Zilola Mamatkulova | Blog

Yoshlar ijod saroyi bo'shab qolibdi deyishsa ishonmagandim, rostan shunaqa bo'lib qolibdi.

Qancha erta kelsak ham joy ololmasdik, band bo'lardi, endi esa joylar bo'sh. Odam yo'q. 😅

Bir narsani anglab qoldimda, odatda you tube dan qanaqadir shayxlar, qorilarining ma'ruzalarini yokida qiroatlarini eshitsam, kelajakda turmush o'rtog'im yoki o'g'il farzandlarim shu insondek bo'lsa ekan...deb o'ylab qolardim. Bir kunda bir marta bo'lsa ham shunaqa o'y o'tadi, albatta...

Ayollarga oid kitoblar o'qisam men ham shunaqa ayol bo'laman deb niyat qilib qo'yar edim. Lekin doimiy ravishda erkaklar qiroati va ma'ruzasini eshitibman. Ayollarning ayollarga xos ma'ruzasini yokida ayollar qiroatini deyarli eshitmas ekanman.

Yaqin 3 kundan beri ayollar qiroati-yu ma'ruzasini tinglashga urinyapman. Eng qizig'i bular kitobdan o'qigandan ko'proq ta'sir qilar ekan. Ya'ni haqiqiy namuna o'laroq yaxshilashga, ulardek bo'lishga ishtiyoqni oshirar ekan.

Xullaschi, fikrimni qanday qilib kengroq ochib berishni bilmadim. Xulosamga ko'ra, endi ayollarini ko'proq kuzataman! 🙂‍↕️

Hair holds memories...Do you agree or disagree?

Buncha ko'p yozibsan, shuncha ko'p ham yozadimi, deydiganlar! Siz o'qimasangiz ham mayli. Ushlab turganim yo'q! Yoqmasa🚀🤚
Xohlaganimni xohlaganimdek yozaman!
Agar erinmasdan o'qigan bo'lsangiz vaqtingizga rozi bo'ling.

Jamiyat va odamlar meni ajablantirishda davom etyapti

Atrofga qarasam 2006, 2007, 2008-yilda tug'ilgan qizlar unashtirilib, turmushga berilyapti. Yoshiga e'tibor qaratsak 15-18 yoshda barchasi. Diqqatimni tortgani, ularning erta turmush qurishiga asosiy sabab aynan mentalitetimizga bog'liq ekan.

Ya'ni ularning maktabni bitirmagan bo'lishi yoki endigina bitirgan bo'lishi, hali hayotdan ko'p narsani ko'rmagan bo'lishligi, ularning doimo "ho'p bo'ladi" deb turishini ta'minlar ekan. Bu odamlarning fikri, albatta.

Ha, balki ular jismonan yetuk. Va balki ular uy ishlari-yu, pishir kuydirda usta.
Lekin farzand tarbiylash borasida, oiladagi ayolning o'rni haqida ularda qandaydir bir ilm borligiga ko'zim yetmaydi, to'g'risi.

Ilmli ummatni ilmli onalar tarbiya qiladi deya bot-bot takrorlaymizu, turmush borasiga kelganda, hali o'zini mutlaq tanib ulgurmagan, hayotning asli mohiyatini, yaratilishidan asl maqsadini anglab yetmagan qizlarni turmushga berib yuboramiz. Zo'r-a? Ha, bu bizning mentalitet.

Ha, yana bir narsaga guvoh bo'ldimki, 16-18 yosh bo'lib turmushga chiqqan qizlar oilani eplab keta olar va yaxshi muhit yarata olar ekan, lekin ozgina ilmga ega bo'lib, o'sishga urinayotgan, o'z talabiga, o'z prinsiplariga, o'z qarashlariga ega bo'lgan qizlar O'ZICHA AQLLI va TAJRIBASIZ ekan. Bu gapni bir tanishim o'z og'zi bilan aytdi. Va bunday qizlar oila qurganda AQLLILIK qilshini qayta va qayta ta'kidladi. 😆

Menimcha, bunday erkaklar aslida o'sha "aqlli" ayollardan qo'rqishadi. Aql o'rgatishidan undan ustun bo'lishidan qo'rqishadi. Bu meni shaxsiy fikrim! Ha aytgancha, lekin ular baland dorga osilishdan qo'rqishmaydi, undagi yoyilgan kiyimlarni ololmaslikdan qo'rqishadi...

Shuningdek qishloqlardagi 15-18 yoshli ''ho'p bo'ladi'' deydiganidan kelin qilamiz, deya jamiyatni jar yoqasiga olib borayotganlar kasridan, o'qishga, ishlashga, rejalarini amalga oshirishga urinayotgan qizlar, "o'tirib qolgan" deb nomlanishyapti.

