Kyrgyz Football Union

КЫРГЫЗ ФУТБОЛ БИРИМДИГИНИН ТЕХНИКАЛЫК КОМИТЕТИНИН ЖЫЙЫНЫ ӨТТҮ

20-январда Кыргыз футбол биримдигинин кеңсесинде КФБнын Техникалык комитетинин жыйыны болуп өттү. Жыйынга КФБнын башкы катчысы Медербек Сыдыков, Техникалык комитеттин мүчөлөрү жана КФСтин Техникалык бөлүмүнүн адистери катышты.

Жыйындын күн тартибинде КФСтин техникалык бөлүмүнүн 2024-жыл үчүн отчету, 2025-жылга карата иш-чаралардын жана мелдештердин реестри кароодон өттү.

Жыйындын жүрүшүндө 2024-жылдагы техникалык бөлүмдүн ишмердүүлүгүнүн жыйынтыктары чыгарылды. Комитеттин мүчөлөрү берилген материалдарды деталдап талкуулап, өткөн жылдагы бир катар пландалган иш-чаралардын ийгиликтүү аткарылганын белгилешти.

#kfu_kg

АТА-МЕКЕНДИК КАЛЫСТАР БОРБОР АЗИЯНЫН ФУТБОЛ АССОЦИАЦИЯСЫНЫН СЕМИНАРЫНА КАТЫШУУДА

Бүгүн, 20-январь күнү Ташкент шаарында Борбор Азиянын футбол ассоциациясынын калыстары үчүн семинар старт алды. Ал БАФАга мүчөлүк кылган өлкөлөрдөн 23 калыстардын катышуусу менен өтүүдө.

Ата-мекендик калыстар корпусунун атынан аталган семинарга Абдыкадыров Нурзатбек, Тайчиев Медербек, Алимов Зайниддин, Жакыпбеков Санжар, Кадырова Малика жана Доолоткелди уулу Сейит катышууда.

Семинар алкагында калыстар оюн эрежелери боюнча теориялык жана практикалык тесттерди тапшырышты. Окуу 24-январга чейин уланып, VAR-системасын колдонуу боюнча темаларды камтыйт.

Белгилесек, бул окууда Бахадыр Кочкаров инструктордук милдетти аткарууда.

📸 UFA

#kfu_kg

2025-ЖЫЛЫ 20ГА ЖАКЫН ФУТБОЛДУК ОБЪЕКТ КУРУЛУП, РЕКОНСТРУКЦИЯДАН ӨТӨТ

Бүгүн, 20-январда, Кыргыз футбол биримдигинин кеңсесинде стадиондорду куруу жана реконструкциялоо боюнча долбоорлорду ишке ашыруу боюнча жумушчуу жыйын өттү. Жыйынга Кыргыз футбол биримдигинин башкы катчысы Медербек Сыдыков, КФБнын Президентинин кеңешчиси Аманбек Каскеримов, жергиликтүү өз алдынча башкаруу органдарынын өкүлдөрү, ошондой эле курулуш долбоорлору боюнча иш алып барган уюмдарынын өкүлдөрү катышты.

Жыйында Токмок, Нарын, Талас, Таш-Кумыр, Шамалды-Сай, Токтогул жана Сокулук районундагы стадиондордун курулушунун жана реконструкциясынын учурдагы абалы талкууланды. Катышуучулар курулуш иштери, графиктер, долбоорлордун аткарылышы жана келип чыккан көйгөйлөрдү чечүү боюнча чаралар боюнча талкуу жүргүзүштү.

Ошондой эле каржылоо, логистиканы жакшыртуу жана долбоорлорду ишке ашыруунун бардык этаптарында көзөмөлдү камсыз кылуу маселелери көтөрүлдү. Бул жылы 20 жакын объекттин курулушу жана реконструкциясы пландалууда.

Долбоорлор спорттук инфраструктураны өнүктүрүүгө багытталып, региондордо спорт менен машыгуу үчүн заманбап шарттарды түзүүдө, анын ичинде улуттук жана эл аралык турнилерди уюштурууга мүмкүндүк берет.

