Kitobgoh

3-4 kundan beri nega yozgan postlarim uchun odamlar shaxsiyimda hisob so'rashyapti, desam, comment yopiq ekan😁lekin yaxshi turibdiyu aaa

4-5 kun yalangbosh yurganimga hozir chap qulog'im to'satdan ogʻrib qoldi, sovuq oʻtgan shekilli, ya Alloh😂🤷🏿‍♀️kulgim keladi, odamlar qishi bilan boshi ochiq yuradi, quloqlari og'rimasmikanaaa, yo sovqatishmasmikan🤔yo ularning boshi shunga ko'nikkanmikan, yo alohida qobiliyatlari bormikin, yo ularda taʼsiri yillar oʻtib sezilarmikan, yo menga Allohning rahmi kelib vaqtida oldini ol, dermikan🐢 oʻzimga mosladim baribir,
xullas shuyam qiziq

Dadam aytgandi: sen bola shapkangni kiyib yur, sovuqni qara, boshingdan sovuq oʻtib ketadi, deb. Shu kattalarni gapiga amal qilmaganimiz uchun ham kasal boʻlsak kerak.

Odam doim kimdandir gap eshitib turmasa, oʻz jonini qadrlamasmikanee

Odam hadeb noliyvermay, ba'zi-ba'zida oʻzidan faxrlanib ham turishi kerak.

Eshitgan, oʻqigan narsalarimizning hammasiga doim ham ishonavermaymiz. Koʻzingiz tushgan yoki qulog'ingiz eshitgan boʻlsa kerak: ona bir qoʻlida dunyoni, bir qoʻlida beshikni tebratadi, degan gap bor. Men unchalik tasavvur qilolmasdim. Hozirgi holatimga qarayman: bir qoʻlimda bola ko'targanman, bir qoʻlimda kitob, miyam ojizlik va hayoning nozik farqlarini anglab yetish band, tilimda alla. Hozir akasi bilan opasi bog'chada, agar ular shatta boʻlganda, shuncha ishning ichida ularni ham koʻnglini olib oʻtirgan boʻlardim (bizda urilmaydi, so'kilmaydi). Psixologiyada ham oʻqigandim, erkak kishi bir paytda birdan ortiq ishga diqqatini taqsimlolmas ekan, ikki narsaga bir paytda urinsa, bittasi emas, ikkisi ham chala boʻladi. Shuning aksi, ayollar bir paytda bir, ikki emas, baʼzi alohida qobiliyat sohiblari oʻndan ortiq ishni ham bir paytda, hatto maromiga yetkazib qilolarkan. Ayollar Allohning mo'jizasi, ajoyib. Hazratimning bir kitoblarida oʻqigandim: ayol kishi tanasiga munosib boʻlmagan har qanday yukni, hatto erkaklar chidolmaydigan holda ham koʻtara oladi. Lekin shaxsiga qilingan bee'tiborlik/e'tiborsizlik/befarqlikni koʻtara olmaydi, deb yozilgan edi. Real hayotni kuzataman, chindan shunday. Har narsaga chidagan, koʻtara olgan ayol eʼtiborsiz qolishni umuman qabul qila olmaydi. Xullas, gap bu haqida emasdi)🤦🏿‍♀️. Huuu, yuqoridagi ta'rifdagi ona holatidaman hozir. Mittichani divaniga yotqizib, alla aytib post yozsam, menga bitta koʻzini ochib qarab-qarab qo'yyapti😅.

Sizning atrofingizda bir paytda oʻnlab ishlarni qilib, miyasida kelgusi rejalarni ham taxt qilib qoʻyadigan yaqinlaringiz, onangiz, opangiz bor. Shularni guinness rekordlariga kiritish kerak. Ulardan hayotni o'rgansangiz boʻladi.

Tan olishni afzal koʻraman: ayni damda unchalik yaxshi holat emasligini bilsamda, oʻzimdan quvonib o'tiribman. Qanday xususiyatlar bilan yaratgan bizni). Anglash ham baxt. Onalarga taʼzim qil, bola.

