Popular Journal

သာသနာတော်ဆိုင်ရာ ဘွဲ့တံဆိပ်တော်များဆက်ကပ်

နစက မှ ယနေ့ ဇန်နဝါရီ ၄ ရက်တွင်ကျရောက်သည့် (၇၇)နှစ်မြောက် လွတ်လပ်ရေးနေ့ အထိမ်းအမှတ်အဖြစ် သာသနာတော်ဆိုင်ရာ ဘွဲ့တံဆိပ်တော်များကို ဆက်ကပ်လှူဒါန်းအပ်နှံခဲ့ကြောင်း အမိန့်ကြော်ငြာစာအမှတ် ၁/၂၀၂၅ ဖြင့် ထုတ်ပြန်ခဲ့သည်။

ဆရာတော်ကြီးများ၊ ဂန္ထဓုရပရိယတ္တိဝန်ဆောင် စာချဆရာတော်များ၊ ဝိပဿနာဓုရ ပဋိယတ္တိဝန်ဆောင် ကမ္မဋ္ဌာန်းနည်းပြဆရာတော်များ၊ နယ်လှည့်ဓမ္မကထိကနှင့် ပြည်တွင်း/ပြည်ပ သာသနာပြုပုဂ္ဂိုလ်များ၊ ဗုဒ္ဓသာသနာတော်ကို ပစ္စည်းလေးပါးဖြင့်ထူးခြားစွာ ထောက်ပံ့လှူဒါန်းနေကြသည့် ပုဂ္ဂိုလ်များအား ဆက်ကပ်လှူဒါန်းအပ်နှံခဲ့ခြင်းဖြစ်သည်။

အဘိဓဇ မဟာရဋ္ဌဂုရု ဘွဲ့တံဆိပ်တော်အား ဆ ရာတော်ကြီး(၉)ပါး၊ အဂ္ဂမဟာပဏ္ဍိတ ဘွဲ့တံဆိပ်တော်အား သီရိလင်္ကာနိုင်ငံမှ ဆရာတော်တစ်ပါးအပါအဝင် ဆရာတော်(၂၀)ပါး၊ အဂ္ဂမဟာဂန္ထဝါစကပဏ္ဍိတ ဘွဲ့တံဆိပ်တော်အား သီလရှင်ဆရာကြီးနှစ်ပါးအပါအဝင် ဆရာတော်(၂၇)ပါး၊ မဟာဂန္ထဝါစကပဏ္ဍိတ ဘွဲ့တံဆိပ်တော်အား သီလရှင်ဆရာကြီးခုနှစ်ပါးအပါအဝင် ဆရာတော်(၄၅) ပါးတို့အား ဆက်ကပ်လှူဒါန်းအပ်နှံခဲ့သည်။

သတင်းအပြည့်အစုံဖတ်ရန် >>

https://www.popularmyanmar.com/သာသနာတော်ဆိုင်ရာ-ဘွဲ့တ-3/

ကန်နိုင်ငံခြားရေးဝန်ကြီး တောင်ကိုရီးယား၊ ဂျပန်နှင့် ပြင်သစ်သို့ သွားရောက်

ဆိုးလ်တွင် နိုင်ငံရေးအကျပ်အတည်းကြုံနေရချိန်၌ အမေရိကန်နိုင်ငံခြားရေးဝန်ကြီး အန်တိုနီ ဘလင်ကန်သည် ဇန်နဝါရီလ ၄ ရက် နေ့မှ ၉ ရက် နေ့ အထိ တောင်ကိုရီးယား၊ ဂျပန်နှင့် ပြင်သစ်နိုင်ငံများသို့ သွားရောက်မည်ဖြစ်ကြောင်း နိုင်ငံခြားရေးဝန်ကြီးဌာနက သောကြာနေ့တွင် ပြောကြားလိုက်သည်။

ဒီဇင်ဘာလ ၃ ရက်နေ့က စစ်အုပ်ချုပ်ရေးကြေညာမှုနှင့်ပတ်သက်၍ နိုင်ငံတော်ပုန်ကန်မှုဆိုင်ရာ ရာဇဝတ်မှုဖြင့် စုံစမ်းစစ်ဆေးခံနေရသော စွပ်စွဲပြစ်တင်ခံ သမ္မတ ယွန်းဆွတ်ယိုးလ်ကို အာဏာပိုင်များက သောကြာနေ့တွင် လာရောက်ဖမ်းဆီးခဲ့သော်လည်း တောင်ကိုရီးယားသမ္မတအစောင့်များနှင့် စစ်သားများက တားမြစ်ခဲ့ကြသည်။