Zamonamiz odamlarning qizlarning yoshligi-yu go'zalligiga qizishi deb jamiyatda oila buzilishi ham, nosog'lom muhit ko'rgan farzandlar soni ham ko'payyapti. Ee-xullas, odamlarning fikrlashiga gap yo'q! 😵‍💫

Savol:
Inson o'zini topishi osonmi? Nima qilishi kerak o'zini topish uchun?

Savdogarlar ustozi kitobining 1-2-qismlarini kimlar o'qigan?

Hayotimiz, yashash tarzimiz o'zgarishini judayam xohlardim. E'tibor berib qarasam, asta - asta o'zgarayotgan ekan. Har kuni yoki har xafta va balki har oyda bo'lsa ham kichik bir o'zgarishlar hamda yangilanishlar qo'shilayotganini payqamagan ekanman.

Rostan ham katta o'zgarish o'z-o'zidan bo'lmaydi va u bir kunda bir xaftada ham sodir bo'lib qolmaydi. Ongli va moddiyat bilan tayyor bo'la boshlaganda o'zgarishlar sodir bo'ladi.

Inson ham aslida shunday emasmi? Umuman boshqa inson bo'lishni xohlaydi-yu, lekin kichik o'zgarishlarni ahamiyatsiz deb o'ylaydi.

Aslida aynan o'sha ahamiyatsiz deb o'ylaganlarimiz, eng ko'p diqqat va e'tibor qaratishimiz kerak bo'lgani ekan.

Umuman olganda atrofga e'tiborli bo'lish juda ko'p narsalarga o'z ta'sirini o'tkazishini his qildim. Avval qanday yashaganman bilmadimku, lekin har bir narsaga e'tibor berishni o'rganganim sari hayratim va shukrim oshyapti. E'tibor ham taffakurga undar ekan...Bugunimning xulosasi shu bo'ldi...🔥

Yana o'sha jumla:

E'tiqod qilmagin nasl nasabga,
Nasab nima berdi Abu Lahabga?

Ba'zilarning o'z olami bor, undan ozgina chiqishsa begonaligi sezilib qoladi...

Qorni ochlar va qorni to'qlar deganda nimani tushunasiz?
Har xil tomondan yondashib ko'ringchi, qanday fikrga kelarkansiz

Yaqinda o'rganganlarimdan. Doimgidek xulosalarimni yozaman)

● Ilgari nima bo'lishidan qat'iy nazar menga qilingan nohaqliklarda, haqiqatni berkitilayotgan vaziyatlarda doim haqni talab qilardim. Hozir, esa sukutni o'rgandim.

● Qilinayotgan g'iybatlaru, dilni xira qiluvchi so'zlarga e'tibor bermay qo'yganman. Odamlar meni yoqtirishmasa, biror harakatim ularga yoqmasa, bu ularning muammosi. Bu uchun ularning vaqti va energiyasi sarf bo'ladi. Meniki emas)

● Odamlar doim gapiradi. Ular doim kimdir haqida qandaydir fikrda. Ammo ularning fikrini birinchiga qo'ysak o'solmaymiz. Emotsional damage bo'ladi xolos. Shu sababdan hammasiga qo'l siltab, bilganimni va o'zim to'g'ri deb o'ylaganimni qilishni o'rgandim.

● Yolg'izdan hijolat chekmaslikni, yolg'iz holatda stressga tushib qolmasdan, undan zavqlanishni o'rgandim.

● Sayohat doim kerakligini, bu bizning energiyamizni oshirishini, shuningdek, tuproq va suvdan tarkib topgan inson, tuproq va suv bilan tinchlanishini his qildim.

● Qiyin vaziyatlarda do'stlar yo'qolib qolishini, ular abadiy emasligini, ammo necha yosh bo'lishdan qat'iy nazar har doim ona uchun farzand doimo eng qadrli va suyukli ekanini yana bir bor chuqur his etdim.

● Qulay vaziyat hech qachon kelmasligini, ortga suraverishni yig'ishtirib, kelgan go'ya,ilxom va majburiyatni o'z vaxtida bajarish kerakligini tushundim.

● Hamma narsa ideallashayotgan bu dunyoda, odamlar so'zlari uchun o'zgarmasdan, o'zligingcha qolish ham bir san'at ekanini tushunib yetdim.

● Tushuntirish va o'rgatish o'rniga, ko'rsatish muhimligini angladim.

● Allohga tavakkulning qiymatini, Allohing rejalari doim biznikidan xayrliroq ekanini va unga taslim bo'lish kerakligini o'rgandim.

● Berguvchi bo'lish, olguvchi bo'lishdan doim qiyinroq. Ammo unddalay olsak, eng yoqimlisi shu ekan))