Hayoda ojizlik bor. Hayoligini bilmasa ham, hayo deb hisoblamasa ham odamlarga maʼqul boʻlish uchun kishi oʻzini koʻp joylarda past tutadi. Hayo oʻzi bor boʻlishi kerak boʻlgan narsa va odamlar uni mukammal qilib bajarishadi: ojizlik borligi uchun, hayo qilish kerakligi uchunmas. Ojizligini hayo deb oʻylaydigan chalasavodlar ham bor. Men odamlardagi g'ururni hurmat qilaman. G'ururda kibr bor, lekin ojizlikni, odamlarga maʼqul boʻlish uchun oʻzini yer qilishni yengib oʻtib, hadd*dagi g'ururni, oʻz qadrini bilib yurganlar kibrdanmas, meʼyorni topgandan g'ururini saqlay biladi. Hayoda ojizlik borligi uchun uni har kim ham bilmasdan ham qila oladi, g'ururda kibr borligi uchun qo'rqishadi. G'ururda kibrdan avval talab qilinadigan jasorat bor. Kibr uchunmas, shu jasorat yoʻqligi uchun ojizliklarini hayo bilan oqlamoqchi boʻlishadi.


Hayo, ojizlik, g'urur, kibr — xislatlarining farqini oʻz qadringiz uchun bilib qoʻying. G'ururlilar kibrli, deb oʻylansa, mayli. Lekin ojizlar hayoli, deb o'ylanmasin, aslo. Ikkinchisida yolgʻon, riyo bor. Mo'min zino qilishi mumkin, oʻgʻri boʻlishi mumkin, odam o'ldirishi mumkin, lekin aslo yolgʻonchi boʻlmaydi. "Yolgʻon so'zlarni ham faqat Allohning oyatlariga iymon keltirmagan kimsalargina to'qurlar"(Nahl, 105). Hayron qiladigani, odam oʻzini oʻzi tushunmasligi, qilayotgan ishining maʼnosini bilmasligi. Bundan ortiq jaholat yoʻq.

Hayo oʻzi bor boʻlishi kerak narsa: nimaligini anglansa. Men odamlardagi anglab yetib, tashqi ta'sirdan qo'rqmay yuzaga chiqariladigan g'ururni hurmat qilaman:
Egilgan narsalar tegar g'ashimga,
Egilgan boshlarni qilichlar kessin!

Oʻylab qolaman...
Toʻgʻri, ojiz bandalarmiz. Koʻp o'rinlarda nafsimizga ega chiqolmay, oʻzimizga nima yaxshi-yomonligini bilmasak ham xohlaganlarimiz amalga oshishini istayveramiz. Toʻgʻri, koʻp hollarda nafs adashadi. Lekin Vasatiyada aytilganku, azaldan bor narsani yoʻq qilib boʻlmaydi, o'zgartirish mumkin. Uning yoʻqligi bizga foydali boʻlib koʻringani bilan unday emas. Masalan, g'urur butunlay yoʻq boʻlsa, odam oʻzini yer qilishlariga qoʻyib beradi. Bu esa islom aqiydasidagi qattiq himoyalanadigan insonning joniga zarar. Har narsaning tanamizda oʻrni borligi uchun yaratilgan, demak, nafsning ham oʻz oʻrni bor. Ovqat yeyish nafsi yoʻq boʻlsa, odam oʻladi. Shahvat nafsi yoʻq boʻlsa, nasl kesiladi. Rashk qilish yoʻq boʻlsa, hamiyat oʻladi. Rashksiz erkakka — ...(davomini bilasiz). Umuman olganda, gap bu haqida emas. Nafsimiz tanlovi. Yuqorida ham aytdim, nafs koʻp hollarda adashishini tan olaman men ham. Lekin shunday vaziyatlar boʻladiku, shu ish amalga oshishi kerakligini, sen uchun xayrlisi shu ekanini ich-ichingdan his qilib turasan. Shu yoʻlda millionlab qiyinchiliklar borligini bilib turasan, lekin bunday imkoniyat umringda bir bora berilishi, qayta bundayini topolmasligingni bilib turganing muammolarga sabr qilish uchun kuch beradi senga. Odamlar boʻladiku, qarashlari, niyatlari, yashashdan maqsadlari, dunyoga munosabati o'xshash; dunyoviy manfaatlar, jismoniy nafs istaklari uchun tanlanmagan odamlar. Shunday odamlar hech narsasiz ajralib ketaverishi qabul qilinishi qiyin hol, menimcha. Toʻgʻri, dunyo bizning istaklarimizga bo'ysunmaydi, nafs adashadi. Lekin ruhlar tanlovda adashmaydiku, odam tanasi oʻlsa ham ruhi yashaydiku. Daraxt soyasida dam olish uchun oʻtirgan yo'lovchidek yashar ekanmiz dunyoda. Shu qisqa muddatda koʻngil xotirjam, oʻz hayotingdan rozi holda yashab oʻtish uchun ruhingga munosib ruhni topishing osonmi? Ko'ngillarning oldindan sezishi mavjud hol: bir butunning yarmi, deb oʻylangan odamlar hech narsasiz yoʻq boʻlib ketavermasligi kerak. Narsalar kabi baʼzi shaxslar ham neʼmat qilib beriladi bizga. Arzirli narsalar uchun oʻziga munosib qiyinchilikni yengib oʻtamiz. Shaxslarda ham shunday. Baʼzi neʼmatlar yo'qotilmasligi uchun kurashilsa, baʼzi neʼmatlar ega boʻlish uchun harakat, vaqt talab qiladi. Ne'mat(i)miz.

