PRXONA

@prxona

Channel's geo and language: not specified, not specified

Category: not specified

PR, kommunikatsiya, kreativ haqida gaplashamiz

Related channels

Channel's geo and language

not specified, not specified

PRXONA

14 Nov, 08:45

Forward from: Samira Latipova - Materials

Shaxsiy brend – OVERRATED

Uzr, sarlavha qisqa bo‘lishi uchun ingliz tilidan foydalandim.

Oddiy qilib aytganda, shaxsiy brend men uchun barcha muammolarni hal qiladigan vosita emas.

Men tanigan ko‘plab zo‘r tadbirkor va mutaxassislar ijtimoiy tarmoqlarda aktiv emas, (maksimum LinkedIn akkaunti bo’lmasa agar). Ular Telegram kanallar yuritishmaydi, biznes tadbirlarga deyarli qatnashishmaydi va podkastlarda ham chiqishmaydi.

Marketing sohasida tadbirkor bo’lgan paytlarim, agentlikga mijozlar birinchi o’rinda TANISHLARDAN kelishardi, ikkinchi o’rinda KEYSLAR sabab. Yani, qaysidir ishimiz yoqgani uchun. Men facebook-da aktiv bo’lganim uchun emas.

O’sha paytlar shaxsiy brendga haddan tashqari ko‘p vaqt va kuch sarflaganman. Ha, tan olish kerak, har xil brendlardan sovg‘alar kelardi, yopiq tadbirlarga taklifnomalar ham olardim. Lekin bu narsalar faqat ego uchun ishlagan, karyeram uchun katta foyda bermagan.

Karyeramda haqiqatan foyda bergan 3ta ko‘nikma:

1. Yangi narsalarni tez o‘rganish.
2. Odamlar bilan tez chiqishib ketish va aloqalar o‘rnatish.
3. Ishlagan loyihalarimda sezilarli natija ko‘rsatish.

Shaxsiy brendni butunlay qoralamayman (foydali taraflari ham bor). Ammo FAQAT shaxsiy brendga fokus qilish – bu katta xato!

@latipovasamira

1 0 0

PRXONA

31 Oct, 18:13

Forward from: Humoyun Boboyev

Bugun bitta fikrni sizlar bilan bo'lishmoqchiman.

Nima sizni zo'r yoki ruschasiga aytsak, "крутой🤘" qilib ko'rsatadi?

Maktab paytlari ustozimiz "daftaring - sening yuzing", "odamlar yozuvingga qarab senga baho beradi" der edi. Ayamning bir marta "men yozuvi chiroyli qizni kelin qilaman" deganlari esimda. Opamga bir marta ustozi inshosini o'qimasdan yozuvi chiroyli bo'lganligi uchungina 5 baho qo'ygan.

Ul davrlarda husnixatga qarab insonlar odobi, bilimi, tarbiyasi, psixologiyasi haqida ma'lumot olishgan yoki olishga urinishgan. Ular haqida xulosa chiqarishgan. Masalan, chap tarafga qiyshaytirib yozadiganlar yolg'onchi bo'ladi degan afsonalar bo'lgan.

Bugungi hayotimizda esa yozuv to'laligicha raqamlashtirilgan. Asosiy muloqot vositasi esa messenjerlar hisoblanadi. Ikki bet narsani ruchkada yozib chiqqunimizcha qo'limiz og'rib qolsa kerak. Yozuvimizni esa ko'rib qo'rqib ketmasak bo'ldi.

Lekin messenjerlarda yozilgan xabarlar orqali ham ekran ortidagi suhbatdoshingiz haqida ba'zi xulosalar chiqarishingiz mumkin. O'zimiz bilmagan holda yozishmalarni tahlil qilib, ulardan qandaydir yashiringan ma'no topishga harakat qilamiz.

Menimcha esa, bugungi kunda yozishmalarda e'tibor berish kerak bo'lgan muhim jihatlar ularning oson o'qilishi, fikr ravon va tekis ifodalanganligi va albatta imloviy xatolarsiz yozilganligi.

