Isomiddinovna's blog

Bugun shu podcastdan olingan notelarni yuboraman 🫡

Assalamu alaikum, ahli jamoa yaxshimisizlar? 👀

✅ Befoyda harakatlar qonuni.

⚡️Qadriyat va reallik oʻrtasidagi farq:
Bunda bizni qadriyatimiz va real hayotimiz oʻrtasida baʼzida juda katta baʼzida esa kam farq boʻladi. Masalan: erta turish yaxshi ekanligini bilamiz, lekin, unga amal qilmaymiz... Yaʼni qilish kerakligini bilamiz, lekin, qilmaymiz.

⚡️ Dangasalikning asosiy sabablari:
✨ Dangasalik bu uzaytirilgan qoʻrquv. Agar siz ishni boshlashdan oldin ishning hajmidan qoʻrqsangiz, bu holat sizni dangasalikka olib kelishi aniq.
❕Ishni miyamiz uchun qoʻrqinchli emas oddiy qilib koʻrsatishimiz kerak.
❄️ Agar siz ishingizni ideal qilmoqchi boʻlsangiz, katta ehtimol bilan ideal muhit va vaqtni qidira boshlaysiz. Bunday vaqt hech qachon kelmaydi, shuning uchun siz ishni boshlashni oʻrniga doim choʻzib yurasiz.
❕Hech nima ideal boshlanmaydi, hamma xato qiladi. Ideal vaqt boʻlmasa demak toʻgʻri kelgan vaqtda boshlash kerak.
✨ Koʻnikmalar shakllantirish qonuni - koʻnikmaga qancha koʻp vaqt sarflasangiz u shunchalik tez shakllanadi. Masalan: intizomli boʻlish.
❕ Yaxshi oʻxshamasa ham usullarni qoʻllayverish kerak.

⚡️ Mikroqadamlar - istalgan qilishingiz kerak boʻlgan harakatning eng kichik boʻlishi mumkin boʻlgan boʻlagini topasiz. Oʻsha boʻlakni bajarish mumkin boʻlgan harakat shaklida izohlaysiz va bajarasiz. Masalan: kitob oʻqishni shakllantirish kerakmi? Kitobni doim qoʻlingizda koʻtarib yuring. Oʻqimasangiz ham.

⚡️ BHQ(Befoyda harakatlar qonuni - qiladigan harakatlaringiz sizga kamdek tuyuladigan boʻlsa, baʼzida, bu toʻgʻri yoʻlda ekanligingizning dalolati boʻlishi mumkin.
❕Keyinroq koʻp ishni bajargandan koʻra hozir ozroq bajar.

☄️ Harakatlar muvaffaqiyatli yakunlanishi uchun natija uchun emas harakat uchun harakat qilgan yaxshi. Masalan: ingliz tilini IELTS olish uchun emas ingliz tilini oʻrganish uchun oʻrganish. Keyinchalik ozroq oʻsish boʻlib, odat shakllangandan soʻng natija uchun harakat qilsangiz boʻladi. Yaʼni bu boshlangʻich nuqta uchun. Chunki boshlaganingizdan natija boʻlmaydi.

@Sevara_Isomiddinovna ✅

#podcast №1

✅ 15 daqiqa hayotingizni tubdan oʻzgartirishga yetadi.

Til asosan shular uchun kerak: maqtanish, gʻiybat, odamlarni adashtirish, ularni oʻziga ishontirish, oʻziga rom qilish, qoʻrqitish, ulardan foydalanish. Kamdan-kam holatlarda maʼlumot oʻtkazish uchun ishlatiladi.

- Taleb Nassim

Oʻlimga yopishganlar yashaydi. Hayotga yopishganlar oʻladi.

- John Wick

Odamlarni koʻpi 25 yoshida oʻladi. Lekin 75 yoshgacha koʻmilmaydi.

- Benjamin Franklin

Boshqalar uchun yashaydiganlargina yashaydi. Yaʼni faqat xizmat qiladiganlar yashaydi.

Biz terimiz ostida nima ketayotganini bilmaymiz, lekin, atrofdagi hamma yangiliklardan xabardormiz.