Nafsimiz borligini inkor qilmaymiz. Isyon ham boʻlmasin, soʻzlar aytilmasin. Amalda boʻlsin hammasi. Qalblar Allohning iznida. Qancha sonlilar orasida birisiga koʻngilni moyil qilib qoʻygan koʻngillar Sohibiga hamd.

Bizni nimalar kutib turibdi kelajakda, bilmaymiz. Odamlar biror muammoga duch kelib, qoʻlidan hech narsa kelmasligini bilsa, yuragi siqiladi. Qanday devona odam ekanmanki, taqdir oldidagi ojizligimni his qilish rohat beryapti, tavba. Istaklarimdan qat'i nazar Allohning har qanday berganiga rozilikni hech qarshiliksiz his qilyapman. Hammasi yaxshilikka.

faqat bir martagina keladigan odamlar boʻladi/
Hammasi Allohdan.
Alqissa, 1:5.

P/s. Allohning moʻjizasi boʻlgan mitticham, 1 oylik odamchaga qarab, biz haqida oʻyladim. Odamchaga alla aytaverib, Maftunaxon ikkalamiz X-factorga duetdosh boʻlib chiqib ketsak kerak👼🫀.

#hadis

Abu Hurayra roضiyallohu anhudan rivoyat qilinadi: "Rasululloh sollallohu alayhi vasallam shunday dedilar: "Kim bir kunda yuz marta "Laa ilaaha illalloh, vahdahu laa shariyka lah, lahul mulku va lahul hamd va huva 'alaa kulli shay'in qodiyr", desa, bu uning uchun oʻnta qulni ozod qilishga teng boʻladi, unga yuzta hasana yoziladi, undan yuzta yomonlik oʻchiriladi. Bu uning uchun oʻsha kuni shaytondan himoya boʻladi va kech kirguncha shunday davom etadi. Shuni undan koʻproq aytgan odamdan boshqa hech kim undan afzalroq amal qila olmaydi". "Sahihi Muslim", 2691. Maʼnosi: "Yolgʻiz Allohdan oʻzga iloh yoʻq. Uning sherigi yoʻq. Mulk Unikidir va hamd ham Unga xosdir. U har bir narsaga qodir".

#suhbat

Chala faylasuf, aybni kimga ag'darishni bilmay, oʻylab-o'ylab topgan gapi: onajon, buncha nimjon bola tug'gansiz, qish kelganidan beri boshim kasaldan chiqmaydi
O: men nimjon bola tug'maganman, aybni menga ag'darma. Hamma bollarim baquvvat, bitta sen dadangga oʻxshab qolgansan, qishin-yozib oyoq-qo'ling muz, ota-bola sovuqlar
M: onajon, nimjon bola tug'gansiz
O: ovqat yemaysanku, Lolani qara, sendan katta
M: men Afrikaga koʻchib ketishim kerak ekan oʻzi, yo qishi yoʻq davlatlarga, men quyoshdan energiya olaman, umuman kasal boʻlmayman
O: boʻldi, negrlarga beramiz. Qop-qora bolachalaring boʻladi, lablari katta-katta, men yaxshi koʻraman qoravoylarni
M: .../

bitta shamollagan odam bilan ko'rishib qoʻysa ham grip boʻlib qoladiganlar koʻpku dunyoda

Otasining topgan puliga uy, moshina olib, puliga maqtanadigan, oʻzi yaratmagan chiroyiga kibrlanadigan erkaklar ham yashab yuribdi. Bu narsalar maqtanish uchun bir pul ekanini anglab yetish uchun ham ozgina farosat kerak, shekilli. Oʻzingda bor farosat uchun million marta shukur qilsang arziydi, odamo'g'li.
Farosat — ulugʻ neʼmat.