Yozma nutq hamma tillarda og'zaki nutqdan farq qiladi. Har birining o'z qiyinchiliklari bor, albatta. Biri birisidan oson emas. Og'zaki nutqda xatolarga ko'p hollarda e'tibor berilmasada, yozma nutq uchun qat'iy qoidalar mavjud va ularni qo'llashga majburmiz.

Menga kelgan xabarlar ichidan ba'zilarini keltiraman :
"hop",
"yaxwimisiz",
"tug'ri",
"universitet grandi",
"Yu unde mas" ("yo'q, unday emas"),
"копко омаса бомиди" ("qopqoq olmasa bo'lmaydi"),
"сорамохчидм" ("so'ramoqchi edim'').

Bunday yozadigan insonlarni men birinchi navbatda yetarlicha ilmli inson deb hisoblamayman, ikkinchidan, menga bo'lgan hurmatini shubha ostiga olaman.

Shunday ekan, balkim sizdan bir necha ko'p, balkim kam qovun pishig'ini ko'rgan va erinmasdan shu so'zlarni yozgan Humoyunning nolasini tinglang : fikrlarni tiniq, qisqa va imloviy xatolarsiz yozish, bu sizning kuchli ekanligingiz, sizni ziyoli ekanligingiz, o'zingiz va boshqalarni hurmat qilishingizni ko'rsatadi. Shunda siz zo'risiz. (Soatiga 195 tezlikda bir qo'l bilan avtomobil haydab, ikkkinchi qo'l bilan videoga olib, tarmoqlarda e'lon qilib emas.)

Imloviy xatolarsiz yozish - hech qachon urfdan qolmaydigan klassika.

Mahalliy ekspertlar hali ham sog'-omon bo'lishsa, fikrlarini izohlarda qoldirishlari mumkin.

@khumoyun_paris

45 0 0 1

PRXONA

28 Oct, 13:42

Forward from: Kopirayting

Tahrirchi'da ajoyib Sayqalchi bor))

Xullas, aytmasa bo'lmaydigan yangiliklar bor
- Sayqalchida 2 kunlik limit 20 000 belgi edi. Endi 1 kunda 15 000 belgi
- Limitdan oshiqcha har bir belgi 1 so'm edi. Endi 0.8 so'm

Uy qimmatlashyapti, Tahrirchi arzonlashyapti))

Foydalaninglar: tahrirchi.uz/translator

Matn tekshiruvi | Tahrirchi

Turkiy tillar uchun maxsus yaratilgan sun’iy idrok rus va ingliz tillaridan o‘zbek va qoraqalpoq tillariga tabiiy va sifatli tarjima qilishni biladi. O‘zbek tilida xatosiz yozishni boshlang! Imlo va grammatika tekshiruvi mutlaqo bepul. Bugunoq ro‘yxatdan o‘ting.

65 0 0

PRXONA

21 Oct, 12:57

O'zbek tili - ijod tili!
O'zbek tili - ijodkorlar tili!
O'zbek tili istalgan soha uchun qulay tili!

Tilimizni o'zimizni asrashimiz, o'zimiz hurmat qilishimiz va o'zimiz rivojlantirishimiz lozim. Tilimizni qaysidir idora, vazirlik yoki chora-tadbirlar rivojlantira olmasligini va hatto saqlab qola olmasligini ham ko'rdik.

O'zbek tili marketing tili emas, "PR" tili emas, "Ijod" tili emas demasligimiz kerak!

O'zbek tilimiz umrboqiy til bo'lsin, o'zbek tilimizda ijod qilishdan charchamaylik va buni targ'ibotida bardavom bo'laylik!

Yashasin Ona tilimiz!

PRxonada gaplashamiz - @prxona

98 0 2 4

PRXONA

19 Oct, 09:58

00:49

Video is unavailable for watching

Show in Telegram

O'zbekiston kreativ va kommunikatsiya sohasida eng kuchli mutaxassislaridan biri. Bugungi kunda Rossiyaning 1-raqamli "Depo" brending agentligi strategi Farhod Kuchkarov "Mansurov Vlog"da chaq-chaqlashibdi.

