Shahnoza Soatova blogi dan repost
Таъқибчи тушлар
Бир куни 4 яшар укам эндигина қўрқинчли тушларни кўришни бошлаган пайти тушини айтиб берганди: "Мени бир тулки қувлади, қочдим, битта уйчага кирволдим, эшик-деразалари йўқ уйча экан. Тулки уйнинг атрофини росса айланди, ичкарига кирмоқчи бўлди... қўрқдим... кейин... кейин... Кейин нима бўлганди, опа?
- Мен қаердан биламан, бу сенинг тушинг-ку?
- Сизам ўша ердайдизууу" деганди бечора йиғламсираб.
Ҳам кулиб, ҳам ачингандим ўшанда укамга.
Усмон Азимнинг қуйидаги шеърини топиб олдим. Кейин мени таъқиб қиладиган тушларни эсладим. Ўша тушларни бир чеккада шоири Азим ҳам кузатиб тургандек туюлди...
Сизда ҳам шундай таъқибчи тушлар бўлса керак дея илиндим.
Мени мудом таъқиб этгани этган
Ҳушимдаги рўзғор, тушимдаги уй.
(Уни қулфлаб кимдир қайгадир кетган.
Ичкарида сенми, эшикни чертган?)
Юрагимда эса изиллаган куй,
Жоним эса… Жоним бўғзимга етган!
Тушимга киради ҳар тун шу pўё,
У уй теграсида кезаман сарсон.
Эшикни қулфлади қай маккор риё?
Қулф уйда сен борсан, сен борсан, гўё
Эшик очилмайди энди ҳеч қачон.
Ҳушимда, теграмда кезади рўзғор,
Ҳар хил юмушларда эзади рўзғор,
Аммо сен асирда – жоним чатнайди.
Синчков назаримдан безади рўзғор.
Унинг чўнтагида, ахир, калит бор,
Ҳеч қачон бу сирни менга айтмайди.
Айтмайди, о, балки, эсига тушмас,
У шўрлик оқсочдир, тинмайди бирпас:
Қўллари косовдир, сочи супурги.
Ранглари ўнггандир, ранглари ўнгган,
Тушларин йўлини ташвишлар кўмган,
Қарасам, бўғзимга келар ўкирги.
Ҳар кеча туш сари судрар кажрафтор,
Эшикни урасан такрору такрор,
Уйғониб кетаман, беун фарёддан.
Бошимда заҳматдан кўзи ёш рўзғор
Юзлари оқариб туради абгор,
Йўқотган! Калитни шўрлик йўқотган.
Усмон Азим
@shahnozxon
Бир куни 4 яшар укам эндигина қўрқинчли тушларни кўришни бошлаган пайти тушини айтиб берганди: "Мени бир тулки қувлади, қочдим, битта уйчага кирволдим, эшик-деразалари йўқ уйча экан. Тулки уйнинг атрофини росса айланди, ичкарига кирмоқчи бўлди... қўрқдим... кейин... кейин... Кейин нима бўлганди, опа?
- Мен қаердан биламан, бу сенинг тушинг-ку?
- Сизам ўша ердайдизууу" деганди бечора йиғламсираб.
Ҳам кулиб, ҳам ачингандим ўшанда укамга.
Усмон Азимнинг қуйидаги шеърини топиб олдим. Кейин мени таъқиб қиладиган тушларни эсладим. Ўша тушларни бир чеккада шоири Азим ҳам кузатиб тургандек туюлди...
Сизда ҳам шундай таъқибчи тушлар бўлса керак дея илиндим.
Мени мудом таъқиб этгани этган
Ҳушимдаги рўзғор, тушимдаги уй.
(Уни қулфлаб кимдир қайгадир кетган.
Ичкарида сенми, эшикни чертган?)
Юрагимда эса изиллаган куй,
Жоним эса… Жоним бўғзимга етган!
Тушимга киради ҳар тун шу pўё,
У уй теграсида кезаман сарсон.
Эшикни қулфлади қай маккор риё?
Қулф уйда сен борсан, сен борсан, гўё
Эшик очилмайди энди ҳеч қачон.
Ҳушимда, теграмда кезади рўзғор,
Ҳар хил юмушларда эзади рўзғор,
Аммо сен асирда – жоним чатнайди.
Синчков назаримдан безади рўзғор.
Унинг чўнтагида, ахир, калит бор,
Ҳеч қачон бу сирни менга айтмайди.
Айтмайди, о, балки, эсига тушмас,
У шўрлик оқсочдир, тинмайди бирпас:
Қўллари косовдир, сочи супурги.
Ранглари ўнггандир, ранглари ўнгган,
Тушларин йўлини ташвишлар кўмган,
Қарасам, бўғзимга келар ўкирги.
Ҳар кеча туш сари судрар кажрафтор,
Эшикни урасан такрору такрор,
Уйғониб кетаман, беун фарёддан.
Бошимда заҳматдан кўзи ёш рўзғор
Юзлари оқариб туради абгор,
Йўқотган! Калитни шўрлик йўқотган.
Усмон Азим
@shahnozxon