الشاعر محمد الإبراهيمي

يالتسمع حثيث الروح تگول الفرگه ماتراد
يضامن دمعتي بنجواك يالمشذر حياتي أمراد
موبس الغزال وياك اجالك مستحي الصياد

رحمتك كوثر الجنه
يباب مطرز بحنه
والمازارك بعامه
تجيله البيته تتعنه

دخيل مروتك يبن الغطارس
يالحزنك صبغ لون النوارس
اريدن عمري لطميه ومجالس
_______________________
مولاي الطريج بعيد وآنه بشوگك اتلوه
وازفلك بنات العين وانذرلك جرح يسوه
يبو محمد اخذني وياك اريد بنارك اتجوه

دورني بطرف عينك
واخذ سنيني لسنينك
علمني انوح شلون
شلون نموت لحسينك

يصيوان السوالف والمحاجي
يل معلم اليتيم اعله البواجي
من تصيح سلبوها التراجي
________________________
ينيشان الجرح مولاي ياأصل السهر انته
يالمتعب النجم بالنوح نحيبك يطغي عالسكته
ياأول دمع مملوح صور والذكره سالبته

من ايصيح ياعمه
على طوله ويشگ وهدمه
ويدگ راسه ويدگ عينه
وأعله من الجرح همه

ويتنفس ركض من السبايه
هضيمه وي الضعن ماتمشي رايه
اسيره عمتي هاي النهايه
____________________________
يبو محمد اريد دموع محرم باجر يعاود
اريدن ابجي كون الروح أريدن ماأضل گاعد
من يبرد دمعها العين معناها العشگ بارد

چويني بجفن گلبي
وتيهني بجرح حبي
يبو محمد يمرسى البال
ضيعني بحزن دربي

اريدك كون تترسني مصايب
وأطشر روحي كون اعله المواكب
وردتّ غربه مثل ام الغرايب
_________________________
ضميري يلهج بطرواك ومن سنيني شاريني
خادم وابچي للمذبوح ومشاي امشي لحسيني
مخليني ألف مشكور يبو محمد بعد عيني

وابچيلك سهر حالي
يالمتيهني بعيالي
بس اندل طريق النوح
بعزائك أنته تبرالي

يل مخليني اون اعله العليله
وأزورن عمتك ذيچ العقيله
أموت بحبها لاهايه قليله
___________________________

عبد زينب
محمد الابراهيمي

وحگ عماتك الركضن
وحگ الـ عالهزل ونن
شوغات العمر ملن مولاي الرضا

جرح الفرگه مايلتم
المو بالنار مايهتم
الزيارةّ مشهد اتحلم مولاي الرضا


كل عام بضريحك چنه كل عام
بضيافةّ دمعتك ياسيدي ايام
تفك عيونه وتترسهن دموع
يالمهيج حزنه بحرگ الخيام

وين الدنيه ودتنه وعن معصومه بعدتنه

يمولاي الرضا
______________________
اليقره بدمعته ابابك
تكرمه الينعه لمصابك
الدعبل وآهب ثيابك مولاي الرضا

اتاني وهلبت بشاره
من المايسد داره
رزق من چفك زياره مولاي الرضا

يالتدري بمحرم جاي مولاي
ردت منك سوالف كلش هواي
اريدن هالسنه مو بس الدموع
اريد ابجي يضامن حتى عيناي

اريد دموعي مفضوحه والحسرات مذبوحه

يمولاي الرضا
______________________
شسوي الگلبي وفراگه
شوكت بالحضره نتلاگه
وأطير بگلبي واشواگه مولاي الرضا

يم باب الگضه ايامه
اعله عمته وروحه محتامه
(الجواد) اليدگ عالهامه مولاي الرضا


أَمَشي عليك نارك والبلفاد
ارزقنه حضرتك يبن الاسياد
وعليك المايرد خطاره محتاج
ابو گبةّ الذهب ومضويه بغداد

بسجل زوارك ادرجني يماي عيوني وحسبني
يمولاي الرضا
________________________
وغلات الزاجيه امك
هضيمه ايامي مويمك
هنياله الذي يشمك مولاي الرضا

هنياله الرفع راسه
وتشوف عيوني نبراسه
ويطشر يمك انفاسه مولاي الرضا

چنه بحضرتك كل زاويه نشوف
خيمه لو طفل لو دم الچفوف
لو حافر تعنه ورايد يدوس
بمعنى الكلمه چنه نشوف الطفوف