- Balaji Srinivasan

Kuniga 15 daqiqa qiladigan ishingizni yaxshilash ustida ishlang.
Siz qiladigan eng kuchli narsa: qilayotgan ishingizni 1% ga yaxshilash.

- Kevin Kelly

Insonlar oʻrganishni qiyinchiligidan emas, ahmoq boʻlib koʻrinishdan qoʻrqishadi.

- Alex Hormozi

Ong ostidagi narsani ongli qilmaguningcha, u seni hayotingni boshqaradi va sen buni taqdir deb nomlaysan.

- Karl Jung

Inson oʻziga baʼzida: "Bemaʼni ish qilmayotgan ekanmanmi?" - deb savol berishi kerak.

- Avram Linkoln

@Sevara_Isomiddinovna ✅

✅ Zararli odatlardan halos boʻlish yoʻllari.

⚡️Dofamin qarmogʻi -> har bir qilingan harakat bizni yoki mukofotga, yoki jazoga olib keladi. Bu yerda asosiy rolni oʻynaydigan narsa bu - dofamin.
☄️Dofamin - baxt gormonlaridan biri hisoblanib, odat shakllantirish davrida faol qatnashadi.

✨ Zararli odatlar oʻzidan-oʻzi shakllanadi. Foydali odatlarni shakllantirish uchun esa energiya kerak. Masalan: xona oʻzidan-oʻzi chang boʻlishi mumkin, lekin, uni tozalash uchun energiya kerak.
✨Hech narsa oʻzidan-oʻzi yaxshi boʻlmaydi, yaxshi boʻlishi uchun energiya kerak, yomon boʻlishi uchun esa oʻz holiga tashlab qoʻyish kifoya.

⚡️ Uhtomskiy nazariyasi - Insonning xulq-atvorini dominantalar boshqaradi. Odatlar, xohishlar, tuygʻular deyarli hamma narsa aynan dominantalarga bogʻliq. Bunda miyaning qaysidir qismi faol boʻladi. Ikkita dominanta bir vaqtda ishlay olmaydi. Masalan: qorningiz och, sizda ovqatlanish kerakligi haqida dominanta yonadi. Lekin, oʻsha payt kimdir uyingizga hujum qildi. Shu payt ochlik haqidagi dominanta oʻchadi va berkinish yoki politsiyaga qoʻngʻiroq qilish haqidagi dominanta yonadi.
✨ Dominantalarni oʻzimizga moslab shakllantirishimiz mumkin.

⚡️ Kerakli dominantalarni shakllantirish:
Dominantalarni shakllantirish uchun 2 usul bor:
✨Fikrlash orqali dominanta shakllantirish.
✨ Maʼlumot orqali dominanta shakllantirish.

☄️ Fikrlash orqali dominanta shakllantirish:
✨ Dominantalarni roʻyhatini tuzish.(ya'ni odatlarni)
❄️ Ertalab dominantani shakllantirish uchun vaqt ajratish.(koʻp vaqt shart emas)
✨ Oq list va ruchka olish.
❄️ Roʻyhatdan bitta dominantani tanlash.
✨ 10 daqiqaga taymer qoʻyish.
❄️ Taymer yonishi bilan, agar shu dominanta sizda shakllansa qanaqa olishlari boʻlishini oq listga yozasiz. Agar yomon odat boʻlsa qanaqa minuslari borligini yozasiz. Odat yomon boʻlsa bir kun minuslarini yozasiz, bir kun esa shu odatni tashlasangiz qanaqa pluslar boʻlishini yozasiz.

☄️ Maʼlumot orqali dominanta shakllantirish:
✨ Dominantalarni roʻyhatini tuzish.(ya'ni odatlarni)
❄️ Ertalab dominantani shakllantirish uchun vaqt ajratish.(koʻp vaqt shart emas)
✨ Oq list va ruchka olish.
❄️ Roʻyhatdan bitta dominantani tanlash.
✨ 10 daqiqaga taymer qoʻyish.
❄️ Tanlangan dominanta haqida maʼlumotlar topasiz.(post, video...) Qayta-qayta koʻrish, oʻqish mumkin.

⚡️Zararli odatlarni toʻxtatish uchun life hack:
Oʻsha ishni bajargingiz kelgan paytda, 10 daqiqadan keyin qilaman deb, taymer qoʻying. Lekin 10 daqiqadan keyin ham bajargingiz kelsa, oʻzingizni aldamang bajaring!

