محاضرات نسوية بلاغية

بسم الله الرحمن الرحيم
اللهم صل على محمد وآل محمد

(المحاضرة الثمانية والثلاثون)
✍
*ام فاطمة الشويلي*


《ذلك ومن يعظم شعائر الله فانها من تقوى القلوب 》

الحج ٣٢



- كلمة شعائر هي جمع لشعيرة ، خلال البحث راح نوضح شنو معنى الشعيرة .

مفرد كلمة شعارات شعار
وبين الشعيرة والشعار بالمعنى اكو نوع من التقارب

*- اكو انسان شعاره بالحياة
ينتهج نهج اهل البيت..يعني يبذل جهد كبير
يبتعد عن الحرمات
يعني ما يتكلم عن الناس ما اله علاقة بالكلام الزايد ...اذا يشوف اثنين يتكلمون ويذمون شخص يكوم ما يجالسهم. افرضي امراة
شعاره بالحياة شلون ترضي زوجه شلون تربي أبنائه تربية إسلامية

-وهاي طبعا درجة عالية يتصف بيه الانسان المؤمن حقاً الي بالواقع امتحن الله قلبه بالتقوى
فالشعارات كثيرة التيار الفلاني اله شعاره
العصابة الكذائية اله شعار .


*- او كما يذكر بالروايات الامام الحجة ابن الحسن عجل الله فرجه
عندما يضهر شعاره يال ثارات الحسين او الامام العباس في الطف كان شعاره
والله ان قطعتم يميني احامي ابدا عن ديني وعن إماما صادق اليقينِ .

• فالبعض يكون شعاره بي حلاوة بي لذة تنبع منه رائحة الايمان رائحة التقوى تنبع منه الأخلاق العالية والبعض الاخر لا .

فحسب كل واحد شنو انتمائه المن ينتمي يكون شعاره .



- بني امية كان شعارهم لعن علي عله المنابر اذا رادوا يتقربون إلى الله يتقربون بلعن علي !
كان خطبائهم اول ما يصعدون المنبر يلعنون علي

فهاي ايام خلافة عمر بن عبد العزيز اكو رجل مسيحي
اجه للخليفة يريد يخطب ابنته
الخليفة رفض ما قبل ..كاله انت كافر وبنتي مسلمة ما ايجوز تزويج المسلمة من الكافر
كاله ..اذا الاسلام ما ييجوز زواج المسلمة من الكتابي
ليش نبيكم زوج ابنته لكافر
ليش زوجهه لعلي ابن أبي طالب ..!
كله عمر شنو تكول علي اخو رسول الله وابن عمه ووارث علمه ومن السابقين في الاسلام كاله المسيحي زين ..اذا كان علي هكذا ليش تلعنوه عله المنابر ؟!

- فسكت عمر بن عبد العزيز يعني شيريد يكول يعرف هل شي غلط .

📚الأخلاق والآداب الاسلامية ص٥٧٨


• شاهد الكلام اكو مَن تنبع من شعاراته رائحة الخسة رائحة الانحطاط الديني والاخلاقي
تشوفه يمشي خلف التيارات
شنو شعار هذا التيار هو وياه
بدون ما يفكر هذا صحيح لا


نجي للشعيرة شنو معنى الشعيرة.
الشعائر شنو هي ..؟

*- مثلاً ايام الحج يعني الناس تروح إلى مزدلفة تحيي شعيرة الحج عدهم طقوس معينة يسوونه ..يعني يروح المسلم يلبس هل الإحرام هذا
فاذا احرم تترتب علي امور ..

- يعني يمتنع عن قتل الصيد عن نكاح النساء ؛ يمتنع عن لبس المخيط ..

"- هاي الاشياء الي يسويه الحاج بيه تعظيم لشعيرة الحج والحقيقة
تعظيم الشعائر هو نابع من تقوى القلوب نابع من مخافة
الله

- للاسف بعض النساء تجي الى احياء ذكر اهل البيت يعني تجي لمجلس العزاء وهي قد تكون ما تحمل هذا العنوان .

شلون يعني..؟ يعني قد تفعل اشياء
يرفضه الشرع اشياء يرفضه العرف .
فلازم النساء تحترم
هاي الشعائر تتقي الله في هذه الأماكن..تتقي الله في هاي المجالس .