ဘလင်ကန်သည် တောင်ကိုရီးယားအစိုးရ အကြီးတန်းအရာရှိများနှင့် တွေ့ဆုံမည်ဖြစ်ကာ လွတ်လပ်ပွင့်လင်း၍ သာယာဝပြောသော အင်ဒို-ပစိဖိတ်ဒေသအပြင် ဂျပန်နိုင်ငံနှင့် သုံးနိုင်ငံပူးပေါင်းဆောင်ရွက်မှုများကို မြင့်တင်ရေးဆိုင်ရာ အရေးပါသည့် အစီအမံများ ခိုင်မာအားကောင်းစေရေးကိုဆွေးနွေးသွားမည်ဖြစ်သည်ဟု

သတင်းအပြည့်အစုံဖတ်ရန် >>

https://www.popularmyanmar.com/ကန်နိုင်ငံခြားရေးဝန်ကြ-4/

မြစ်ကြီးနား-မန္တလေး လမ်းပိုင်း ပြန်လည်သွားလာခွင့်ပြု

တိုက်ပွဲများကြောင့် မြစ်ကြီးနား-မန္တလေးလမ်းပိုင်း ယာယီပိတ်ထားရာမှ ယနေ့ ဇန်နဝါရီ(၄)ရက်တွင် ပြန်လည်ဖြတ်သန်းသွားလာခွင့်ပြုပြီဖြစ်ကြောင်း ဒေသတွင်းယာဉ်မောင်းတစ်ဦးထံက သိရသည်။

"မြစ်ကြီးနား-မန္တလေး ကားလမ်းပိုင်းပြန်ပွင့်သွားပါပြီ။ အတက်အဆင်းကားများအကုန်ပွင့်သွားပါပြီး" ဟု ၎င်းကဆိုသည်။

တပ်မတော်နှင့် PDF လက်နက်ကိုင်အဖွဲ့တို့အကြား ဒီဇင်ဘာ (၃၁)ရက်၌ အဆိုပါ လမ်းပိုင်းရှိ ကန့်ဘလူမြို့နယ် ဇီးကုန်း လမ်းဆုံ ပတ်ဝန်းကျင်တွင် တိုက်ပွဲများစတင်ဖြစ်ပွားခဲ့ရာမှ (၄)ရက်ကြာဖြတ်သန်းခွင့်ယာယီပိတ်ထားခြင်းလည်းဖြစ်သည်။

အဆိုပါ လမ်းပိုင်း ပိတ်ထားရက်အတွင်းမြစ်ကြီးနားမှ မန္တလေးသို့ ဆင်းမည့်ခရီးသည်တင်ယာဉ်နှင့် ကုန်တင်ယာဉ်များမှာ ကန့်ဘလူမြို့နယ် ပေကြီးရွာ၌ ပိတ်မိ‌နေခြင်းဖြစ်ပြီး မန္တလေးမှ မြစ်ကြီးနားသို့ တက်မည့်ယာဉ်များမှာ ကန့်ဘလူမြို့နယ် ဇီးကုန်းလမ်းဆုံ၌ အသီးသီးပိတ်မိနေကြခြင်းဖြစ်ကြောင်း သိရသည်။

သတင်းအပြည့်အစုံဖတ်ရန် >>

https://www.popularmyanmar.com/မြစ်ကြီးနား-မန္တလေး-လမ်း/

လေဖြတ်နေသော အမျိုးသမီးကြီးတစ်ဦး‌ေ-သဆုံးခဲ့သည့် မော်လမြိုင်မြို့မီးလောင်မှု

မွန်ပြည်နယ်၊ မော်လမြိုင်မြို့တွင် ယမန်နေ့ ဇန်နဝါရီ ၃ ရက်ည ၁ နာရီ ၁၅ မိနစ်ခန့်က နေအိမ်မီး လောင်မှုဖြစ်ပွားခဲ့ကြောင်း မီးသတ်တပ်ဖွဲ့နှင့်ဒေသခံများထံမှ သိရသည်။

