الملا احمد شهاب المحمداوي

نزلة ....

يزينب بيچ وصاني علي

يزينب انه اخوچ ادللي
*

والكفل خدرچ يزينب والمشيتي بطوله
انتي من حيدر امانه برگبتي مشكوله
گلبچ ايخاف بوجودي هاي ما معقوله
مو زلم باچر ابچي آله ابچي انصوله

يزينب صحت بيهم زلزلي
يزينب انا اخوج ادللي



شنهي ياخوف اليمرج وانه المبجيها
الحرب سبحه بيميني هيج افرن بيها
الهوه بإذن الله بيدي بكيفي من انطيها
مثل سجادة صلاتي الحرب من اطويها

يزينب سيفي يصليهم صلي
يزينب انا اخوج ادللي

**
نامي يازينب واكسري السهر بين اعيونج
منين طب الخوف گلبج والحسين ضنونج
بس أمريني يزينب حتى اصيحن عونج
خاطف الأرواح اخيج ياهو خاطف لونج

يزينب بشري همج ينجلي
يزينب انا اخوج ادللي
.........................

يالعقيله وداعت امج واللي بيني وبينج
گبلي بس الهوه ايمره ما يحير احسينج
الكمر اني بيسارج والحسين ايمينج
انذبح مليون مره ولاتدمع عينج

يزينب غيرة الله ابمحملي
يزينب انا اخوج ادللي
................

جاءَ من اقصى المدينه عالحسين الايه
واحنه تسبيحة الزهره وزينب امصلايه
باجر اجفوفي تصلي ابلا زند عالرايه
وعيني تنزف شوف باجر عله الجود ومايه

يزينب مني لا تتأملي
يزينب انا اخوج ادللي


الشــــــــــــــــــــــاعر فيصل المياحي

گِلّي شعمل بيك البين
عبدالله يانور العين
رحت وتلوج من الضِمَه
رديت الي بفيض الدمه
سهم الحقد جاك منين
عبدالله يانور العين
......... المستهل........ .............
يوليدي ياظي النظر المن اقدم شكواي
منهو ال يقدر حالتي بعد الاهل بين اعداي
جيت بسروري الكربلا يالغالي چي انت وياي
لجلك عشت يبني العمر يامهجتي و ياسلواي
من نحرك اشتم الهوَه
وبعيوني چنت انت الضوه
فگدك طفالي العينين عبدالله يانور العين
...................................................
لمن اجيت ال دنيتي جاني الأمل وي جيتك
لو شفتك تريد تغفه بگليبي چانت نومتك
مو تدري صدري ينفتح من چنت اشماً ريحتك
وضلوعي چانتلك مهد تتسله روحي بهزتك
ريتك چنت بين احشاي
من چبدتك رادت ماي
ولا انچوي بالنارين عبد اللّٰه يانور العين
.................................................
ياريته عمري مابگه ال طف كربلا وگبله رحل
لن گلبي بيها من العطش يوليدي نيران اشتعل
وما گمت اشوف من الضمه چا انت بحشاك إشعمل
لا صدري در و ترتوي ولا ماي ابو فاضل وصل
حرت انه بأمرك يالولد
لجلك بچه وياي المهد
صحنه الحگ ابنك يحسين
عبد اللّٰه يانور العين
....................................................
زينب اجيتك بالعجل شالتك يبني بحسره
ودتك لحسين واحس وجّر دليلي بجمره
شالك لعد اهل الرده ماين اديه وصدره
گال الهم اسگوه العذب إخذو ولو بس گطره
يامن تبعتو إل سفيان
شنهو ذنب هالرضعان
هم عدكم وياهم دَين عبد اللّٰه يانور العين
................................................
ردو على ضماك بسهم يكشف حقد هالمله
اتمنه صابت چبدتي ولا صابتك هالنبله
عگبك شسوي بدنيتي عبد اللّٰه يا عبد اللّٰه
جرحك چبير ومو سهل تگدر رباب إتشله
من هيّست حر دماك
حسّبته ماي تعناك
بلهفه إطلعتله الچفين عبد اللّٰه يانور العين
......................................................
جابك ابوك المنفجع دمعه يفسر احزانه
وزينب تجرعني الصبر وتگلي انه خجلانه
ماظني عبد اللّٰه بوكت عمره إيخلص ميحانه
گلتلها مو ميت عدل خاف بحلم حلمانه
لمّن صحيت من الحلم
گلت الطفل ماينفطم
من گبل عمر ال سنتين عبد اللّٰه يانور العين
.................................................
..................................................
#تم_بعون_الله_محرم_2021