•- في الواقع هاي المراة نظرياً موجودة بالمجلس لكن من الناحية العملية لا .. هاي ماشية في طريق خطأ ..ورع ما عده الآية ما تصدق عليه


*- او البعض الاخر من يخلص العزاء ويصير كلام غيبة او من هاي الامور ! الي ما ادل عله اخلاق المؤمن المعزي
ما تدل عله اخلاق المسلم الحسيني .


ف ذلك ومن يعظم شعائر الله فانها من تقوى القلوب
فخلي نباوع لكلوبنه اذا تورعت ابتعدت عن المعاصي يعني قلبك بي خوف من الله

- ااذن انتي فعلاً عظمتِ هل الشعائر وصدقت عليج الآية الكريمة .


- التقوى شنو هي مخافة الله
شنو مخافة الله؟
يعني افرضي معلمة وراحت تعلم كم تلميذ بالصف تعلمه الاشياء العلمية ؛ والعلم محبوب عند الله مطلوب " هاي ربع ساعة و راحت عله صفحة تعبانة
وحدة لا ' تجي هاي طول الدرس واكفة تعلم وتسأل
انت ابني افتهمت لو ما افتهمت ليش .؟ اتحسين عده مخافة من الله صحيح هو المدير ما يَمه " ولا وزارة التربية كاعدة يم هاي المعلمة
لكن تكَلج اني اخاف ' الله وياي بالعمل بالبيت بكل مكان الله موجود .
- فهاي اذن التقوى خالقه عده هاي النوعية من الخوف من الحكمة من الحساب من الرقابة .


الحقيقة هاي المجالس هي تحت أنظار اهل البيت
تحت رعايتهم سلام الله عليهم
يعني حته اذا ما حضروا فهي
واقعة تحت نظرهم

- الامام الصادق عليه السلام
يكل لفضيل اتجلسون وتتحدثون
يكله بلا ياسيدي يجاوبه الامام يا فضيل هذه المجالس احنه نحبه احيوا أمرنا
رحم الله من أحيا أمرنا

في قصصهم عبرة ص٢٢

*تفضلي هاي الراوية*

اكو خطيب كان من يصعد المنبر يقول ست كلمات بس يذكرهن
المجلس ينقلب كله نحيب وبكاء وعويل عجيب !
شنو سر هاي الكلمات ؟



⤵️تابع

بسم الله الرحمن الرحيم
اللهم صل على محمد وآل محمد

(المحاضرة السابعة والثلاثون )
✍
*بقلم ام فاطمة الشويلي*


عن النبي محمد صل الله عليه واله قال: ثلاثة لا يدخلون الجنة؟ مدمن خمر ومؤمن سحر وقاطع رحم .

(البحار ج٧١ص٩٠ح٩)

محور حديثنه عله صلة الرحم .

من الاشياء الأساسية في حياة المسلم هي الأسرة ولهذا نشوف الشريعة جعلت قواعد اساسية حته تنظم حياة المسلم من جميع الجوانب
اكو علاقات بحياة المسلم تكون اختيارية مثل يختار صديق اله يختار رفيق سفر رايح للزيارة وتعرف عله شخص
مثل الزواج الإنسان يختار رفيقة حياته
فهذني العلاقات اختياريات ممكن الإنسان يخلي حدود معينه او ممكن تكون معرفه سطحية بهؤلاء
يعني حسبت وقت و ممكن تنتهي العلاقة.


لكن اكو علاقات إلزامية يعني انت ملزم اوانتِ ملزومة تتواصل وياه الامر ما راجع اليه احدد بي وقت يعجبني او ما يعجبني لا يعني امي ابوي اخوي ابن اختي عمي خالي هاي علاقات إلزامية الإنسان بدون اهله وناسه وداعتك كلشي ما يسوه فالاسلام أكد تأكيد شديد عله مسأله صلة هاي الارحام وحذر من التقاطع والتنافر والابتعاد بيناتهم .


في الحقيقة من مداخل الشيطان اللعين تفريق وحده الاهل والأقارب يعني نشوف بعض العوائل شكد حلو علاقات تواصل وتزاور بيناتهم ناس تدخل عله ناس
ناس عله حب الله كاعدة

لكن فجاءة يتغير الحال لا سامح الله ! بسبب اشياء قد ما تسوه ..افرضي بسبب كلمة انقلت او يصير امر معين هو بسيط لكن يتطور .