မော်လမြိုင်မြို့၊ ရွှေမြိုင်သီရိရပ်ကွက်၊ ပဲခူးချောင်ရပ်၊ ပဲခူးချောင်လမ်းရှိနေအိမ်တစ်လုံးတွင် ထင်းမီးဖို့ပေါ်မှမီးကြွင်းမီးကျန်ဖြင့် ထင်းမီးကြပ် တိုက်ထားရာမှတစ်ဆင့် ဘေးနားတွင်ရှိသော ပလပ်စတစ်များကို မီးကူးစက်ပြီးနောက် နေအိမ်မီးလောင်မှုဖြစ်ပွားခဲ့ကြောင်း သိရသည်။

ထို့ကြောင့် မွန်ပြည်နယ်မီးသတ်ဦးစီးမှူးရုံး၊ မော်လမြိုင်ခရိုင်/မြို့နယ်မီးသတ်စခန်း၊ မော်လမြိုင်နယ်မြေမီးသတ်စခန်း၊ ရွှေမြိုင်သီရိနယ်မြေမီးသတ်စခန်း၊ မြိုင်သာယာနယ်မြေမီးသတ်စခန်း၊ ညောင်ပင်ဆိပ်နယ်မြေမီးသတ်စခန်းတို့မှတပ်ဖွဲ့ဝင်များ၊ လူမှုကူညီကယ်ဆယ်ရေးအသင်းဝင်များ၊ မြို့နယ်စည်ပင်မှ မီးသတ်ရေသယ်ယာဉ်များ၊ အရန်မီးသတ်တပ်ဖွဲ့ဝင်များ၊ တာဝန်ရှိသူများက ပူးပေါင်းငြှိမ်းသတ်ခဲ့ကြသည်။

သတင်းအပြည့်အစုံဖတ်ရန် >>

https://www.popularmyanmar.com/လေဖြတ်နေသော-အမျိုးသမီးက/

မုံရွာအကျဉ်းထောင်မှ (၄၂)ဦး လွတ်ငြိမ်းချမ်းသာခွင့်ရ

(၇၇)နှစ်မြောက် လွတ်လပ်ရေးနေ့မှာ မုံရွာအကျဉ်းထောင်ကနေ အကျဉ်းသား (၃၂)ဦးနှင့် အကျဉ်းသူ (၁၀) စုစုပေါင်း (၄ ၂) ဦးကို လွတ်ငြိမ်းချမ်းသာခွင့်ပေးခဲ့ကြောင်း သိရသည်။

အကျဉ်းသား (၅)ဦးနှင့် အကျဉ်းသူ(၆)ဦးကို ကြိုတင်လွှတ်ထားတာဖြစ်ပြီး ယနေ့ ဇန်နဝါရီ (၄) ရက်လွတ်လပ်ရေးနေ့တွင် အကျဉ်းသား (၂၇)ဦးနဲ့ အကျဉ်းသူ (၄)ဦး စုစုပေါင်း (၃၁) ဦးကို လွတ်ငြိမ်းချမ်းသာခွင့်ပေးခဲ့တာဖြစ်ကြောင်း ဦးစီးဇယားအချုပ်အရ သိရသည်။

ယနေ့ ဇန်နဝါရီ (၄) ရက်တွင် ကျရောက်သည့် (၇၇) နှစ်မြောက် လွတ်လပ်ရေးနေ့ အထိမ်းအမှတ်အနေဖြင့် နိုင်ငံတစ်ဝန်းရှိ အကျဉ်းထောင် အသီးသီးမှ အကျဉ်းသား (၅၈၀၀) ကျော် လွတ်ငြိမ်းချမ်းသာခွင့်ပြုခဲ့ခြင်း ဖြစ်သည်။

အမေရိကန် နိုင်ငံတော်လုံခြုံရေးအကြံပေး အိန္ဒိယသွားမည်

ဝါရှင်တန်၊ဇန်နဝါရီ ၃

အမေရိကန်နိုင်ငံ‌တော်လုံခြုံရေးအကြံပေး ဂျိတ်ခ်ဆူလဗန်သည် အိန္ဒိယနှင့်ဝါရှင်တန်ကြားရှိ မိတ်ဖက်ဆက်ဆံမှုဆိုင်ရာဆွေးနွေးမှုအတွက် ၎င်းတာဝန်ချိန်ကျန်ရှိကာလအတွင်း နူးဒေလီသို့နောက်ဆုံးအနေဖြင့်သွားမည်ဟုသိရသည်။

