MEHR UMMONI ♥

БИР САВОЛ

Куламан дейману, йиғлайман нега,
Қалбим дарзларига бормикан чега.
Дардли бир армонга наҳот мен эга,
Бир савол ёдимдан бўлмас фаромуш -
"Севаман" демаган нимага Кумуш?!

Ҳижрон ойларини алмашиб йилга,
Ҳавасга берилмай, қулф уриб дилга.
"Чидолмайман" демай, эрк бермай тилга,
Ориятни асраш бу қандай юмуш,
"Севаман" демаган нимага Кумуш?!

Қолоқ бўлганми ё - четга юрмаган,
Сериал кўрмаган, "чат"га кирмаган.
Интернет, "сотка"да кўнгил бермаган,
Кийиб жинси шиму, кўзга қўйиб тушь,
"Севаман" демаган нимага Кумуш?!

Шаддод неварага ёқармиш бири,
Буни ҳамма билар, йўқ эмиш сири.
Не дейишин билмас чолга кампири,
Дунёнинг ҳолига боқаман хомуш,
"Севаман" демаган нимага Кумуш?!

"Ўткан кунлар" - орга тикланган бино,
Такрор китоб қараб, кўраман кино.
Қанча назокату, қанча истиғно,
Қанча одоб билан дилни айлаб хуш,
"Севаман" демаган нимага Кумуш?!.

✍Бобур Бобомурод

@mehr_ummoni

Уйғондингми дўстим?!
Ооо, табрикларим!
Минг шукур саломат экан жону~тан...
Бугун бир қизиқдим,
Ҳар тонг эрталаб,
Ўн саккиз минг инсон уйғонмас экан!

Ёмон туш кўрдингми,
Бу эмас қайғу!
"Нималар кирмайди тушга...",~деганлар,
Тасаввур қилгина,
Миллионлаб бемор,
Тунлари бир чимдим ухламасканлар!

Дастурхон ёзилди хонадонингда,
Қош уйма, салгина суви қочган НОН,
Қайдадир ўқидим,
Бир бурда нонга,
Зор экан бир миллион саккиз юз инсон.

Болалар шовқини ёқмас қулоққа,
Шукур қил,
Улғайиб қолдилар анча,
Эҳ дўстим, НОЛИМА, ёруғ оламда,
Тирноққа зор бўлиб юрганлар қанча...

Минг шукур,
Юртинг тинч,
Рўзғоринг бутун,
Томоқдан сув ўтар, кўзларинг равшан...
Билмасанг билиб қўй,
Минглаб МУСОФИР,
Сен тепган тупроқни тoпмай йиглар екан....
@mehr_ummoni

ТОНГЛАРГА ЕТКАЗСИН

Ҳеч кимнинг оқмасин кўздаги ёши,
Қалб қўри лим бўлсин қувонч онларга,
Бемаҳал ботмасин умр қуёши,
Тонгларга етказсин, гўзал тонгларга.

Умрни шамолга қиёс этгулик,
Бир зимда, бир онда ўтиб кетгулик,
Ҳаётда ёр бўлсин фақат эзгулик.
Тонгларга етказсин, гўзал тонгларга

Бу ҳаёт ҳар кимни бахтга сайласин,
Қалбига эзгу, ўй, тилак жойласин,
Ҳар тонгда дийдорни насиб айласин.
Тонгларга етказсин, гўзал тонгларга.

Сиз билан бахтиёр, гўзал онларим,
Севинчдан маст қалбим,сарҳуш дамларим,
Бор бўлинг доимо қадрдонимларим,
Тонгларга етказсин,гўзал тонгларга

@mehr_ummoni

Ажойибсиз аслида!

ҲАЁТ ПСИХОЛОГИЯСИ

__

“Бу мухим эмас..” деганимиз – келишиш учун энг қисқа йўлни танлашимиздир.

“Олдимда одамлар бор эди, шунинг учун телефонни кўтара олмадим…” деганимиз – бу овозга нисбатан ҳеч қандай илиқлик қолмаганида айтилади.

“Сиздан ҳеч нарса кутмайман!“, “Сиздан ҳеч нима керакмас” деганингиз, истаган нарсангизни ололмаслигингизга кўзингиз етганида айтасиз.

“Мен совқотдим” деганингизда кимнингдир иссиқлигини кутиб шу сўзларни айтасиз.

“Яшашни истамайман” деганингизда, кимдир сизга “Мен учун яша” дейишини кутган ҳолда айтасиз.

“Борингизга шукур” деганингиз аслида “Мен сизни яхши кўраман” деганингиздир, фақат бу сўзни очиқ айтиш андишаси мавжуд.

“Мен ҳеч кимга керакмасман” деганингиз, аслида сизнинг битта инсонга керакмаслигингизни тан олганингиздир, аслида кераксиз, янаям кўпроқ мехр талаб киляпсиз, шу талаб қилган мехр унгаям етмаяпти, унга беринг шу мехрни.

“Менинг қшлимдан келади” деганингиз ёрдам сўрашдан уялаётганингизнинг белгисидир.