فالاسلام امرنه بصلة الارحام ..لتقريب العلاقات وزيادة المحبة والانسجام فيما بينهم ..عن الرسول صل الله عليه واله: صلة الرحم تعمر الديار وتزيد في الأعمار وأن كانوا أهلها غير اخيار .

(الأخلاق والآداب الاسلامية ص ١٠٩ )

طبعاً اقرب الرحم هم الوالدين
لكن للاسف البعض ما يسأل عن امه عن ابوه ..شنو محتاجين ..اخاف يردون منك حاجة ..حته بالسلام يبخل تلفون ما يشيل عليهم
يعني هسه ببركة الانترنيت
مسج ابعث الهم اطمئن على أحوالهم حسسهم انك مهتم بيه ..يكلك عندي مشغول ما عندي وقت .

يجاوبك باجوبة مو مقنعة او البعض يكلك امي وابويه مايحبوني يحبون اخوي ويفضلونه عليه..احنه نكله هاي الامور اتركه جانب ..الوالدين قلبهم يسع جميع الابناء ..لكن اكو هناك خصوصيات ..هل الابن تميز
عنك مثلا افرض بتعامله معهم ..افرض يصلهم اكثر منك بار بهم..طبعا هاي الأعذار هي من مداخل النفس والشيطان ..الي تزرع التفرقة بين الأسر.

في الحديث جاء رجل وأمه إلى الرسول
والرجل يريد يذهب للجهاد وأمه خايفة عليه ما تقبل فاجوا يتفاوضون عند رسول الله صلى الله عليه وآله؛ فالرسول كله ابقه يم امك والك بهاي كعدتك نفس اجر الجهاد..

كنز العمال ج٥ ص٨٦٢

فأنتِ حاول ترضي والديك اخوانك وتصلهم .

*- لكن الرحم مو بس والدين؛ طبعا سالوا السيد المرجع السيستاني دام ضله..
شنو حد صلة الارحام يعني ياهم ارحامي
الي يترتب عليه صلتهم واذا ما وصلتهم تترتب عليه عقوبة قاطع الرحم

السيد ما حدد .. كالهم شوف العرف
يعني الضابطة الناس شتكول العرف الاجتماعي
هاي امك ابوك اولاد عمك الاخوال وابنائهم.. الخ
وفي الحديث.. يكول حته الرحم البعيد .
الي بينك وبينه اربعين اب.
احنه كلنه الشيطان مداخله هواي وعنده طرق عجيبة يكدر يزرع الحقد والحسد في بعض القلوب ..يعني مثل ما كلنه تخليك تفكر بامور ..قد تكون ما اله وجود " مثل امي تفضل اختي عليه ..وابوي ما معبرني ولا كأني الابن الاكبر
ومن هاي الامور

يعني هي القطيعة شلون تصير ناس وما تود ناس فجأة. شنو السبب

مرة قد تكون بسبب الغيرة والحسد ومرة لا قد تكون بسبب كلمة ينقله شخص تخرب كل الموازين

للاسف بعض الناس مصابة بمرض يعني ما عنده غير ياخذ ويودي بهل الكلام يجيب من هذا لذاك.. شغلته يشعله بين الناس
وهاي الناس صايرة نار..بيت زيد ويه عشيرة عمر..

*- غريبة ما اعرف ليش البعض يتلذذ باذية الناس هاي الامور الي نهئ عنه الشرع
وصف النميمة والغيبة والبهتان من رذائل الأخلاق.

ما يجوز المؤمن يتصف بيهن؟!


- الامام الرضا عليه السلام يقول:
من بهت مؤمنا او مؤمنة او قال فيه ما ليس فيه اقامة الله تعالى يوم القيامة على تل من نار حتى يخرج مما قال فيه!

الوسائل ج١٢ ص ٢٨٧

طبعاً البهتان يعرفونه يكولون

هو أن تقول في مسلم ما يكرهه وما موجود فيه " طبعاً اذا كان بحضوره .. أشد انواع الكذب واثمه اشد من الغيبة والكذب واذا تكلم عنه بظهره صارت غيبة وفوكه كذب ..