Ne'matjon Mansurov bilan suhbatda:
- Rebrending
- Restayling
- Strategiya
- Strategning vazifasi kabi qiziqarli mavzuda suhbatlashishgan. Qolganini o'zingiz ko'rib, fikrlaringizni izohlarda qoldiring!

https://youtu.be/NU5fkTmjRWQ?si=XZu1-HaXmRa9tPjp

PRxonada gaplashamiz! - @prxona

89 0 1 2 3

PRXONA

19 Oct, 05:20

Kim o'zgaryapti, kim o'zgartiryapti?

Hozirgi kunda PR bozorida hamma bir savolni berishi mumkin: "Sun'iy intellekt (AI) PRni qanday o'zgartiryapti?" Ko'pchilik bu texnologiyani oddiy vosita sifatida ko'radi, ammo aslida u butun sohaga yangi nafas kiritmoqda. Keling, buni bir ko'rib chiqaylik

Ish jarayonini tezlashtirish

Odatda, PRchilar ko'p vazifalarni bajarayotgan paytda "syomka", "tadbir" va "tusovka"lar orasida yangiliklarni tahlil qilishga ulguradi. Hozir esa AI ularning miyasidagi "chaqmoqlarni" yanada tezlashtirib, bir vaqtning o'zida yuzlab ma'lumotlarni ko'rib chiqishga yordam beradi. Bu esa ish jarayonini tezlashtirishga yordam beradi

Tug'ilayotgan kreativ yondashuvlar

Kreativlik bu yerda faqat bitta "yulduz" emas. AI orqali PRchilar o'z ijodiy g'oyalarini yanada qiziqarli va tezroq "tayyor syomka" qilishmoqda. Ammo bir gap bor: bu qanchalik insoniy qoladi? Bizning vazifamiz – AI vositalaridan foydalangan holda kommunikatsiyada hali ham hissiyot va samimiyatni saqlab qolish.

AI PRchilarning "ruhiy ko‘magi"mi?

Tasavvur qiling, siz krizis vaziyatidasiz. Oldindan buni his qilgan va salbiy oqibatlarni sun'iy intellekt oldindan aniqlagan bo'lsa, bu PRchi uchun qanday qo'llab-quvvatlov! Bir vaqtning o'zida mingta kanallarni tahlil qilish va to'g'ri vaqtida to'g'ri javob berish – mana AIning "ruhiy ko‘magi"!

Odamlar bilan shaxsiy muloqot, lekin "AI soyasi"da

Auditoriyaga yaqin bo'lish AI yordamida ham ancha oson. Shaxsiylashtirilgan xabarlar, maqsadli kampaniyalar endi AI yordamida amalga oshiriladi, lekin savol tug'iladi: biz bu jarayonda odamlar bilan muloqotni qanday rivojlantiramiz? Kommunikatsiyaning bu "sun'iy soyasi" qanchalik uzoqqa boradi?

Biz sun'iy intellektni quchoqlab olamizmi yoki unga qarshi turamizmi? PRxonada buni birgalikda muhokama qilamiz!

PRxonada gaplashamiz – @prxona

79 0 0

PRXONA

7 Oct, 20:35

Forward from: Shaxriyor Xaymurzayev

Ikki xil gaplar, bir xil ma’no

Ikki rasmda bir xil ma’no ikki xil gaplarda berilmoqda. Lekin “Musor Tashlama” qismi juda qoʻpol va insonni bu ishni qilishdan qaytarmaydi.

Oʻng tarafda “люби свой город” - “o’z shahringizni seving” deya, axlat tashlamaslikka hechqanaqa toʻgʻridan toʻgʻri belgi yoʻq. Lekin insonlarga emotsional jihatdan borishi juda ham oson! (Ruschada boʻlsa ham)

Kommunikatsiya va uni toʻgʻri yoʻnaltirish juda muhim. Shaharni seving doʻstlar!

#marketing_va_kommunikatsiya

@shakhxaymurzayev

145 0 1 2 7

PRXONA

5 Oct, 08:05

O'zbek tili jonkuyarlari uchun ajoyib yig'ilish!

139 0 0 1

PRXONA

5 Oct, 08:04

Forward from: Vatandosh TV

❗️ Hurmatli kuzatuvchilar!

Sizni "Vatandosh" intellektual klubining navbatdagi yig‘ilishiga taklif qilamiz.