“Сиз яхши дўстсиз” деганингиз, ундан ортиғига йўл бермаслигингизни билдиради.

“Мен сизга ишонаман” дейишингиз, аслида, бир биримизга ўйинчоқмиз дейиш билан баробар, чунки ишониш сўзларда айтилмайди.

“Ҳеч қачон” деганингиз соатга қарашга эринганингизни билдиради.

Биз ёлғизликни истаймиз, аммо, қўлимиздаги телефонни махкам ушлаб юрамиз.

Жудаям кўп гапирамиз, аммо, ўша учта мехрли сўз келса тилимиз айланмай қолади.

Қимматбахо қоғозда тўйга таклифнома келса тайёрланиб борамиз, аммо, азон овози яхшилик қилиш учун эрта тур деса, эшитмаганга оламиз.

Жудаям ажойибмизда аслида!
@mehr_ummoni

​​​​​​​Қоринни йўқотишни истайсизми?

Унда вакуум машқларини бажаринг!

Бурун билан ичингизга чуқур нафас олинг;

Сўнг ўпкангизда бор нафасни бутунлай чиқариб юборинг;

Қорнингизни иложи борича ичингизга тортинг "киндигингиз умуртқага ёпишгунча";

Аста секинлик билан ичингизга нафас олинг ва умумий нафас олишни тиклаб олинг.

Машқни 10 сониядан 10 маротаба қайтаринг.

Кунига икки маротаба машқни бажаринг: эрталаб оч қоринга ва кечқурун уйқудан олдин.

@mehr_ummoni

Бир кишининг отаси
Кўп яшамиш, қартаймиш.
Соч-соқоли оқармиш,
Беллари кучдан қолмиш.

Нон еганда лаблари
Бурни билан сўзлашур.
Чой ичганда қўллари
Қалтирашиб, титрашур.

Бели икки букилган,
Юрай деса, юролмас.
Бир ўтирса, ўрнидан
Кўтармасанг, туролмас.

Ўғил, келин, невара
Зериқдилар бу ҳолдан.
Қутулмоқчи бўлдилар
Бир иш қилиб у чолдан.

Кириб бир хилват уйга,
Сўзлашдилар учовлон;
Ўғил билан невара
Қилди ўз фикрин баён.

Сўзлар бир оз чўзилди,
Мажлис узоққа кетди.
Навбат келди келинга,
У ҳам ўз фикрин айтди.

Келин деди: «Сизларнинг
Тўғри эмас ўйингиз,
Энг яхшиси, саҳрога
Олиб чиқиб қўйингиз!

Биров кўмар ўлигин,
Кўрмас бизнинг кўзимиз.
Машаққатсиз бу ғамдан
Қутулгаймиз ўзимиз».

Ўз фикрини сўзлашда
Келин уста йўл тутди.
Бир оғиздан мажлисда
Келиннинг фикри ўтди.

Ўғил билан невара
Кун кеч бўлгач, турдилар;
Кўтардилар у чолни,
Саҳро сари юрдилар.

Бир ўринга етганда,
Сўзга кирди ўша чол.
Деди: «Ўғлим! Сўзимга
Бир оз энди қулоқ сол:

Ман отамни бир замон
Бу ўринга келтириб,
Ташлаб кетган чоғимда
Қолган эди телмуриб.

Навбат келди ўзимга,
Сен ҳам мени келтирдинг,
Мен отамга на қилсам,
Эмди менга сен қилдинг.

Менга ярар шул ўрин
Бир кун сенга ҳам ярар.
Эл аро бор бир матал:
«Ҳар ким экканин ўрар!»

Бу сўзларни эшитгач,
Ўғил ҳўнграб йиғлади.
Отасига узр айтиб,
Хизматга бел боғлади.
@mehr_ummoni

Эл катори булай деб,
Мен хам телефон олдим.
Туйиб гаплашаман деб,
Купгина пул хам солдим.

Замонавий булай деб,
Интернетга уландим.
Уч кун утмай "одноклассникни Касалига айландим.

Хар шахарда,хар хил ёш,
Гузал кизлар калам кош.Гаплашдим хуп кизикиб.
Дустим булди однодош.

Кунлар утди, ой утди, Бир кизга ишким кетди,
Ёзиб ширин сузларни,
Узига мафтун этди.

Шеърлар битиб тонггача, Сухбатлашиб шомгача,
Ухламадик хаттоки,
Юлдуз санаб тонггача.

Мухаббатдан суйлашиб,
Хаёлларда уйнашиб.
Лайли-Мажнун булдик биз,
Ишк дардида куйлашиб.

Бахтли эдим гуёки,
Топдим деб зур Маликани..
Кизгонардим соямдан,
Хаттоки у асални.

Кунлар утиб, кун сайин,
Севгимиз булди майин.
Однодаги киз билан,
Учрашув булди тайин.

Ок ювиниб, ок тараб,
Ойнага минг бор караб.
Севгилимни курай деб,
Отландим шахар тараф.