❗️ Bu ishlarni har kuni bajarishingiz kerak, miya uchun yakshanba, toʻy yoki bayram yoʻq.

@Sevara_Isomiddinovna ✅

⚡️Oʻz sayyorangni sev - Urikguli

☄️• Biz faqat oʻzimizni oʻylab yashamasligimiz kerak, bizdan keyin ham boshqa avlodlar yashaydi. Yaʼni, hozirgi kunda TOP muammolardan biri boʻlib borayotgan ekologiya mavzusi. Biz unga yechim berish oʻrniga, teskarisini qilamiz uni battar iflos qilyapmiz! Hamma "Bir mening tashlagan axlatim nima boʻlar edi?" - kabi eʼtiborsizlik qilganidan soʻng atrof-muhit qanday ahvolga keladi deb oʻylaysiz?

☄️• Faqat men atrof-muhitni tozaligiga men e'tibor bersam nima oʻzgarardi deysizmi? Koʻp narsa oʻzgaradi juda koʻp narsa. Siz har doim tabiatga eʼtiborli boʻlsangiz sizni koʻrgan uka-singlingiz, jiyanlaringiz yoki farzandingiz koʻrib sizga taqlid qiladi. Siz ularga ibrat boʻling, shunday ibrat boʻlingki, u ham boshqalarga oʻrnak boʻla olsin!

☄️• Bir narsani aniqki tabiat hammamizniki, sayyora hammamizniki va unga yaxshi munosabatda boʻlish bizning vazifamiz, har birimizning vazifamiz!

"Mutolaa" marofonidan xulosalar.

@Sevara_Isomiddinovna ✅

✅ Hayotingizni oʻzgartiradigan odatlar.

⚡️Poreto qonuni -> baʼzi odatlar boshqalariga qaraganda koʻproq foyda keltiradi. Bu qonun orqali qaysi ish hozirda eng koʻp kerakligi haqida bilib olishingiz mumkin.

⚡️Kalit odatlar -> kalit odatlar butun hayotimizga taʼsir qilishi mumkin boʻlgan odatlar. Kalit odatlarni shakllantirish orqali biz boshqa foydali qoʻshimcha odatlarni shakllantira olamiz.

☄️ Hayotimizni oʻzgartiradigan kalit odatlar va ularni shakillantirish:
▶️ Kitob oʻqish - foydalari: yangi maʼlumotlar olamiz, dunyoqarashimiz kengayadi, diqqat rivojlanadi.
▶️ Rejalashtirish - foydalari: stress kamayadi, koʻproq ishlarga ulgurishni boshlaymiz, hayotimizda maʼno paydo boʻladi.
▶️ Sport bilan shugʻullanish - foydalari: sogʻliq, energiya, koʻproq ishlarga ulguramiz.
▶️ Telefonsiz uxlash - foydalari: stress kamayadi, zararli odatlarimizdan qutilishimiz osonlashadi, uyqu rejimimiz yaxshilanadi, erta turishni boshlaymiz.
➡️ Erta turish - foydalari: koʻp ishga ulguramiz, stress kamayadi, self-studyga vaqt ajratamiz, vaqtimizni befoyda sarflashni bas qilamiz.

❗️ Erta turishni shakillantirish uchun kechga yengilroq tanavvul qilishimiz kerak, shunda ertalab ochlikdan ham uygʻonamiz.

@Sevara_Isomiddinovna ✅

✅Odat shakllantirishdagi xatolar.

☄️ Charlz Dahig "Odat kuchi"
Har bir odat shakllanish va ishlash ritmiga ega. Agar shu algoritmlarni yaxshi tushinsak, oʻzimizga kerak boʻlgan odatlarni shakllantirishda qiynalmaymiz.

⚡️Algoritm = ketma-ketlik -> Odat qarmogʻi:
1. Signal
2. Harakat ketma-ketligi
3. Taqdirlash

☄️• Signal -> signal sifatida odatingizni eslatadigan istalgan narsa boʻlishi mumkin: hid, ovoz, harakat, odam. Masalan telefon = serial koʻrish.

