Aziziy Dev 🧑🏻‍💻

Singdiriluvchi mafkura!!!

Propaganda - asosan, maʼlum bir auditoriyaga, belgilangan kun tartibini ilgari surish maqsadida, taʼsir koʻrsatish yoki ishontirish uchun foydalaniladigan muloqot usuli hisoblanadi.

Ustozationning yaqinda chiqarilgan propaganda videosi aynan ma'lum bir g'oyani bizga qanday singdirishgani haqida edi. Ya'ni hamma o'zining ma'lum bir mafkurasini bizga "tiqishtirish" uchun harakatdaligi.

Bu narsa haqida men ham ancha oldin post qilgan edim "Qalbingizga yetib boradi". Ular qilayotgan tashviqot ishlari sizning qalbingizni egallaydi va tanangizni boshqaradi, siz esa buni sezmay yashayverasiz. Propaganda to'g'risida bir gap bor "siz o'zingizni propaganda qurboni emasligingizni his qilganingizda aynan qurbon bo'lasiz" deyishar edi.

Yana aytib o'taman, ko'rayotgan narsalaringiz sizga ta'sir qiladi, qalbingizga yetib boradi va sizni boshqarishni boshlaydi. Shuning uchun qandaydir "trash" odamlardan uzoq bo'ling, ayniqsa, Lil, Chingiz va yana qandaydir "qori aka" degan insonlar berayotgan mafkura millatni parchalaydi!!!!!

Yurtimizga qilingan eng yomon va og'ir propaganda 1927-yil 8-martda bo'lgan. Bu propaganda natijasini hozirgi kunda boshqa dindagilarga havas qilayotgan yoshlarimiz(tengqurlarimiz)dan ko'rishimiz mumkin.

So'nggi yillardagi yomon propagandalardan biri "odamlar nima deydi" iborasi bo'lmoqda va bu haqida to'liqroq kelgusi postda to'xtalaman.

Menda ham propaganda bor, nima deb o'ylaysiz, qanday mafkura ulashaman men? | Yozib qoldirish

#mantiq #fikrlar
@bekhmirzayev_blog

Jamiyat va odamlar meni ajablantirishda davom etyapti

Atrofga qarasam 2006, 2007, 2008-yilda tug'ilgan qizlar unashtirilib, turmushga berilyapti. Yoshiga e'tibor qaratsak 15-18 yoshda barchasi. Diqqatimni tortgani, ularning erta turmush qurishiga asosiy sabab aynan mentalitetimizga bog'liq ekan.

Ya'ni ularning maktabni bitirmagan bo'lishi yoki endigina bitirgan bo'lishi, hali hayotdan ko'p narsani ko'rmagan bo'lishligi, ularning doimo "ho'p bo'ladi" deb turishini ta'minlar ekan. Bu odamlarning fikri, albatta.

Ha, balki ular jismonan yetuk. Va balki ular uy ishlari-yu, pishir kuydirda usta.
Lekin farzand tarbiylash borasida, oiladagi ayolning o'rni haqida ularda qandaydir bir ilm borligiga ko'zim yetmaydi, to'g'risi.

Ilmli ummatni ilmli onalar tarbiya qiladi deya bot-bot takrorlaymizu, turmush borasiga kelganda, hali o'zini mutlaq tanib ulgurmagan, hayotning asli mohiyatini, yaratilishidan asl maqsadini anglab yetmagan qizlarni turmushga berib yuboramiz. Zo'r-a? Ha, bu bizning mentalitet.

Ha, yana bir narsaga guvoh bo'ldimki, 16-18 yosh bo'lib turmushga chiqqan qizlar oilani eplab keta olar va yaxshi muhit yarata olar ekan, lekin ozgina ilmga ega bo'lib, o'sishga urinayotgan, o'z talabiga, o'z prinsiplariga, o'z qarashlariga ega bo'lgan qizlar O'ZICHA AQLLI va TAJRIBASIZ ekan. Bu gapni bir tanishim o'z og'zi bilan aytdi. Va bunday qizlar oila qurganda AQLLILIK qilshini qayta va qayta ta'kidladi. 😆

Menimcha, bunday erkaklar aslida o'sha "aqlli" ayollardan qo'rqishadi. Aql o'rgatishidan undan ustun bo'lishidan qo'rqishadi. Bu meni shaxsiy fikrim! Ha aytgancha, lekin ular baland dorga osilishdan qo'rqishmaydi, undagi yoyilgan kiyimlarni ololmaslikdan qo'rqishadi...

Shuningdek qishloqlardagi 15-18 yoshli ''ho'p bo'ladi'' deydiganidan kelin qilamiz, deya jamiyatni jar yoqasiga olib borayotganlar kasridan, o'qishga, ishlashga, rejalarini amalga oshirishga urinayotgan qizlar, "o'tirib qolgan" deb nomlanishyapti.

Zamonamiz odamlarning qizlarning yoshligi-yu go'zalligiga qizishi deb jamiyatda oila buzilishi ham, nosog'lom muhit ko'rgan farzandlar soni ham ko'payyapti. Ee-xullas, odamlarning fikrlarlashiga gap yo'q! 😵‍💫