Юрак тула хаяжон,
Бордим айтган манзилга.
Смс келди шу он,
Хафа булманг хазилга.

Афсус, афсус шунча ой,
Ишк дардида куйганим.
Хазилкаш бола экан,
Жоним дея суйганим.

Киз бола почтасидан,
Чиккан экан зорманда.
Севдим деса ишониб,
Роса булдим шарманда.

Аччигимдан чидолмай,
Телефонни отвордим.
Синмай колган кисмини,
Запчаст килиб сотвордим!😂😂😂😂😂😂😂
@mehr_ummoni

#Kulgu_Vaqti

Toʻyda bir ayol yonidagi ayolga qarab:
— Oʻynang Sobirjon, - desa, boyagi ayol:
— Meni ismim Sobirjon emas Farida, - debdi. 
U ayol dermish:
— Sizni ismingiz Faridami, yoʻqmi bilmadimu, meni erimni telefonida Sobirjon deb yozilgan.
😂😂😂😂
@mehr_ummoni

Ўн тўққиз ёшимда
Ғам уммонида,
Елкансиз кемада сузиб юрибман.
Ранжларни қолдириб ҳув қирғоғида...,
Ҳадемай чўкаман...
Сезиб турибман!

Томоғим қақрайди,
Уммон суви шўр,
Ҳеч кимса эшитмас оҳ-у зоримни.
Эшкак йўқ...қай ёнга сузишни билмай,
Шамолга топширдим ихтиёримни.

Шамол-дард, беаёв кетар учириб,
Манзилим қаёндир билмай ўтаман.
Заминдан абадга номим ўчириб,
Ҳадемай чўкаман...
Чўкиб кетаман!

Руҳимда ғалаён.
Қанотсиз қушдай,
Уча олмаяпман бахт манзилига.
Кулишни истайман...
Кўзим тўла ашк,
Ёшларим тўпласам айланар Нилга.

Ҳайрон қолаяпман ўзимга-ўзим,
Не бўлди осмонча орзуларимга?!
Аҳир эдим-ку мен шодликлар қизи,
Ғам кишан боғлади кулгуларимга!

Чўкиб кетмасимдан қутқар мени вақт,
Ахир сен дунёда холис ҳакамсан.
Менга ҳам жамолинг кўрсат сулув бахт,
Фақат сен дардимга даво, малҳамсан!

Чўкиб кетмасимдан дард уммонига,
Бахт бошлиқ туйғулар қутқаринг мени...

Лайло Бекмуродова
@mehr_ummoni

Юрагимнинг қаеридир куяди,
Симмиллайди,
чарсиллар,
санчар,
Гўё минг йил юраксиз яшаб,
Бир қадоқ оғриққа куним қолгандай...
Сени соғинганман...!

Кўзимда дарёлар жимирлар аста,
Уфиради,
буғланар,
тошар,
Гўё минг йил тошқинсиз яшаб,
Бир томчи иқрорга куним қолгандай...
Сени соғинганман...!

Ҳушёр тортар руҳим-имтиҳон берар
Қалтирайди,
дилдирар,
титрар,
Гўё минг йил кўнгилсиз яшаб,
Бир аҳмоқ ақлга куним қолгандай...
Сени соғинганман..!

Деразамни ёпаман, этим учади,
Жондан ўтар,
изғирин,
шамол,
Гўё минг йил қуёшсиз яшаб
Бир нуқра чўғингга куним қолгандай...
Сени соғинганман..!

Сени соғинганман, оҳ, нима қилай,
Нима қилай,
ахир, айт,
нима?!
Гўё минг йил сенингсиз яшаб,
Бир ютим ажалга куним қолгандай...
Сени соғинганман..!

Фарида Юрагимнинг қаеридир куяди,
Симмиллайди,
чарсиллар,
санчар,
Гўё минг йил юраксиз яшаб,
Бир қадоқ оғриққа куним қолгандай...
Сени соғинганман...!

Кўзимда дарёлар жимирлар аста,
Уфиради,
буғланар,
тошар,
Гўё минг йил тошқинсиз яшаб,
Бир томчи иқрорга куним қолгандай...
Сени соғинганман...!

Ҳушёр тортар руҳим-имтиҳон берар
Қалтирайди,
дилдирар,
титрар,
Гўё минг йил кўнгилсиз яшаб,
Бир аҳмоқ ақлга куним қолгандай...
Сени соғинганман..!

Деразамни ёпаман, этим учади,
Жондан ўтар,
изғирин,
шамол,
Гўё минг йил қуёшсиз яшаб
Бир нуқра чўғингга куним қолгандай...
Сени соғинганман..!

Сени соғинганман, оҳ, нима қилай,
Нима қилай,
ахир, айт,
нима?!
Гўё минг йил сенингсиз яшаб,
Бир ютим ажалга куним қолгандай...
Сени соғинганман..!

@mehr_ummoni

Sizni sog'inishda bir olam zavq bor,
Tinmay eslayverish yoqar yurakka.
Siz mendan bir olam sog'inch qarzdor,
Aylanib qoldingiz shirin ertakka.