-هل شخص هذا يعني بهذا فعله قد يتسبب بزرع التفرقة والاذية والحقد في النفوس يعني افرضي زوجة تنقل كلام لزوجه لا سامح الله
اليوم صار كذا امر عن أهله" او عن شخص وقد يكون هو ما يحب يسمع هل الكلام

تكملت المحاضرة ⬇️

اللهم صل على محمد وآل محمد

بسم الله الرحمن الرحيم

﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾


🔸الله عزوجل مَن على الإنسان بنعمة الحياة يعني هذا العمر (جوهرة ثمينه ) ما بين اشكم نفس اشكم ساعة ويقضي
فكون المسلم يقضي هل لعمر بما آمره الله ،
ما يضيعه باللهو واللعب، يعني اكو ناس نشوفه تخلص وقته عله اشياء ما تسوه
تلكاه عله التواصل يقضي ساعات الليل هذا العظيم ووقت مناجاة الله وقت الخلوة مع الله فتشوفه يخلصه باللهو واللعب ...
فكون المسلم ياخذ الجانب الجاد من الحياة ، الجانب الي يخلده ، لان اللهو واللعب ما يخلدنه للإنسان!، الي يخلد الانسان العمل الصالح، الخلق العالي ، فهاي الملكات الكريمة هي الي تخلد المسلم ، وهاي ما تجي بدون معاناة
يعني ماكو شي يجي بدون معاناة
فلا تخلص وقتك بأشياء تموتك وانت حي !!



من بعد هل مقدمة نجي للآية

لما قسم الله عز وجل بالعصر ، هل لقسم العظيم وكال إن الانسان لفي خسر ،،، هسه هل خسارة شنو ، يعني البعض تلكاه مستعد يخسر صحته يخسر ناسه وأهله،، بس ما مستعد يخسر فلوسه ما مستعد يخسر منصبه !!!

🔹خل ارويلج هذه الرواية ....🔔


♦️المأمون العباسي يكول جنت كاعد وي أبوي هارون بمجلسنه ، ودخل عليهم الامام موسى بن جعفر ع* يكول جنت ما اعرف موسى الكاظم ، بس شفت شلون ابوي اضطرب من دخل وكام تلكاه واخذه لحجرته لخاصة ، وره شوية طلع هارون والامام موسى بن جعفر ع..سلم عليه ودعه وكالي اني ولحاشيه وصلوا موسى الكاظم بكل احترام لمنزله ...فيكول تعجبت منو هذا فسألت والده ،،، منو هذا
كاله : هذا الرجل الذي ينبغي ان يجلس على كرسي خلافة رسول الله ،ص، كاله هذا من اولاد رسول الله ، فسأل المأمون ابوه كاله : ليش ما تسلمه الملك !!؟
التفتله بكل شدة وغضب كاله : لو انت تنافسني لاخذت الذي فيه عيناك !!!
يكول وسحب سيفه ورفعه عاليا وقال : الملك عقيم !!! يعني كان يعرف الإمام وحسبه ١٤ عام وشوفه انواع العذاب ...
العباسيين ولامويين كانوا معروفين بمعاداة وبغضهم لاهل البيت عليهم السلام
فمو غريبة منهم هذا الفعل .

♦️اكو نظرية تكول الحسين ع كان يعلم اذا اخذ عياله ونساءه راح ينقتلون ليش جابهم وياه لو تاركهم بالمدينة ما كان حصل الي حصل بيهم ؟؟؟

*طبعا الامام الحسين ع ، كان كدامه خيارين لو يحمل عياله ونساءه وياه ، لو يخرج هو واخوته وانصاره .....
واحنه نعرف ذوله اصحاب الفكر الحي والروح العاليه دائما مايواجهون المواقف التي يهتز لها كل ضمير حي .
فإذا عاف عياله ونساءه بلا شك السلطات الامويه .. راح يستفادون من هذا الفعل حته يضغطون على الامام يسلم نفسه * مثل ما فعلوا وي زوجة عمروا الخزعلي ، اسروا زوجته من فر من سلطتهم ، طبعا هاي الحالة تكررت وي زوجة المختار ، اذن ماكو مأمن لو تركهم بالمدينة ،،وخصوصا بني اميه يعني اتصوري نبشوا قبر زيد بن علي وصلبوا اربع سنوات منكوس الرأس حته عشعشت الفاخته في جوفه .... ولنفرض حته اذا لكالهم مأمن ..وخرج هو واخوته وانصاره للاصلاح ، هو يعلم مسبقا القوم يطلبونه ووين ما يمسكونه يقتلوه ، فاكيد راح يقتلوهم بمجزرة وراح يكتمون على القضية ويضيع دم الحسين واهل بيته!! ومحد راح يفهم المن خرج الامام وتضيع ثورته ورسالته 😭
الحقيقة بنو آميه وبنو العباس وجهان لعملة واحدة * لكن بني اميه اخس وانذل وارذل لم يعرف التاريخ احد بهذه الدنائة