☄️• Harakat ketma-ketligi -> bu sizning odatingizning harakatdagi izohi. Masalan: agar odatingiz ish paytida telefonda YouTube koʻrish boʻlsa, unda sizning harakatingizning ketma-ketligi: telefonni olish, uni ochish va YouTubega kirish boʻladi.

☄️• Taqdirlash -> har bir qilingan harakatingiz uchun siz yoki taqdirlanasiz yoki jazolanasiz. Miya bu jarayonni avtomatik tarzda amalga oshiradi.

@Sevara_Isomiddinovna ✅

✅Odatlar qanday shakllanadi?

⚡️Inson miyasi -> avtomatizmlar mashinasi. Miya istalgan qayta tiklanuvchi harakatlarni avtomat holatigacha olib keladi. Buning sababi energitik balansni ushlash, yaʼni, ortiqcha energiyani sarflamaslik.

⚡️Yoʻlakcha effekti -> miya neyronlardan (miya hujayralari) iborat boʻlib, har bir neyron atrofidagi neyronlar bilan sinaptik bogʻliqliklarni hosil qiladi. Shuning evaziga biz yangi bilimlarni yana oʻrgana olamiz. Bitta neyron yuz minglab boshqa neyronlar bilan maʼlumot almashishi mumkin. Bitta harakat koʻp qaytarilsa oʻsha harakat uchun miyamizda sinaptik yoʻlakcha paydo boʻladi. Harakat qanchalik koʻp qaytarilsa "yoʻlakcha" shunchalik mustahkam boʻlib boraveradi.
❗️Yoʻlakchalar = Odatlar.

☄️• 1890-yilda Uilyam Djeyms ismli psixolog inson miyasi istalgan yoshda oʻzgarishi mumkinligi haqidagi gʻoyani taklif qilgan. Texnologiyalar rivojlanib borgan sari bu holat isbotlanib "Neyro egiluvchanlik" nomini olgan.

⚡️Neyro egiluvchanlik -> inson miyasi tashqi muhit taʼsirida oʻz tuzilishini oʻzgartirishi mumkin. Bunda agar biz yangi odat shakllantirsak, miyamizni shakli ham oʻzgaradi, chunki neyronlar oʻzgargan boʻladi.

☄️• 1923-yilda Aleksey Alekseyevich Uhtomskiy ismli fiziolog "Asab markazlarni ishga soluvchi asos bu - dominanta" nomli ishini chop etadi.

⚡️Dominanta -> dominantalar inson miyasida yashaydi. Yaʼni miyamizning qaysidir faol qismi dominanta deyiladi. Insonni dominantalar boshqaradi. Masalan, dars qilib oʻtiribsiz, shunda sizda dars qilishga aloqador dominanta yoniq boʻladi va birdan suv ichgingiz kelib qoldi, bunda suv ichish uchun boshqa dominanta yonadi va dars qilish uchun masʼul dominanta oʻchadi. Qancha dars qilsangiz ham esingizda qolmaydi. Agar bizda YouTube koʻrishga nisbatan boʻlgan dominantalar ingliz tili bilan shugʻullanishga nisbatan boʻlgan dominantalardan kuchli boʻlsa, biz dars qilishga oʻzimizni majburlay olmaymiz! Qaysi dominant katta boʻlsa, oʻsha boshqaradi.

@Sevara_Isomiddinovna ✅

Odatlar muvaffaqiyatning yagona garovi emas, ammo, u biz nazorat qila oladigan omillar ichida eng muhimidir!

"Atom odatlar" Jeyms Klir

⚡️Kanalda boʻladigan postlar haqida qisqacha maʼlumot:
✅ Shaxsiy rivojlanish.
✅Kitoblardan olgan bilimlarim va xulosalarim.
✅Podkastlardan olgan xulosalarim.
✅ Til oʻrganishga oid foydali darsliklar materiallar.
✅Kitoblarga yozilgan taqrizlar.
✅Oʻzim qanaqadir yangi bilim oʻrgansam boʻlishib borishga harakat qilaman.
✅ Lifestyle

Postlar uchta tilda boʻladi. (Oʻzbek, ingliz va rus)

Assalamu alaikum va rohmatullohu va barokatuh.

Bismillahir Rohmanir Rohiym!

In Shaa Alloh manfaatli boʻlsin!