كلمات خادم الحسين
حسن الجحيشي

يحسين ابمدامعنه – كون اتشوف واقعنه
تجارة ابلا فكر لادين - صارت ثورتك يحسين
كلشي اليوم ضيعنه – كون اتشوف واقعنه
-----------------------------
على نهج النبي يحسين مشيت اوقدمت روحك
فداء اوتضحية للدين مبادئ تنزف اجروحك
يقربان الارض يحسين صاعد للسمه ابنوحك
يقمة عنفوان اوزود اتخسه الذله فلا تلوحك
يطوفان اوسفينة نوح النجاة انكتبت ابلوحك

صرت قدوة اومثل للناس – اسمك يخطف الانفاس
اوصوتك صك مسامعنه – كون اتشوف واقعنه
******************************
ثوره مبدئك تفرق عن باقي البشر معلوم
كلمن مشه بمنهاجك فايز بل جنان،،،،،، ودوم
وكلمن حارب الثوره يگضيه العمر مندوم
اهي ثورت قيم واخلاق ضلت ثورت المظلوم
مبدئ ثورتك واضح بقه عند البشر مفهوم

ثوره دمه شمحلاهه__ بعدك منهو سواهه
مثلك ابد ماشفنه_ كون تشوف واقعنه
***********************
يحسين ارتيبطنه وياك بهذا الخط وهل الفكره
مشينه وياك ابو لأكبر وعرفنه الدرس والعبره
ضد الظلم من ثرتو كالو لآٍزٍم........... نغدره
معلوم اليضدكم دوم مايربح بهل ... الذگره
ومع كل الوضع هذا مانتهم ........لمايجره

خل نكسر اعدانه _نمشي بنهج مولانه
كلنه نموت بمنهجنه_كون تشوف واقعنه
************************
اهي ثوره نصر للدين ،،،،،،،،،،،،، هاي الثوره مبداهه
نكتبها بدمانه نريد،،،،،،،،،،،، تجدد مننساهه
وبلطم الصدر يحسين من تنعاد محلاهه
تعنيت برغبت هاي واضح جان مسراهه
ماهمك ملَك لاجاه همك ،،،،،،توكف وياهه

همك تنصر العتره _حتى نجدد الذكره
جيوش النصر احنه _كون تشوف واقعنه

**************************
رغم سلب ونهب يحسين لجن دمك بقه منصور
وضل عايش نهج حبك وتجدد كل سنه بعاشور
ماهمك ملك لامال دمك على التماده ،،،،،،،،،،،يفور
حسين بكل وقت باقي واسمك عدنه ضل مذكور
كل شيعي وموالي وياك ضل بهل لأسم مسرور

صرت قدوه ومثل النه _ غير اسمك فلااعشكنه
نطيح كبالك كل احنه_كون تشوف واقعنه
**************************

كلمات خادم الحسين
حسن الجحيشي

اهلي بغرب عافوني والمرض غيّر لوني
عگب البدور البل بيت
وحدي وعليله ظلّيت
والمرض غيّر لوني .... ..
......................................................
انه العليله آني ــ
فاطمه بكهف احزاني ماشافت عيوني النوم
ريت الاجل وافاني ــ
يوم المشو ولياني ــ ولاعيشن الهذا اليوم
بلحظة وداعه جاني ــ
ردت امشي ماخلاني ــ اوياهم منعني المظلوم
* يابويه بالهم ناديت
چني بيتم شو حسّيت
وتصب دمعها اعيوني والمرض غيّر لوني
.....................................................
ياويلي ذيچ الّليله ــ
من طلع ضعن العيله ــ چنّه دليلي اتفسّر
اعيوني دمعها اتسيله ــ
و همي العَلَي شيشيله ــ لن بالگلب ضل يسعر
حسين الرّحت اشچيله ــ
واعدني گبل ارحيله ــ امن اوصل اودّي الاكبر
* يالواعدتني وماجيت
بسمك يخويه اتنخّيت
لا لا تخيــْب اضنوني والمرض غيّر لوني
………………………………………………..
هذا الّي زيَّد حزني ــ
لاجه علي الواعدني ــ ولاعمي راعي الرايه
واني الّي چان بظنّي ــ
راعي الفضل يحضرني ــ والكربلا امشي برايه
غدر الدهر دوهنّي ــ
بفگد الاهل مرمرني ــ تاهت علّيه الغايه
* المهد الطفل من هزّيت
ولگيته خالي وحنّيت
من الطفل حرموني والمرض غيّر لوني
…………………………………………………….
بعد الولي وانواره ــ
هم مثلي تنحب داره ــ وبيهه اني اعيش بهمي
بحزن والم محتاره ــ
ماعرف شنهي الچاره ــ وماكو ولي الضّل يمّي
حسين العشت بكتاره ــ
منهو اليوَصْل اخباره ــ لا رد علي ولا عمي
* وينه ارد اﮔلّه اشخلّيت
چم ونّه بعدك ونّيت
جمر البُعد بمتوني والمرض غيّر لوني
…………………………………….…………… .
بعد اهلي شلّي بعمري ــ
ونار المرض هل تسري ــ بيّه إواظل اتناهم
وحته الصبر مل صبري ــ
وچم دوب اناطر و ادري ــ مااسعد ابملگاهم
لانفع حزني وقهري ــ
ولانفع دمعي اليجري ــ من ردت اروح اوياهم
واتنطّرت و تمنّيت
رايِحه اوياهم ياريت
ماظن بعد يلفوني والمرض غيّر لوني