Klubning bu safargi yig‘ilishi “O‘zbek tili: kecha, bugun va ertaga” mavzusida bo‘lib o‘tadi.

Siz loyihani jonli kuzatishdan tashqari, til siyosati, o‘zbek tilining o‘qitilishi, alifbo islohi, qonunchilik va til sofligini ta’minlashda atamalar bilan ishlash jarayonlari haqida ma’lumotlar, shuningdek, o‘zingizni qiziqtirgan savollarga javoblar olishingiz mumkin.

Sana: 5-oktabr, 2024-yil, soat 15:00
Manzil: Toshkent shahri, Shota Rustaveli ko'chasi 01, 6-uy (“MFaktor” tadbirlar zali)

Facebook | Instagram | @vatandosh_tv | Youtube

129 0 2 2

PRXONA

4 Oct, 14:55

Samirani kuchli PR'chi va Product menejer sifatida taniyman. Ijtimoiy mas'uliyatli inson va mutaxassis hisoblanadi.

O'zi tashkil qilgan "Product community" hamjamiyati yig'ilishini o'zbek tilida tashkil qilganligining o'zi Samiraning qanday mutaxassis ekanligidan dalolat beradi. O'zbek tilidagi hamjamiyatlarning va uchrashuvlarning ko'p bo'lishi ajoyib xabar.

Hamjamiyat yig'ilishlari o'zbek tilida ko'proq bo'lishini tilab qolamiz.

Rahmat Samira!

PRxonada gaplashamiz! - @prxona

137 0 0 4

PRXONA

4 Oct, 14:52

Forward from: Samira Latipova - Materials

Bugun Product community hamjamiyatida ilk bor o’zbek tilida meetup tashkil qildik.

Meetup-da tajribali Product manejer Nuruddin Iminokhunov Product analytics mavzusini yoritib berdi.

O’zbekzabon PMlar ko’payib borayotganidan juda xursandman. Bu pozitiv trend yanada mustahkamlanishiga ishonaman.

@latipovasamira

75 0 0 3

PRXONA

1 Oct, 09:01

Bizning yangi vazifamiz - samimiy tabassumlar uchun ko’proq sabablar yaratish!

"Belissimo Pizzza" pitsaxonalar tarmog'i rebrending haqida e'lon qildi. Yangilangan uslubda kompaniya falsafasi aks ettirilgan. O‘zbekiston madaniyatiga urg‘u berish maqsadida vizual materiallarda o‘zbek milliy bezaklarini ishlatishgan.

"Bizning yangi vazifamiz - samimiy tabassumlar uchun ko’proq sabablar yaratish!" - deyiladi kompaniya xabarida

Rebrending Red Jolbors 2024 festivalida "Bellissimo Pizza" Branding & Design va Media Strategy nominatsiyalarida ikkita bronza mukofotiga sazovor bo‘ldi.

Rebrending hali ishlash jarayonida ekan, to'liq natijani ko'ramiz qanday samara berarkan.

PRxonada gaplashamiz! - @prxona

153 0 0 2 3

PRXONA

29 Sep, 08:46

Fudtex bozori uchun yaxshi xabar. Uzum, Yandex, Express24 kabi xizmatlar safiga yangi o'yinchi kirib kelmoqda.

217 0 0

PRXONA

29 Sep, 08:45

Forward from: Biznesreport.uz - bank, biznes, iqtisod

Wolt oziq-ovqat yetkazib berish xizmati O'zbekistonda ish boshlamoqda. Kompaniyaning O‘zbekistonda paydo bo‘lishi haqida xabarlar o‘tgan yili chiqqandi. Hozirda kompaniya yangi xodimlar izlamoqda.

Batafsil - biznesreport.uz

Telegram I Instagram I Veb-sayt

207 0 0 3

PRXONA

28 Sep, 16:15

"Yokida" epidemiyasi!

So'nggi paytlarda biznesmenlar, media "mutaxassis"lar, shaxsiy brend bilan shug'ullanuvchilar va shu sohaga aloqador ko'plab insonlar videolarda, yozishmalarda Yokida so'zini ishlatishmoqda.