Oʻzini dunyo matohlaridan past qoʻyadiganlardan uzoq yur. Odamzotda taqlid qilish kuchli, atrofingdagilar istamasang ham 100% taʼsir o'tkazadi. Kishi oʻz qadrini nima bilan oʻlchasa, shu darajada hurmat qilinishga loyiq, undan ortig'ini kutmasin.

Bosim o'tkazib odamning ruhini shunday qiynab tashlashadiki, Allohga eng yoqimsiz boʻlgan soʻzni aytging kelib ketarkan.
shu paytgacha hech narsaga qiyinchiliksiz erishilmagan,
xayrli boʻlsin,
yaxshilikka boʻlsin.

Odamlar, miyani azgina ishlatib turaylik. Boyligiga maqtanganiku mayli, erkak kishi chiroyiga quvonib tursa, juda xunuk ko'rinarkan. Menga oʻxshash tiliga ega chiqolmaganlar biror narsa desa, qiz boladan battar nozlanib arazlaydi, astagʻfirulloh, holimiz islohga muhtoj.

Sababini esa bitta bolali boʻlib, ota-onalikni his qilgan birinchi oydayoq anglaysiz. Bitta bolani 3 oylik qilguncha biz shuncha qiynalsak, 4-5 ta bolani 20 yoshdan oshirgan ota-onalarga haykal qoʻyish kerak. Marsni zabt etish qahramonlik emas, Garri. Bitta bolani odamcha qilish jasorat. Yaxshiyam ota-onamiz bor, yaxshiyam bobo-buvilar bor.

Barcha qiyinchiliklarni yengib, sabr bilan baxtli kunlarga yetishda yonma-yon tura oladigan yarimtang boʻlsin. Bir umr, har qanday holda ham qoʻlingni mahkam tutib, umuman qoʻyib yubormaydigan yarimtang boʻlsin.

Ota-onangizga taʼzim qiling. Ota-onalik mas'uliyatini his qiling. Real hayot oʻyinchoq yoxud kino/kitob emas.

Yaxshiyam ota-onamiz bor. Ming shukur, million marta shukur.