@@@@@@@@@@@@@@@@@
كلمات خادم الحسين
حسن الجحيشي

تسولف روحي ... تطيّب اجروحي ... سوالفكم
صعب انساكم ... اموت اوياكــــم ... احلّـــفكم
....1....
وينكم يهل الحمية دمعي جاري
ليلي تيهته ابسفركم من نهاري
من بعدكم وحشه صارت وحشه داري
صبري ملاني ولا مل انتظاري

يكلشي بعمري ... نفذ كل صبري ... اشوفنكم
....2....
طبــع اليـــفاركله غالي يبجي ليله
اشحاله اذا مثلي فكدله بليله عــيله
قصتي مـــا يحصل مثلها انه العليله
ياهو اليواسيني ياهــــو الاشــتكيله

الحزن اذاني ... البعد هداني ... اخّبّركم
.....3 .....
روحي مشتاكه اعله شوفتكم يخوتي
عندي ظلت بس صـــوركم يا بــلوتي
صرت ادعي ابكل صلاة يحين موتي
من كثر ما نـــوح الكــم راح صوتي

المرض يا ويله ... علي شد حيله .... قسه ابتكم

....4 ....
ساعه ساعه امناطرتكم ما تجوني
زارعه ادموعي بدربكم وي عيوني
سنيني ترفه والشماته ما رعـــوني
عـــذبوني مـــن بعـــدكم عذبــــوني

كتبت ابابي ... ثجيل امصابي ... اناشدكم

.....5 .....
فرهد ايامي الزمان الخــان بية
اخذ من عندي هلي وغصبن علية
مني اخذ جاسم وعبدالله و رقية
ونفس ريتي حسين ابن حامي الحمية

مشه للمصرع ... الي ما يرجع ... خبر عدكم
......

الحمد الله رب العالمين
اللهم صل على محمد وال محمد
موسى الخادم

تسبيحُ  السماء
في هذا المساء

  حيَّ على العزاء
حيَّ على العزاء

من طرت الهلال مفجوعة   السمة
صاحت  ياحسين  ومصبوغة دمة
تعلن له   عزاء    وتنصب   مأتمة
بكل نسمة    هوة   تعزي فااطمة
وتفيضُ الدماء
حيَّ على العزاء
حيَّ على العزاء



شحچي وشرد اگول من شفت الهلال
هل وي  النحيب  وبي رگضة  عيال
واگف بس اشوف یلطملي الخيال
وجن زينب  تصيح  وتنجر بحبال

هذا بکربلاء
حيَّ على العزاء
حيَّ على العزاء

كلشي ما    اريد لا    مال     وبنون
بس مجلس يصير  وبالمجلس اكون
واني  للحسين  اعطيتة    العيوون
واكشخ له  ابعويل  والطم له بجنون
وأسُودُ الرداء
حيَّ على العزاء
حيَّ على العزاء

اعيوني اتحزمت وتشد النحيب
المن هالدموع وبس هو حيبب
كم حر الفؤاد   للجسم السليب
فوگ الغبرة ضل  ياويلي  الغريب
ناحَ الأنبياء
حيَّ على العزاء
حيَّ على العزاء

الشاعر حسن احسان