တနင်္ဂနွေနှင့်တနင်္လာနေ့များတွင်သွားရန်စီစဉ်ထားသည့် ၎င်း၏ အိန္ဒိယခရီးစဉ်အတွင်း အိန္ဒိယနိုင်ငံတော်လုံခြုံရေးအကြံပေး မစ္စတာအာဂျစ်ဒိုဗယ်နှင့်တွေ့ဆုံဆွေးနွေးမည်ဟုလည်းဖော်ပြထားသည်။

၎င်းတို့နှစ်ဦးသည် နှစ်နိုင်ငံမိတ်ဖက်ဆက်ဆံရေးအတွက်အဓိကကျသည့် အာကာသ၊ကာကွယ်ရေးနှင့် ဗျူဟာမြောက်နည်းပညာပူးပေါင်းဆောင်ရွက်ရေးဆိုင်ရာကိစ္စများအတွက် အဓိကထားဆွေးနွေးသွားမည်ဟုလည်းဆိုသည်။

ဇန်နဝါရီလ ၂၀ ရက် အစိုးရအဖွဲ့သစ်ကျမ်းသစ္စာကျိန်ဆိုမည့်အချိန်တွင် ရာထူးသက်တမ်းကုန်ဆုံးမည်ဖြစ်သည့် ဆူလဗန်သည် အိန္ဒိယနိုင်ငံခြားရေးရာဝန်ကြီးဂျေးရှန်ကာနှင့်လည်း တွေ့ဆုံမည်ဖြစ်ကြောင်းသိရသည်။

ဖက်ဒရယ် ဒီမိုကရေစီကို အခြေခံသော အနာဂါတ် နိုင်ငံတော် ပေါ်ထွန်းလာရေး ပူးပေါင်း ကူညီဆောင်ရွက်သွားမည်ဟု လွတ်လပ်ရေးနေ့ သဝဏ်လွှာတွင် ပြည့်သူ့ရှေ့ဆောင်ပါတီ ဖော်ပြ

ဖက်ဒရယ် ဒီမိုကရေစီကို အခေခံသော တိုးတက်ခေတ်မီသည့် အနာဂါတ်ပြည်ထောင်စု သမ္မတမြန်မာနိုင်ငံတော် ပေါ်ထွန်းလာရေး ပူးပေါင်းကူညီဆောင်ရွက်သွားမည်ဖြစ်ကြောင်း ယနေ့ ကျရောက်သည့် (၇၇) နှစ်မြောက် လွတ်လပ်ရေးနေ့ သဝဏ်လွှာတွင် ပြည်သူ့ရှေ့ဆောင်ပါတီက အသိပေးဖော်ပြထားသည်။

ပြည်သူရှေ့ဆောင်ပါတီ၏ သဝဏ်လွှာတွင် မြန်မာပြည်သူများ၏လွတ်လပ်ရေးသည် ပြည်သူများ၏ လက်ဝယ်တွင် ရှိကြောင်းနှင့် လွတ်လပ်ရေးနှင့် ဆက်စပ်၍ ကိုယ်ပိုင်ယဉ်ကျေးမှု ၊ ကိုယ်ပိုင်စာပေ၊ ကိုယ်ပိုင်အနုပညာများ ဆက်လက်ထိန်းသိမ်းစောင့်ရှောက်ကာ တိုးတက်သော ပြည်ထောင်စု မြန်မာနိုင်ငံတော် အဖြစ်သို့ အဆင့်ဆင့် တက်လှမ်းကြရမည်ဖြစ်ကြောင်း ဖော်ပြထားသည်။

သတင်းအပြည့်အစုံဖတ်ရန် >>

https://www.popularmyanmar.com/ဖက်ဒရယ်-ဒီမိုကရေစီကို-အ-2/

အင်းစိန်အကျဉ်းထောင်မှ အကျဉ်းသား (၁၀၀၀) ဝန်းကျင် ပြန်လွတ်

ယနေ့ ဇန်နဝါရီ (၄) ရက်တွင် နိုင်ငံတစ်ဝန်းရှိ အကျဉ်းထောင် အသီးသီးမှ အကျဉ်းသူအကျဉ်းသား (၆၀၀၀) ဝန်းကျင် လွတ်ငြိမ်းချမ်းသာခွင့်ပေးခဲ့ပြီး အင်းစိန်အကျဉ်းထောင်မှ အကျဉ်းသူ အကျဉ်းသား (၁၀၀၀) ဝန်းကျင် ပြန်လွတ်ရန်ရှိကြောင်း ပြန်လည်လွတ်မြောက်လာသူအချို့၏ ပြောကြားချက်အရ သိရသည်။