1 oylikdan oshgan chaqalogʻimiz bor. Doktorlarning aytishicha, bola tugʻilgandan keyin 3 oylik boʻlib, tana a'zolari ochiq dunyoga moslashguncha qiynalarkan (aslida odam butun umr dunyoga moslasholmay qiynalib oʻtadiku!). Chaqalogʻimiz shunday yigʻlaydi, jonini berib yigʻladi, uni koʻrib qiynalib ketamiz. Biz yoshlarning yuragi siqilib qoladi, tun-u kun yig'layversinchi yoningizda, hammasi yetarli boʻlsa, maza qilib uxlasa boʻlmasmikan, degan fikr miyangizdan ketmaydi. Yoshlar yolgʻiz yashamasligi kerak. Shunday paytlar aynan bobo-buvining tajribasi, maslahati kerak boʻladi. Onajon urishib beradilar: bitta bolani odam qilib qatorga qoʻshish shunday boʻladi. Bola shirinku, chidaysizlarda endi, shunaqa boʻladi, axir dunyoga endi kelgan go'dakning moslashib ketishi osonmi... Tavba deyman. Hozirgi zamonaviy yosh ota-onalar sabrsizlari boʻlsa, bolasi koʻp yigʻlayversa, asabdan biron narsa qilib qoʻysa kerak. Shuning uchun gʻarbda bolani boshga bitgan balodek ko'rishadi. Bir bolaning chaqaloqligidan odam boʻlib shakllanguncha boʻlgan jarayonni koʻrgan odam ota-onasiga qoyil qoladi. Yangi chaqaloq biram nozik boʻladiki, oyisi bitta yoqmaydigan narsa yeb qoʻysa ham necha kunlab qiynaladi. Dunyoning havosiga moslashib olishi ham bir azob boʻlsa kerak. Kuzatuvlarimga koʻra, tana a'zolaridan aynan o'pkasi qiyin jarayonni boshdan kechiradi. Odam boʻlish qiyin. Bolaning injiqliklari, nafas olmay yig'lashlari, uzluksiz uyqusiz tunlar har qanday odamni ham o'zgartiradi, tashqarida turib gapirish oson, jarayon ichida yashab koʻrsangiz, keyin asl holingiz maʼlum boʻladi. Yaxshiyam ota-onalar bor; biz yoshlarni insofga chaqirib turadilar. Ota-ona bolasiga kuyinadi, vaqt oʻtib, bolasining bolasiga ham kuyinarkan. Ota-onalik buyuk jasoratni, mas'uliyatni bo'yinga olish. Men shu yoshimda bolani qanday qilib qiynalishini kamaytirgan holda katta qilish mumkinligi yoʻllarini izlayman, topolmayman. 2006-yil qizini turmushga bergan ota-onalar nimaga ishonisharkan-a?! Avvalo, hali oʻzi goʻdak boʻlgan bolasi, kamiga bolasining sho'rpeshana bolasi ham kamida 3-4 yil qiynaladi. Nimaga buncha shoshilishar ekan-a? Mitti odamchaning joni qiynalganini koʻrib turish osonmiya? Becharani tili boʻlmasa, qayeri og'riganini aytolmasa. Ogʻrigan joy topilgani bilan bu hayot qonuni boʻlsa, hayotga moslashish uchun shu jarayonni boshdan kechirishi kerak boʻlsa. Yashash uchun kurash chaqaloqlikdan boshlanarkanda...

Maslahatim, boʻlajak yosh ota-onalar: hamma narsaga tayyor turing. Bekor yurmay, mitti jonni qiynamaslik yoʻllarini oʻrganib boring. Juda koʻp sabr-toqat talab qiladi ota-onalik, ajriga yarasha mashaqqati ham bor. Ayniqsa, onalik. Jannat onalar oyogʻi ostiga shunchaki qoʻyib qoʻyilmagan. Jannat oyogʻingiz ostida turishi qanday daraja? Obidlar, zohidlar butun umrini tikkan narsa oyogʻingiz ostida. Endi buning mas'uliyati, mashaqqatini ham anglayvering. Ota rozi, Xudo rozi, deyishadi. Alloh roziligi uchun odamlar butun umrini tikadi. Siz otasiz, qarang, sizning roziligingiz bilan Alloh rozi ekan. Buning tagida ham ajriga munosib mas'uliyat, mashaqqat borligi haqida oʻylab koʻrish ham kerakdir. Alloh hech narsani shunchakiga qilmaydi. Ota-onalikning ulkan ajriga munosib ulkan mashaqqati ham bor. Batafsil oʻzingiz real hayotingizdan kuzatib, oʻylab koʻrishingiz mumkin.
Bolaning ota-onasidagi haqqi toʻydan avval boshlanadi: bolaga munosib ota/ona tanlash. Avvalo, tanlovda adashishga haqqingiz yoʻq, munosib ota/onaga ega boʻlish bolaning haqqi, tanlash esa sizning vazifangiz.

Yaxshiyam bobo-buvilar bor, biz yoshlarga hayot kurashlardan iborat ekanligini eslatib turishadi. Osmonlarda uchib yurgan xayolparastlarni oʻz holiga keltirib qoʻyishadi. Koʻzim bilan koʻrgan, bilganlarim haqiqat men uchun. Yaqinda bir akam toʻyida oyisining oyog'ini oʻpdi, hammaning, xotinining ham oldida. Bolaning munosabatiga qarab xotini ham onasi qanchalik azizligini, haddini anglaydi, yangi qondoshlarning ona, otaga munosabati bolasining qilganiga munosib boʻladi. Chindan ota-onalarning oyogʻini o'pish, boshga koʻtarib yurish kerak.

#duo

Hammaning oʻz duosi, dunyosi boʻladi.
Esimni taniganimdan beri shu mavzu xayolimga kelsa, duo qilish bilan cheklanaman. Shaxsiy, oʻzim "kashf qilib" olgan duom: "U*ni menga, meni U*nga xayrli qilib ber, Robbim".