💧والحسين مهد للأحرار درب السعادة ' لا كما مهدت بني اميه وبني العباس درب الخسران .
*فالآية تريد تكول من آمن وعمل صالحا وتواصوا بالحق وتواصوا بالصبر نعم ذوله بعدين عن الخسران
الحسين ع واهل بيته وانصاره سجلوا اعظم معركةبالتاريخ....حيث خرجت مولاتي زينب ليلة الحادي عشر تتعثر بالاجساد وهو تقول .... 😭😭😭



  *انتهى*

تمت بقلم خادمة العترة .

   *خطيبة المنبر*

     * ام فاطمة الشويلي *

لا اجيز حذف الاسم .

https://t.me/fatame00

___

السلام عليكم ورحمة الله وبركاته
حبايب قسم منكم تطلب اختصر بالمحاضرة ؛ وقسم تريد اتوسع ..فإني انزل على ما أراه يناسب المجلس النسوي ..وبما يتلائم مع جميع طبقات المجتمع .
*وشكرآ *

ام فاطمة الشويلي

آلَلَهۣۗہمۣۗـۙ صۣۗـۙلَ عۣۗـۙلَى مۣۗـۙحۣۗـۙمۣۗـۙد وُآلَ مۣۗـۙحۣۗـۙمۣۗـۙد

بۣۗـۙسۣۗـۙمۣۗـۙ آلَلَهۣۗہ آلَرحۣۗـۙمۣۗـۙنۣۗـۙ آلَرحۣۗـۙيۣۗہمۣۗـۙ


📝 هَا أَنتُمْ هَٰؤُلَاءِ تُدْعَوْنَ لِتُنفِقُوا فِي سَبِيلِ اللَّهِ فَمِنكُم مَّن يَبْخَلُ ۖ وَمَن يَبْخَلْ فَإِنَّمَا يَبْخَلُ عَن نَّفْسِهِ ۚ وَاللَّهُ الْغَنِيُّ وَأَنتُمُ الْفُقَرَاءُ .


🔻*اهل الكلام يكولون ان هنالك فضيلة بين رديئتين يعني احنه كون نفرق بين الفضيلة و الرذيلة مرات يصير تداخل عدنه شلون ،؟ فضيله بين رذيلتين يعني عدنه بخل وعدنه كرم وعدنه اسراف ذني الاشياء كون نفرز بيناتهن ؛ هل البخل هذا البخيل مريض نفسيا ؛ حمال يشيل وينطي لغيرة " هاي رذيلة تعتبر " البخل حاله مذمومة؛ اما الكرم فهو من صفات الباري عزوجل انه اكرم الاكرمين ؛ في الواقع هذا البخيل مسكين اقل الناس راحه تشوفه تعبان ما مرتاح كل همه جمع الاموال لكن المشكلة ما محصوره بجمع الاموال لا ؛ هسه حب المال غريزه موجودة عند الإنسان القرآن يوصفه ..وتحبون المال حبآ جمآ هاي مو مشلكه " لكن اكو واحد يجمع الأموال حتى ينفق منه عله زوجته عياله يعطي منه الحقوق الشريعه افرض يتصدق على الفقراء هذا حق الفقراء
*ياهو الفقراء اكو " اقربائك .ابن منطقتك
هم ذولة ..واحد يشيل حقه ينطيه هذا الخمس . تجيه لحضه من اللحضات ممكن انسان يرفع بيه ايده للدعاء يكول : اللهم ارحمني اني قصرت سد نقصي مو اشوية واحد خل يستحي يشيل هل الخمس هذا حق الفقراء القريبين عليه
يخمس ، مثل الذين ينفقون اموالهم في سبيل الله كمثل حبه انبتت سبع سنابل في كل سنبله مائه حبه والله يضاعف لمن يشاء... الانسان محتاج للمال " الله اذا انعم على عبد احب ان يرى اثر نعمته ، الله امر الرجل بلانفاق على الزوجة عله الابناء يسد احتياجاتهم ، كون الزوجه تكتفي "هذا البيت الي يكون بيه هل لون تدخله فيه الرحمه ؛ للاسف البعض يبخل ما ينفق على عياله " يوهم نفسه يجمع المال من اجل الاولاد في الكبر

