PRXONA

Loyiha kelajagi uchun muhim!

Dunyoda hamma narsa sotiladi. Ammo sotuvning yuragi — marketing. Afsuski, ko‘plab o'zbek yoshlari bu bilimni olish imkoniyatidan yo makon, yo til bilmaslik tufayli mahrum. "Marketing Club" loyihasi professionallardan yoshlarga zamonaviy marketing ilmini bepul yetkazish uchun tashkil etilgan.

🎯 Maqsadimiz:
— Yoshlarga marketing bilimini bepul ulashish.
— Ularga o‘z loyihalarini mustaqil rivojlantirishga yordam berish.

Lekin bilasiz, xarajatsiz harakat 0 ga teng. Endi siz ham loyihaning davomiy va sifatli yuritilishida o'z hissangizni donat qilish orqali qo'shishingiz mumkin.

💡 Nega donat muhim?
— sifatli bilimni kengroq auditoriyaga yetib borishida e'lonlar, videolar, tayyorlash va targ'ib qilish xarajatlari uchun
— Malakali spikerlar jalb qilish.
— Loyiha jamoasini texnik resurslar bilan ta’minlash
- Ushbu ilmni ko'proq insonlarga yetib borishi uchun videomontaj xarajatlari uchun.

Har bir donatingiz sifatli kontentni ko'proq yoshlarga yetib borishi va ularga yangi imkoniyatlar eshigini ochishida muhim rol o'ynaydi.

📌 Donat qilish tartibi:
9860160103423317
Saidolimxon Erkinxonov
Click / Payme orqali

Marketing Club — murakkab tushunchalar sodda tilda! 🙌

Ну что ж, исторический момент, в Узбекистане заработала реклама на YouTube! Поздравляю бренды, маркетологов и контент-мейкеров (у которых видимо будет монетизация). Исторический момент 🍾

🥷 @fridaymark

Shaxsiy brend – OVERRATED

Uzr, sarlavha qisqa bo‘lishi uchun ingliz tilidan foydalandim.

Oddiy qilib aytganda, shaxsiy brend men uchun barcha muammolarni hal qiladigan vosita emas.

Men tanigan ko‘plab zo‘r tadbirkor va mutaxassislar ijtimoiy tarmoqlarda aktiv emas, (maksimum LinkedIn akkaunti bo’lmasa agar). Ular Telegram kanallar yuritishmaydi, biznes tadbirlarga deyarli qatnashishmaydi va podkastlarda ham chiqishmaydi.

Marketing sohasida tadbirkor bo’lgan paytlarim, agentlikga mijozlar birinchi o’rinda TANISHLARDAN kelishardi, ikkinchi o’rinda KEYSLAR sabab. Yani, qaysidir ishimiz yoqgani uchun. Men facebook-da aktiv bo’lganim uchun emas.

O’sha paytlar shaxsiy brendga haddan tashqari ko‘p vaqt va kuch sarflaganman. Ha, tan olish kerak, har xil brendlardan sovg‘alar kelardi, yopiq tadbirlarga taklifnomalar ham olardim. Lekin bu narsalar faqat ego uchun ishlagan, karyeram uchun katta foyda bermagan.

Karyeramda haqiqatan foyda bergan 3ta ko‘nikma:

1. Yangi narsalarni tez o‘rganish.
2. Odamlar bilan tez chiqishib ketish va aloqalar o‘rnatish.
3. Ishlagan loyihalarimda sezilarli natija ko‘rsatish.

Shaxsiy brendni butunlay qoralamayman (foydali taraflari ham bor). Ammo FAQAT shaxsiy brendga fokus qilish – bu katta xato!

@latipovasamira

Bugun bitta fikrni sizlar bilan bo'lishmoqchiman.

Nima sizni zo'r yoki ruschasiga aytsak, "крутой🤘" qilib ko'rsatadi?

Maktab paytlari ustozimiz "daftaring - sening yuzing", "odamlar yozuvingga qarab senga baho beradi" der edi. Ayamning bir marta "men yozuvi chiroyli qizni kelin qilaman" deganlari esimda. Opamga bir marta ustozi inshosini o'qimasdan yozuvi chiroyli bo'lganligi uchungina 5 baho qo'ygan.

Ul davrlarda husnixatga qarab insonlar odobi, bilimi, tarbiyasi, psixologiyasi haqida ma'lumot olishgan yoki olishga urinishgan. Ular haqida xulosa chiqarishgan. Masalan, chap tarafga qiyshaytirib yozadiganlar yolg'onchi bo'ladi degan afsonalar bo'lgan.

Bugungi hayotimizda esa yozuv to'laligicha raqamlashtirilgan. Asosiy muloqot vositasi esa messenjerlar hisoblanadi. Ikki bet narsani ruchkada yozib chiqqunimizcha qo'limiz og'rib qolsa kerak. Yozuvimizni esa ko'rib qo'rqib ketmasak bo'ldi.

Lekin messenjerlarda yozilgan xabarlar orqali ham ekran ortidagi suhbatdoshingiz haqida ba'zi xulosalar chiqarishingiz mumkin. O'zimiz bilmagan holda yozishmalarni tahlil qilib, ulardan qandaydir yashiringan ma'no topishga harakat qilamiz.

Menimcha esa, bugungi kunda yozishmalarda e'tibor berish kerak bo'lgan muhim jihatlar ularning oson o'qilishi, fikr ravon va tekis ifodalanganligi va albatta imloviy xatolarsiz yozilganligi.

Yozma nutq hamma tillarda og'zaki nutqdan farq qiladi. Har birining o'z qiyinchiliklari bor, albatta. Biri birisidan oson emas. Og'zaki nutqda xatolarga ko'p hollarda e'tibor berilmasada, yozma nutq uchun qat'iy qoidalar mavjud va ularni qo'llashga majburmiz.

Menga kelgan xabarlar ichidan ba'zilarini keltiraman :
"hop",
"yaxwimisiz",
"tug'ri",
"universitet grandi",
"Yu unde mas" ("yo'q, unday emas"),
"копко омаса бомиди" ("qopqoq olmasa bo'lmaydi"),
"сорамохчидм" ("so'ramoqchi edim'').

Bunday yozadigan insonlarni men birinchi navbatda yetarlicha ilmli inson deb hisoblamayman, ikkinchidan, menga bo'lgan hurmatini shubha ostiga olaman.

Shunday ekan, balkim sizdan bir necha ko'p, balkim kam qovun pishig'ini ko'rgan va erinmasdan shu so'zlarni yozgan Humoyunning nolasini tinglang : fikrlarni tiniq, qisqa va imloviy xatolarsiz yozish, bu sizning kuchli ekanligingiz, sizni ziyoli ekanligingiz, o'zingiz va boshqalarni hurmat qilishingizni ko'rsatadi. Shunda siz zo'risiz. (Soatiga 195 tezlikda bir qo'l bilan avtomobil haydab, ikkkinchi qo'l bilan videoga olib, tarmoqlarda e'lon qilib emas.)

Imloviy xatolarsiz yozish - hech qachon urfdan qolmaydigan klassika.

Mahalliy ekspertlar hali ham sog'-omon bo'lishsa, fikrlarini izohlarda qoldirishlari mumkin.

@khumoyun_paris