Ushbu epidemiya tahminan o'tgan yildan boshlandi va hozirgacha davom etib kelmoqda. O'zbek kreativ, marketing va kommunikatsiya bozorida sifatli kadrlar bisyor. Ammo, shunga o'xshagan epidemiyani tarqatgan hamkasblarimiz ham talaygina topilmoqda.

Yokida so'zi o'zbek tilida mavjud ayiruv bog'lovchisi hisoblanadigan yoki bog'lovchisi o'rnida ishlatilib kelinmoqda va mutlaqo xato. Sababi o'zbek tilida yokida so'zi mavjud emas. Kreativ, kommunikatsiya, kopirayting va marketing sohada ishlovchi hamkasblarimizda iltimos qilib qolgan bo'lardik-ki, o'zbek tili imlosi va uslubiga jiddiy e'tibor qarating. Zero o'zbek tili ham davlat tili ham eng katta auditoriyaga ega til sanaladi.

PS: sohada ishlovchilarga kichik "ko'chirma" - o'zbek tilida mavjud ayiruv bog'lovchilari: yo, yoki, yoxud, yoinki, yo..,yo.., goh..,goh, dam..,dam, bir..,bir, ba'zan..,ba'zan, xoh..,xoh

Postni sohada ishlovchi tanishlaringiz bilan bo'lishsangiz hammamiz xursand bo'lardik.

PRxonada gaplashamiz - @prxona

2.1k 4 19 4 9

PRXONA

20 Sep, 13:52

Forward from: Mirzo Zominiy

Kecha va bugun (ertaga ham uchishsa kerak) Olmaotaga “yoʻlbars ovlashga” o‘zbek reklamachilar desanti qo‘nishi boshlandi 🇺🇿🇰🇿

🐾 21 – 22-sentyabr kunlari o‘tadigan Red Jolbors-2024 tanlovida qatnashish / mahorat darslarini tinglash / mukofotlash jarayoniga guvoh bo‘lish uchun yuzdan ortiq (adashmasam) o‘zbekistonliklar yetib borishgan, yo‘lga otlanishyapti.

🐯 O‘zbekiston marketingchilaridan Red Jolbors yutish uchun da’vogar ishlarni quyidagi ro‘yxatda ko‘rishingiz mumkin:

✦ Unhidden Nation | Stargazer agentligi - Mijoz: TBC Bank O‘zbekiston

✦ The New Tradition is the Best Tradition | Mijoz: Golden Minds

✦ Sedative Ads | We Digital agentligi - Mijoz: NRG O‘zbekiston

✦ Challenging Bazaar Beliefs | Korzinka

✦ Turn to Safety | Synthesis agentligi - Mijoz: Gross Insurance

✦ See Beyond | We Digital agentligi - Mijoz: AVO bank

✦ Best Baby Formula | 605 Agency agentligi - Mijoz: “Delivery Unit” O‘zbekiston Respublikasi prezidenti huzuridagi Strategik islohotlar agentligi

✦ Mothersucker | 605 Agency agentligi - Mijoz: “Delivery Unit” O‘zbekiston Respublikasi prezidenti huzuridagi Strategik islohotlar agentligi

✦ Mosaicvertising | Lokals Central Asia - Mijoz: Payme

✦ THE UNSPOKEN - FCB Artgroup Tashkent - Mijoz: Novey

✦ HUNGER FED HUNGER | Bellissimo Pizza International

✦ Hugs for Launch | maslov:tashkent - Mijoz: AliExpress

✦ One Step Closer to Community | maslov:tashkent - Mijoz: Korzinka (Mahalla)

✦ ANYWHERE DELIVERY | Bellissimo Pizza International

✦ MILKING THE WAIT | FCB Artgroup Tashkent - Mijoz: Pure Milky

✦ True Swoosh Kit (Concept) | Lokals agentligi | Mijoz: Nike

✦ Unrefusable Invite | 605 Agency agentligi | Mijoz: texnomart

Jami 17 ta ish (upd), ulardan ba’zilari 2-3 yo‘nalishda ham omadini sinab ko‘radi. O‘tgan yil Red Jolbors’da Synthesis yili bo‘lgandi. Menimcha, bu yil agentliklar emas, davlatlar bo‘yicha O‘zbekiston yili bo‘lsa kerak.