Sizlar bilan boʻlishdim, kerak boʻlib qolar). Aytib yurishingiz mumkin.
Qisqa, lo'nda, olam-olam ma'noni oʻzida jamlagan duo:
"U*ni menga, meni unga xayrli qilib ber".

#hadis #odat_qil

Abu Hurayra roضiyallohu anhudan rivoyat qilinadi:
"Rasululloh sollallohu alayhi vasallam shunday dedilar: "Kim to'shagiga yotganida "Laa ilaaha illallohu vahdahu laa shariyka lah, lahul mulku va lahul hamd, va huva 'alaa kulli shay'in qodiyr. Laa havla va laa quvvata illa billaah, subhaanalloh, valhamdulillah, va laa ilaaha illallohu vallohu akbar", desa, gunohlari (yoki xatolari) dengiz ko'pigicha boʻlsa ham mag'firat qilinadi".
"Sahihi Ibn Hibbon", 5528

Erkaklar — dunyodagi eng betartib/tartibsiz mavjudotlar.

#niyat

Bir yerda eshitgan yoki òqigandim:

"Niyatlarni yangilab turish kerak"

Ya'ni har bir amaldan oldin niyatiga bir nazar solib qòysin kishi, chunki kutilayotgan amalning nuqsonga uchrashi, avvalo niyatning tóĝri qilinmaganligida bòladi.
Biroz mulohaza qilingda, niyatlarni esga olib, ularni yangilab qòying)

@Kitobgoh

#mulohaza


*Insonda iymon taqozo qilgan aql va ilm hosil bo'lishi kerak.

Ya'ni banda olayotgan ilmi haqida mulohaza qilishi, asli ilm olishidan maqsadi nima? U uning iymonini ziyoda qiladimi?(bevosita yoki bilvosita)
Olayotgan ilmidan qanday rizolikni kòzlagan, u soĝlom aql ila hosil bòlyaptimi?
Shu kabi savollar bilan òzini, aqlini, ilmini va qalbini taftish qilishi zarur.
Chunki ilmda ham asl mohiyatdan chetga chiqish bor, faqatgina òzining sa'y-harakatigagina tayanib qolish, a'mollarida òzinigina ko'rish bor. Ayni shu joyda, tolibi ilm toyiladi: birinchi galda asl manzilidan adashadi, so'ngra maqsadga erishishda òzinigina barcha natijalarga egadek his qiladi.
Amallarda òzinigina kòrish–bu men qilayotgan xatti-harakatlarim tufayli ilmim ziyoda bòlyapti deya ishonishdir. Bu notòĝri. Biz xarakat qilish barobarida uning natijasini Allohga havola etamiz, natijasi bizga boĝliq bòlmagan jarayon.
Iymon taqozo qilgan aql va ilm – bu ilmning iymonga kòra bòlishi. Ilm ostida Allohning rizosi, yaxshilik yotishidir. Aslida ilm shartli ravishdagina diniy va dunyoviyga ajratiladi. Aslida har birining ildizi, Alloh rizoligiga va insoniyatga hizmat qilishdan iboratdir.
Banda shularni unutmasligi, ilmdagi niyyatini avvalo iymonga kòra qilishi va bu jarayonda òzini toĝrilab borishi kerak.

@Kitobgoh

#mood

Sen: "Sizlarga vakil qilingan oʻlim farishtasi joningizni oladir. Soʻngra Robbingizga qaytarilursiz", deb ayt.
Sajda, 11.

Shu jumlalar oʻz-oʻzidan bir oydan ortiq miyamda aylandi, ichimdagi tinmay aytadi, oyatligini keyin sezib qoldim. Oʻlim doim biz bilan, gapirishga oson, lekin oʻlimni oz boʻlsa ham his qilib koʻrish boshqa.


@Kitobgoh qanchadir muddat faoliyat yuritmaydi. Bo'shliq. Vaqtingiz bekor ketishini istamaymiz, xohlaganlar chiqib ketsin, ishlashni boshlash muddati aniqmas.

Oʻtib ketgan soniya ortga qaytib kelmaydi. Hammasi oʻz yoʻliga.
Carpe diem, tamom.