လက်ရှိအချိန်ထိ အကျဉ်းသား (၈၀၀) ကျော် ပြန်လည် လွတ်မြောက်လာပြီဖြစ်ပြီး (၂၀၀) ဝန်းကျင် ပြန်လွတ်လာရန် ကျန်ရှိနေသေးကြောင်း ယနေ့နံနက်ပိုင်း လွတ်ငြိမ်းခွင့်ဖြင့် ပြန်လွတ်လာသည့် အကျဉ်းသားတစ်ဦး၏ ပြောပြချက်အရ သိရသည်။

လက်ရှိအချိန်ထိ ပြန်လွတ်လာသူများထဲတွင် အမျိုးသား (၄၁၀) ကျော် ၊ အမျိုးသမီး (၄၀၀) ဝန်းကျင် ပါဝင်ပြီး သရုပ်ဆောင် သင်ဇာဝင့်ကျော်လည်း ပြန်လည်ပါရှိလာသည်ကို တွေ့ရသည်။

အင်းစိန် အကျဉ်းထောင်တွင် ထိန်းသိမ်းခံထားရသူများအနက် သရုပ်ဆောင်ဆောင် ရဲတိုက်၊ အဆိုတော်ဗျူဟာ ၊ မော်ဒယ် နန်းမွေစံတို့ အပါအဝင် ကျန်အထင်ကရ ပုဂ္ဂိုလ်များ ပြန်လွတ်လာသည်ကို မ‌တွေ့ရပေ။

သတင်းအပြည့်အစုံဖတ်ရန် >>

https://www.popularmyanmar.com/အင်းစိန်အကျဉ်းထောင်မှ-4/

လက်နက်ကိုင်ပဋိပက္ခများနှင့် သဘောထားကွဲလွဲမှုများကို ဥပဒေနှင့်အညီ ထိန်းသိမ်းဆောင်ရွက်သွားကြရန် နစကဥက္ကဋ္ဌ တိုက်တွန်း

ဒို့တာဝန်အရေးသုံးပါး မပြိုကွဲရေးအတွက် လက်နက်ကိုင်ပဋိပက္ခများနှင့် သဘောထားကွဲလွဲမှုများကို ဥပဒေနှင့်အညီ ထိန်းသိမ်းဆောင်ရွက်သွားကြရန် နစက ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်မှ ယနေ့ ဇန်နဝါရီ ၄ ရက်တွင်ကျရောက်သည့် (၇၇)နှစ်မြောက် လွတ်လပ်ရေးနေ့အခမ်းအနားသို့ ပေးပို့သည့် သဝဏ်လွှာတွင် တိုက်တွန်းပြောကြားခဲ့သည်။

၂၀၁၅ ခုနှစ်၊ အောက်တိုဘာ ၁၅ ရက်တွင် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)ကို လက်မှတ်ရေးထိုးခဲ့ပြီးနောက် တပ်မတော်မှ တစ်ဖက်သတ်အပစ်အခတ်ရပ်စဲကြောင်းကို အကြိမ်ပေါင်းများစွာထုတ်ပြန်ကြေညာခဲ့ပြီး နိုင်ငံတော်အစိုးရမှလည်း ငြိမ်းချမ်းရေးလုပ်ငန်းစဉ်ဖြစ်သော တွေ့ဆုံဆွေးနွေးမှုများ လုပ်ဆောင်ရန်ဖိတ်ခေါ်မှုများကို အကြိမ်ကြိမ်ပြုလုပ်ခဲ့သည်ဟု ပြောသည်။

သတင်းအပြည့်အစုံဖတ်ရန် >>

https://www.popularmyanmar.com/လက်နက်ကိုင်ပဋိပက္ခများ-4/

လွတ်မြောက်လာကြသူများနှင့်ဝမ်းသာကြသူများ