🔮ارجوك الله خير الرازقين وهو اعلم ، لا تقسو على الزوجه عل الاولاد ذوله مساكين عينهم لله والك ما عدهم غيرك هم بحاجه تسد رمق جوعهم تشوف احتياجاتهم خليك كريم ..مثل ما انت بحاجه الى المال زوجتك وابناءك كذلك في الحقيقيه البخل مشكلة؛

*" عن امير المؤمنين عليه السلام يقول : عجبت للشقي البخيل ؛ يتعجل الفقر الذي منه هرب ؛ ويفوته الذي اياه طلب فيعيش في الدنيا عيش الفقراء ويحاسب في الاخره حساب الاغنياء

📌 طيب سؤال ليش يحاسب في الاخره حساب الاغنياء طبعا مسأله الحقوق الشرعيه يعني مثلا الخمس البعض هامل هل المسأله بالحقيقة الخمس فرع من فروع الدين حاله حال الصلاة الواجبه مثل ما واجب تصلي واجب تخمس اموالك" يعني هاي الأشياء لما وجبته الشريعه اله اثر- اله اثر تنمي الرزق تزيده -الصدقه تدفع ميته السوء القران يكول وان ما غنمتم من شي فالله خمسه والرسول ...

🔗"بالتالي هذا حق الامام وعليك ان ادفعه ما تبخل بالحق الشرعي طيب في بدايه البحث كلنه كون نفرق بين البخل والسخاء والاسراف الامام الحسن العسكري عليه السلام يكول ان للسخاء مقدار فإن زاد عليه فهو اسراف ؛

🔸 الاسراف شنو الاسراف " الاسراف قريب عل الحقيقة وهم هو تقريبا مثل مرأة محتاجة فد ثوبين ' تشتري الثالث ما محتاجته رابع هذا صار اسراف فكون الانسان ينتبه -طعام مثل محتاجه هل كثر فيزيد كمية بدون داعي بدون حاجة يصير اسراف هنا - الشريعة جاي تحافظ عله حقوق الاخرين ..هاي حقوق وهاي ثروة لما واحد يصير عده عمال يشارك اشكد بيه عمال هاي ' فهاي حقوق الاخرين
#كون الانسان ينتبه الى قضية الاسراف هاي خشية زوال النعم ؛ الله لا يحب المسرفين "

♦️*اما السخاء والكرم حاله جميلة و رائعه يكولون إن اجواد العرب واشرافهم في الاسلام عشرة ؛ اجود اهل الحجاز عبد الله بن جعفر ؛عبد الله بن جعفر الطيار زوج العقيلة زينب بنت علي عليها السلام .

🔮يذكر ان عبد الله كان كريم الى درجة عالية جدا حتى يوم من الايام كالوله
انك قد اسرفت في بذل الاموال فرد عليهم كالهم ان الله عز وجل عودني على التفضل عليه وعودته ان اتفضل على عباده فأخاف أن اقطع العادة عني المادة ؛ الحقيقة هاي درجه عاليه من الانفاق والكرم

💎 كيف لا يكون كذلك وهو من هذه السلالة الطيبه -كرم بني هاشم معروف للعدو قبل الصديق ؛ الامام الحسن احد خدمتهِ اهداه باقه ورد فاعتقه لوجه الله تعالى فحين سألوه عن ذلك كلهم فاذا حيتم بتحيه فحييوا بأحسن منها ....هذا الاسلوب من يتعامل المسلم بيه تبث روح المحبه و التودد بالمجتمع وكله مسجل عند الله(ان الله كان على كل شيء حيبا)

✍ اضف الى ذلك الامام الحسين يقول الكرم عو الابتداء بالعطيه قبل الساله واطعام الطعام في المحل تكله سيدي نحنو جياع الى كرمكم الى عطفكم

✍خل ارويلج هل الرواية .