-

В 2025 ГОДУ БУДЕТ ПРОВЕДЕНО СТРОИТЕЛЬСТВО И РЕКОНСТРУКЦИЯ ОКОЛО 20 ФУТБОЛЬНЫХ ОБЪЕКТОВ

Сегодня, 20 января, в офисе Кыргызского футбольного союза состоялось рабочее совещание в рамках реализации проектов по строительству и реконструкции стадионов в регионах Кыргызстана. В совещании приняли участие генеральный секретарь КФС Медербек Сыдыков, советник Президента КФС Аманбек Каскеримов, представители местных органов власти различных регионов страны, а также представители подрядных и проектных организаций.

На повестке дня обсуждались вопросы текущего состояния строительства и реконструкции стадионов в городах Токмок, Нарын, Талас, Таш-Кумыр, Шамалды-Сай, Токтогул, а также в Сокулукском районе. Участники рассмотрели ход выполнения работ, графики строительства, качество исполнения проектов и меры по устранению возникающих трудностей.

Также поднимались вопросы финансирования, улучшения логистики и обеспечения контроля на всех этапах реализации проектов. В этом году планируется строительство и реконструкция около 20 объектов по стране.

Проекты нацелены на развитие спортивной инфраструктуры в регионах, что создаст современные условия для занятий спортом, тренировок и проведения соревнований, включая национальные и международные турниры.

#kfu_kg

«ДОРДОЙ» ЖАНА «МУРАС ЮНАЙТЕД» КЛУБДАРЫ CAFA SILK WAY CUP 2025 КЛУБДУК ТУРНИРИНЕ КАТЫШАТ

Ата-мекендик «Дордой» жана «Мурас Юнайтед» клубдары эл аралык CAFA Silk Way Cup 2025 клубдук турнирине катышат. Аталган мелдешке БАФАга мүчөлүк кылган Кыргызстан өлкөсүнөн сырткары, Иран, Ооганстан, Таджикистан, Түркмөнстан жана Өзбекстандын клубдарын чогултат.

Борбор Азия футбол ассоциациясынын клубдук турниринин тайпалык жана плей-офф этаптары 24-апрелден 6-майга чейин өтөт. Анын өтө турган жерлери жакынкы арада белгилүү болот.

Белгилей кетсек, бул турнир Борбордук Азиянын футбол клубдары арасында алгачкы ирээт өткөрүлүп, алардын эл аралык деңгээлде өздөрүн көрсөтүүгө шарт түзгөн аянтча катары түзүлүүдө. Биринчи сезондо мелдештин тайпалык баскычында сегиз клубдун катышуусу пландалууда.

Турнирге акыркы сезондун жыйынтыгы менен, өлкө чемпионатынын жадыбалында жогорку орундарды ээлеген же/жана өлкө кубогунун ээси болгон клубдар гана катыша алат. Эске салсак, «Мурас Юнайтед» 2024-жылы Кыргызстандын Кубогунун жеңүүчүсү болгон, ал эми «Дордой» Кыргыз Республикасынын чемпионатында 2-орунду ээлеген. «Мурас Юнайтед» тайпалык баскычка түз жолдомо алса, «Дордой» турнирге катышуу укугун алуу үчүн алдын ала баскычта түркмөндүк клубу менен кез келет.

Турнирге катышуучу клубдардын толук курамын БАФА жакынкы мезгилде жарыялайт.

#kfu_kg

ФУТЗАЛ КАЛЫСТАРЫНА СЕМИНАР ӨТКӨРҮЛДҮ

14-16-январь күндөрү Кыргыз футбол биримдигинин кеңсесинде футзал боюнча калыстар жана инспекторлор үчүн семинар өтүлдү.

Семинардын алкагында футзалдагы эрежелерде өзгөртүүлөр жана толуктоолор боюнча, андан тышкары оюнга анализ жүргүзүү жана оюнду талдоо боюнча скбактар өтүлдү.

Окутууну КФБнын Биринчи Вице-Президенти, футзал боюнча ата-мекендик экс-калыс Нурдин Букуев өткөрдү.

3 күнгө созулган семинарга жалпы 30 калыс жана инспекторлор катышты.

#kfu_kg