Red Jolbors'ga bormadim, men uchun favoritlarga kelsak, adblacksea tanlovida shovqin ko‘tarib qaytgan Mosaicvertising yaqqol ajralib turibdi. Duv-duvmetrga ko‘ra esa “Onasini emsin” (Mothersucker). Yakshanba kechga aniq bo‘ladi, ko‘ramiz, kuzatamiz.

#MarketingvaPR

@mirzo_zominiy

159 0 0 1

PRXONA

20 Sep, 09:28

Forward from: Biznesreport.uz - bank, biznes, iqtisod

"Korzinka" do'konlar tarmog'i Germaniya investitsiya va rivojlanish jamiyatidan 25 million dollar jalb qildi.

Kompaniya ushbu mablag'larni Toshkentda zamonaviy taqsimlash-tarqatuv markazini qurish uchun yo'naltiradi.

"49 000 m2maydonga ega yangi taqsimlash-tarqatuv markazi “Korzinka” logistika tizimining muhim bo‘g‘iniga aylanadi. — dedi "Korzinka" supermarketlar tarmog‘i bosh direktori Rud Pedersen.

"Korzinka"ning yangi taqsimlash-tarqatuv markazi ekologik mas'uliyatli, resurslarni tejaydigan hamda atrof-muhitga ta'sirni sezilarli darajada kamaytiradi deb ma'lum qilmoqda "Korzinka" matbuot xizmati

Batafsil - biznesreport.uz

Telegram I Instagram I Veb-sayt

122 0 0

PRXONA

18 Sep, 15:25

This_Is_Not_A_Brand_By_Kevin_Russell_1724784883.pdf

10.8Mb

Samira Latipova telegram kanalida "Brend nima?" degan savolga javob bo'ladigan ajoyib material bilan bo'lishdi.

Kecha va'da qilgan postim tayyor bo'lguncha o'rganib chiqish uchun ancha foydali kitobcha.

PRxonada gaplashamiz! - @prxona

270 1 14 3

PRXONA

17 Sep, 14:04

So'nggi kunlarning trenddagi mavzusi bo'lib turgan Inbazar keysi haqida bugun fikrlarim bilan bo'lishaman.

117 0 0 3

PRXONA

8 Sep, 12:54

Forward from: Mirzo Zominiy

01:30

Video is unavailable for watching

Show in Telegram

Soʻnggi kunlarda Instagram'da kreativ soha vakillarining e’tiborini shu rolik jalb etgani shubhasiz.

“Aviasozlar” bekati yoʻnalishli avtobus ichidan “Unutma meni” qoʻshigʻi sadolari bilan sayrini boshlagan ilhom shari deymizmi yoki Sublimation festivali aurasi shahar kezadi va odamlarni ruhlantiradi.

27 – 29-sentyabr kunlari Toshkentdagi Aviasozlar madaniyat saroyida Markaziy Osiyodagi birinchi zamonaviy elektro musiqa festivali boʻlib oʻtadi. Chiptalari ayni paytda sotuvda.

Loyiha Toshkent shahar hokimligi va Britaniya Kengashi tomonidan qoʻllab-quvvatlangan. Oʻtgan yil oʻtgan Boiler Room ham butun dunyoda anchagina shov-shuv koʻtargandi. Menimcha, bunda Oʻzbekistonda saqlanib qolgan bir necha manzillar – noyob me’morchilik obyektlarining chiroyi, bezaklari, muhiti ham katta rol oʻynaydi.

Line-up (ijroga chiqadiganlar roʻyxati) ham ancha boy va xilma-xil: Alibek Kabdurahmanov yetakchiligidagi simfonik orkestr, Ivan Dorn, Sabine Indust, Konsta, Doppi Twins, 373 Loud, Joseph Tumari, Setora va boshqalar.

Rolikka va festivalning vizual tomoniga toʻxtalsak, ijodiy jamoada men tanigan yaxshi insonlar, doʻstlarimiz – Farrux Sharif, Ivan Proskuryakov, Alisher Mamadaliyev, Sardor Nazirxon, Shirin Erxoʻjayevalar ishlashgan.

#MarketingvaPR #Sublimation

@mirzo_zominiy