*ينقل احد علماء الشيعة الكبار سابقا يكول كنت مريض اصابني الم شديد بعيني حته ضهر جرح بعيني اليسرى

تابع⤵

🌱عيدكم مبارك🌱
أسأل الله لي ولكم في هذا العيد، حسنات تتكاثر، وسيئات تتناثر، وهموم تتطاير...!
كما ادعو الله، الذي فلق صبح هذا اليوم .. أن يختصكم بكل خير .. ويصرف عنكم كل شر .. وان يقر اعينكم .. ويسر قلبكم ..ويفرح انفسكم .. ويثلج صدوركم .. ويحقق امالكم .. ويجعل التوفيق حليفكم ..والفلاح طريقكم ....
وان يعجل لكم بكل أمر جميل تنتظرونه،
ويجعل ماتمضون إليه أفضل ممامضى،
ويرزقكم حج بيته الحرام...
ارجوا أن لانحرم من دعائكم،

محاضرة عن الحسد .

آلَلَهۣۗہمۣۗـۙ صۣۗـۙلَ عۣۗـۙلَى مۣۗـۙحۣۗـۙمۣۗـۙد وُآلَ مۣۗـۙحۣۗـۙمۣۗـۙد

بۣۗـۙسۣۗـۙمۣۗـۙ آلَلَهۣۗہ آلَرحۣۗـۙمۣۗـۙنۣۗـۙ آلَرحۣۗـۙيۣۗہمۣۗـۙ


 {وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلا لِبُعُولَتِهِنَّ ......}

🔷أهتم الاسلام كثيراً بالمرأة شخصيته ودورها بالحياة ،فأراد يبنيها بناء يتناسب مع طبيعته كينونته ، يعني بعد ما كانت المرأة بعصور الجاهليه مثلاً تدفن تحت التراب ، يعني كان الي تصير عنده بنت يستحي يخجل مثل ما نكول ( يضم راسه عن الناس) لذلك القران يشير لهاي الحقيقة يكول { واذا بشر احدهم بالأنثى وجهه مسوداً وهو كظيم } ف المرأة ما كانت اله هواي قيمة بالحياة ،
مثلاً نجي لعصر الروم نلكه ذولة الروميين يتهمونه بتهامات _ يعتبروه هي المسؤلة عن إنتشار الفواحش والفساد ، مثلاً اليهود " اليهود عدهم كل شيء تلمسهُ المرأة نجس ، فالمرأة كانت يعني نكدر نكول عليه حقوقه مهدورة مضطهدة // اجه الاسلام رفعها وارتفع بيه عن هاي الحضارات، عن مواريث الجاهليه ، اجه خلاها في موقعه الصحيح ، خلاها في مكانته الاجتماعية المرموقه ، لذلك المفكر الإسلامي يعتبر المراة هي صانعة الحياة _ هي صانعة الاجيال _ يعني هي مربيه للجيل .

من بعد هل مقدمة نجي للآية الكريمة


🔹احنه نعرف مسألة الحجاب من ضروريات الاسلام وهاي المسألة من صالح الرجل والمرة يعني الله عزوجل لما شرع الحجاب على المرة لا ينتفع من هاي التشريعات ، بالنتيجة المجتمع هو الي يستفيد ، الحقيقة هو شنو الحجاب ..الحجاب ستر ، وحته يحافظ على عفاف المرأة يحافظ على طهارة روحه نكدر نكول الحجاب تحصين وحمايه للمجتمع ، لكن للآسف نشوف اكو من تخلي الحجاب وسيلة حته تضهر جماله
يعني الحجاب الي نتكلم عنه مو بس الي يغطي الراس لا * لان الحجاب نوعان نوع ضاهري و نوع باطني شلون ؟؟ يعني الباطني يبدي من داخل المرأة قلبه روحه يعني يكون عده حجاب حتى لو ما كان رجل اجنبي يمه وهذا طبعا جوهر المرأة، والضاهري الي فوك الجسد " حته يحصن الجسد من المحارم ..وهذني الحالتين يوصفهن القرآن
( واذا سألتموهن متاعاً فسألوهن من وراء حجاب ذلكم أطهر لقلوبكم وقلوبهن )
💧طبعاً الاسلام ينهي على التقارب بين الرجل الاجنبي والمرأة بقدر الإمكان
ليش لان بيه طهارة للنفس وهذا الي كالته الايه أطهر لقلوبكم...مثلاً مرة بالوضيفة بالسوق وصار يعني كلام ما مقبول لا سامح الله هذا وين يجرنه ؛ يجرنه للمفاكهه و ..الخ
ف هاي فلسفة الحجاب فلسفة عميقة جداً بيه بناء للمجتمع ، بناء خالي من الانحرافات ، يعني هاي المرة الي تحافظ على حجابه وعفته هاي اتقدر غيرة زوجه اتقدر غيرة أهله عليه ، هاي مرة تربية .تربيه صحيحه، أخلاقه عالية مو فلذلك

