Parranda go‘ngida o‘simliklar uchun qanday foydali ozuqalar mavjud? Saqlash va foydalanishga oid tavsiyalarParranda go‘ngi
qimmatli va tez ta’sir etuvchi mahalliy o‘g‘it bo‘lib, uning tarkibida o‘simliklarning me’yorda rivojlanishi uchun
zarur barcha moddalar mavjud.
Undagi moddalarning miqdori
parranda turi, ozuqa miqdori va sifatiga qarab o‘zgarib turadi. Yil davomida
har bir tovuqdan 6-8, o‘rdakdan 8-10 va g‘ozdan 12 kg gacha o‘g‘it olish mumkin.
Azotning asosiy qismi siydik kislotasi shaklida bo‘lib, saqlash jarayonida avval
mochevinaga, keyin ammoniy karbonatga aylanadi.
O‘g‘it
katta uyumlarga to‘plab saqlansa, tezroq qiziydi va bunda ham ammiakning isrof bo‘lishi kuzatiladi.
6 oy saqlangan parranda axlati tarkibidan
50% ga yaqin azot yo‘qoladi.Azot isrof bo‘lishining oldini olish maqsadida parranda axlatiga massasining
7-10% miqdorida Superfosfat talqoni yoki 20-40% ga teng Torf kukunini qo‘shish lozim. Parrandaxonaga mayda qirqilgan somondan
to‘shama tashlansa, o‘g‘it tarkibidagi oziq moddalarning
isrof bo‘lishi kamayadi.Yangi, to‘shamasiz parranda axlati tarkibidagi azot hali ammoniy holatiga o‘tib ulgurmaganligi sababli uni yuqori haroratda quritish mumkin. Bunday usulda quritilgan parranda axlati o‘z tarkibida
4-6% azot, 2-3% fosfor va 2-2,5% kaliyni saqlab qoladi.Quritilgan o‘g‘it tarkibidan yarim yil davomida
atigi 4-11% organik modda va 2-8% azot yo‘qolishi kuzatilgan. Parranda axlatini ekishgacha va nihollarni qo‘shimcha oziqlantirishda qo‘llash tavsiya etiladi.
Unga
ayniqsa kartoshka, ildizmevalilar, sabzavot ekinlari va mevali daraxtlar talabchandir. Asosiy o‘g‘it sifatida quruq parranda axlatini
sabzavot ekinlari va kartoshkaga 1-2 t/ga miqdorda qo‘llash kerak.
@Dehqonbobo
