحِزن مأتم بالسِمه

ــــــــــــــــــــــــــــــــــــــــــــــــــــــــــــــــــــــــــ

فاطمة الزهرة بديها طبق تحمل بي جفوف
ونادت لرب الجلالة احكم القطعت سيوف
هاي جفين ابو فاضل حمن زينب بالطفوف
ودافعن عن أبو الأكبر من اجت ليه الألوف

ربي احكم للجفوف الغانمه
وانعقد بالحِزن مأتم بالسِمه

ــــــــــــــــــــــــــــــــــــــــــــــــــــــــــــــــــــــــــ

فاطمة الزهرة تنادي يبوفاضل ياحنيّن
وام أبو فاضل تنادي ياحبيبي ياحُسيّن
فدوه ويلادي لاخوهم والقلب كلش حزيّن
من سمعت حسين ميت متت ما أحمل أنـيّن


النبض واگف وروحي الهايمه
وانعقد بالحِزن مأتم بالسِمه

ــــــــــــــــــــــــــــــــــــــــــــــــــــــــــــــــــــــــــ

يَم الحسين أَرد اگلج زينب ابروحي خشوع
گمت أشوف حسين بيها والجفن يمطر دموع
ومن متت يم گبري يحضرأسمع بصوته ركوع
بالبقيع الحسن حاضرعـالگبر يشعل شموع

قلبه من الحزن مات من الضمة
وانعقد بالحِزن مأتم بالسِمه

ــــــــــــــــــــــــــــــــــــــــــــــــــــــــــــــــــــــــــ

زين العابدين الشمري