🔅 أمير المؤمنين ، يقول : بلغني أن نسائكم يزاحمن العلوج في الاسواق _ تغارون _ يعني نسوانكم بالأسواق يزاحمن وي لرجال ما تغارون !! ؟ ف الرجل لازم تكون عده غيرة على عرضه والمرة كذلك تكون عده غيرة على نفسه" يعني تقدر الثقة الي انطاه زوجه واهله ،

لان اكو البعض تطلع من البيت بشكل لكن بالشارع شكل آخر!


🔴 طبعاَ احنه ما ننسه انه الاسرة وخاصة الأم هي المسؤولة عن تهيئت هاي البنت، بعتبار البنت تكون قريبه للام أكثر ، فالام كون تفهم بته 'تعلمه وهي صغيرة قبل ما تبلغ سن التكليف ..مثلاً
تكله هذا الحجاب شنو غايته " غايته يحميج هذا الحجاب وقار للمرة فتكعد وياه تحببه بسلوب جميل ، يعني مو من توصل مرحلة التكليف تجي
تجبره هاي حتماً راح ترفض تلبسه .

🔵الحقيقة عدنه بعض النساء تلبس الحجاب وهي مو فاهمه شنو الغاية منه ، يعني حجابه نكدر نكول عنه (حجاب تقليدي )
مثلاً هاي شافت الامهات الخالات او منطقته ، هذا صار لباس او حجاب موروث يعني مو عن معرفة * حتى وان كان هذا العمل جيد، بس احنه نريد نفهم النساء شنو غاية الحجاب ليش؟ ...لان هاي من تلبسه وهي مو فاهمه شنو الهدف
شكو تغير راح يصير على الحجاب" يعني شنو موديل ينزل هي تروح تجيبه وتلبسه بدون ما ادقق تفكر ، فعلاً يستر جسدي لو لا ، وطبعا اللباس الي يكون فاتن وملفت للنظر حتماً ولابد راح يجلب اللعن على لسان النبي محمد ص * سيكون في آخر أمتي نساء كاسيات عاريات على رؤوسهن كأسنمة البخت العنوهن فإنهن ملعونات // فهكذا تبين لنا انه الحجاب نوعان ، نوع توصل المرأة فعلا لغاية الحجاب الي راده الله عزوجل يعني الي محافظة عله حجابه ومراعيه الحدود الشرعية محافظه عله عفته وشرفه
ونوع ثاني وهذا الحجاب الي يكون بدون معرفة وطبعا هذا الي كلنه يتغير بتغير الموديل ! زين


🔸اكو نظرية تقول احنه مقتنعين بأن حجاب المرأة هو واجب شرعي ولكن بعض الاصدقاء او الناس من يقول انها عبودية وإهانة للمرأة

⤵

واحنه جربنه معجزات اهل البيت عليهم السلام ،، وببركة القران واهل البيت
يبطل كل سحر ...ومن هذا المكان مجلس الحسين ع نعاهد الله نترك هذا الفعل المحرم ....


انتهى إلى المصيبة




الحمد لله رب العالمين والصلاة والسلام على أشرف الأنبياء والمرسلين أبا القاسم محمد واله الطاهرين .

تمت بقلم خادمتكم #أم_فاطمة
لا اجيز شرعاً حذف الاسم