بــســࢬ اللــﮩ الــرحمــان الــرحيــــ۾

✍المحاضرة الثالثة والثلاثون.

( وَإِن تَعُدُّوا نِعْمَةَ اللَّهِ لَا تُحْصُوهَا ۗ إِنَّ اللَّهَ لَغَفُورٌ رَّحِيمٌ)






📍”طبعا النعم انواع اشكال ـ يعني شخص الله عزوجل منعم عليه باموال يطعم منه الفقير ' يكسي عريان
وشخص لا ’ الله منعم عليه بغير امور افرضي بمحبة الناس اليه وين ما يروح محبوب اله وجاهه عند الناس وين ما يمشي اله صيت وكلمته مسموعه يعني مرموق بالمجتمع...مو الايه تكول والقيت عليك محبة مني ...فهاي نعمة " ونعمة ﭼبيرة هاي الوجاهه يكدر هذا يستعمله مثل
يصلح بين اثنين "يقضي حاجة مومن لان
الناس تريد خاطره فتقدره .

- ومرات الرزق يكون على هيئة امراة شلون يعني ؟ رجل يرزق بزوجة صالحة ' تعينه عله امور دينه
يعني تربيله اولاده تربية صالحه عله القيم عله المبادئ ..بالنتيجة تجيه اﺣﭼايه طيبة

ـ فهاي المراة الصالحة كون
ما تحمل الزوج اكثر من قابيلته من طاقته ’ يعني تقدر ضروفه المادية ـ فهيج امراةبالواقع نعمة ..الي يرزق بهكذا امراة هو في نعمة

*-في الواقع - الله عزوجل انعم عليه بامراة تقدر الجهود الي يبذله من اجل ادخال السعادة عله قلبه و قلب اولادهه

-فكون بالمقابل الرجل يشكر هاي المراة
لان العلاقه الزوجية مبنيه عله عمليه تعاون وحب ومودة " يعني هذا الشكر الي يقوم بي الزوج مثل الوردة ويسقيهه حته ..تنمو ...تبقه بيه روح الحياة ..ما تذبل ما تموت -هي هاي العلاقة الزوجية الصحيحة.

*- الشكر مرات يكون بكلمة حلوة' يعني
ما تدري هل كلمة شنو راح تصنع
هاي الكلمة. ممكن تمسح كل ذلك العناء
لان الاعمال الي تسويه المراة مو قليلة .

*-وبنفس الوقت العكس بالنسبة للمراة
لان احنه كلنه هي عملية تعاون
حته ينجح المشروع مشروع بنا۽ اسرة متكاملة رصينه

*-لكن للاسف نجد بعض النساء ما تقدر الجهود الي يبذله الرجل
يعني الرجل
طول النهار يكد ويتعب ويبذل كل طاقته
لاجل منو ؟! لاجل هاي الاسرة حته يحميه من العوز والفقر ويسد حاجاته مو .

- الواقع الانسان العربي مثلا الرجل العربي اله
هواي ثقافات ـ مثلا يسوي اشياء للاسرة
يخليله جدار مانع من اشياء كثيرة .

*- وحده من عدهن الثقافات ' نشوفه تعامله مع المراة لانه محيطه عربي وعنده موروث اجتماعي - قد يزيد من حرصه عله المراة ˝ وهاي ممدوحة بالشــرع
غيرة الرجل ايمان .


طبعا

•- يعني لما نجي لبعض النساء
نلكه عده مع الاسف بعض المفردات او الطلبات " في الحقيقة قد لا تنسجم مع مشاعر الزوج وتضعف من رصانه وقوة العلاقة " افرضي شنو منطيني " او هذا واجبك - قد لا سامح تستهزء بجهوده
او

- او تطلب اشياء هو مو كادر عله سدهه
بالتالي يشعر الرجل بالضعف امام كثرة الطلبات ' يعني افرضي شافت احد صديقاته..او اقربائه
لابسه فرد لباس معين ..او زوجه مطلعة بسفرة معينه ..يعني بعضهن تكوم الدنيه وتكعده الا تقلد هذني المراة الحكيمة
كون هاي الامور ما تركز عليهن تجتازهن
لان عقله ﭼبير ـ المفروض تركز على هدؤء واستقرار الاسرة
لان هاي الامور بسيطة مو.


*-الحقيقة هل المراة هاي لو شويه تتامل
راح تدرك النعمة ..الي غير امراة احتمال ما تمتلكة - احنه نكول اول الغيث الانسان يتامل يفكر حته يدرك كثرة العطايا من الله - بعدهه راح يشوف اثاره بحياته


- شلون يصير عنده نوع من الاطمئنان النفسي ˝ لان الي ما يقر بالنعمة
قد يسلبه الله بركتها - او لا سامح الله يسلبه التدبير بامواله. ..بالنتيجة هاي الاموال قد تكون شؤم عله صاحبه

(خل ارويلج هل الرواية)

•-اكو فقير اجه للنبي محمد صل الله عليه واله
كاله : يا رسول الله ادعوا لي بزيادة الرزق
فاول مرة كاله النبي ما ينفعك ' اجاه ثاني مرة ثالث مرة لح عليه
شال ايده النبي دعاله " فاعطاه الله ببركة دعاء النبي اموال كثيرة
اغنام ووو...صار احوال صاحبنه
ما اتحمل
كام اخذله طلع من المدينة كله
شلون شافه المدينة ما تليق بمكانته
كلنه البعض تصير امواله عليه شوؤم

*- بالواقع هذا الفقير ما حسبه زين
اولا˝ طلعته خارج المدينة خسرته جورته بجانب النبي وبركة الجيرة بجانب النبي عظيمة / يعني كان يصلي كل فرض بفرضه خلف النبي من كثرة اغنامه ..انوب صار كل اسبوع بعدين كل شهر ..الى ان انتهى امره ما اجه بعد ...

•اذن اساء التصرف والاختيار " فهاي الاموال ضرته ما نفعته

بالنتيجة كون الانسان يقتنع بما يرزقه مدبر الامور ...فهاي المراة من تلح عله اشياء مو مهمة قد تخسر راحت باله ..
والعكس للرجل.



وهاي اليوم منتشرة سالفة الطلاق انتشار واسع
واسهل ما يكون هدم بيت الزوجية
الي اغلب اسبابه هو عدم تقدير جهود واحد للاخر .

*- او بسبب الطلبات المستمرة وعدم الرضا والاية تكول ابغض الحلال عند الله الطلاق
بالتالي قد يسلب الانسان التوفيقات يعني الزوج يصير بمكان والزوجة ترجع لبيت اهله - بالنتيجة شنو سوينه
الاولاد هنا الضحية.. وخلصت السالفة

⤵️