بشباچك هضم حيره رقيه تصيح وصغيره
يمولاي الرضا
_______________________
گلب مايعرف الراحه
گلب موتني بصياحه
عاش بجرحه ونياحه مولاي الرضا

اريد بحضرتك ليله
عليك بداعة الشيله
الگلب يصرخ شسويله مولاي الرضا

السنه جاوين اروحن كلي لاوين
روحي تفز بواچي وتهمل العين
وغلاةّ الكلشي غالي سيدي شلون
عگبك وين نمشي وعگب الحسين

مانندل محارينه الزمن صاير يفر بينه

يمولاي الرضا
____________________


عبد زينب
محمد الابراهيمي

شما يكبر حناني ينفضح نوحي...... حسينا
وعكس الناس اصيرن اعشگ جروحي ..حسينا

واحب دمعي اليأذيني
واگومن أكره سنيني
المشه ماگله تانيني
أضل مشغول بحسيني

ألم جروحي واسكت والحچي يفوت
أرد اخدم وراي متون تابوت
أريدن گلبي يذكر قصةّ الموت
من ينطبگ جفني وأسمع الصوت

اريد اخذ متاعي...اذا غرب شراعي... حسينا
أريد اخدم حبيبي..بعد ماريد جيبي.. حسينا
___________________________
گلبي يگود بيه وعالدرب مرني... حسينا
على درب المجالس سيدي يجرني.. حسينا

ويگعدني بدرب خالي
يجبرني أنعه يالغالي
وتضل تتبعثر احوالي
وأضل ماشوف الگبالي

صورةّ محنتك للدمعه تكوين
من الوحدك من مالك معين
وتدير العين وانصارك مطاعين
وحيلك من ضماك ايلين ويلين

سهم گلبك دخيلك... تشبگه من يجيلك.. حسينا
من سرجك تكور.... الجيش شماله كبر... حسينا
____________________________
خدمه وجذبه ماتّجَمَعّ بدمعه... حسينا
كون الينعه هيچ من الگلب ينعه.. حسينا

شعليه بهذا واسوه
والمايسوه واليسوه
وانه محبوبي يتلوه
ومن الگاع يتچوه

وانه محبوبي طايح والرمل حار
عياله تصيح بويه وهوه محتار
وصلت للعليل ملاهب النار
علينه الدار طاح وگوم يادار

خواته عليه لمه... عليل وماكو همه... حسينا
بنار الهم تچوه... يجرن بيه گوه.. حسينا
___________________________
سمعته بگلبي يتنهد جرح ضيمه... حسينا
يگول الطيحه سهله النار بالخيمه.. حسينا

سهله وسادتي ترابه
بس الصعبه يابابا
آ يحسين ومصابه
دمع العين عطابه

طحت وعيونك وصدرك يناطر
يعني متاني يحسين الحوافر
تشهگ والجرح متعدي باچر
شما داسن عليك انته تكابر

وتگللهن عوافي..أسحگن موش كافي.. حسينا
وتگلهن عاالصدر حيل... دوسن حيل ياخيل.. حسينا
____________________________
تتغزل حوافر ويه محبوبك... حسينا
مشغول ويه ربك ونسلب ثوبك... حسينا

چن تگله تامرني
بعد قطعني وحرگني
بحبك وين صيرني
وياي وماتفارگني

وحروفك محبه توزع حروف
وبتراب العشگ والدم يملفوف
لحد اخر وكت وانطيت الچفوف
والجمال كتله أسلب وعوف

يجمال اسلب وروح... بالك تسمع النوح... حسينا
بسرعه ودخذه هدمي... اجتني الكربله امي.. حسينا
____________________________



عبد زينب
محمد الابراهيمي

تنويه القصيده للشاعر الشاب
(محمد باقر الكعبي)





رافعلك أديه وگلبي لهفان
طلبت العون منك يا سلطان
ياضامن اجروح الخدمه والحب
اضملي خدمتي بشهر الاحزان

سيدّ نعمتي مالك خدمتي
كلشي بيدك يا انيس اجروحي

لعشك الهواشم خليني هايم
ما اسوه اعيش ابلايه دمعي ونوحي

كلشي ما اريد بحياتي
بس رضائك مو رضاتي ..... يا ساطان

من عطائك چويّ گلبي
كلشي اخذ مني ألا حبي .... ياسلطان

******

المدد مولاي منك حيلي مهدوم
البقه من عمري بي خليني مهضوم
حرامات وندم من كل وكت فات
اعله كل لحضه المضت مابيهه ملچوم

عمري خساره دون الزياره
الدنيه ما تنطاق دون حسيني

حزمهه العيون تنحب عله ام عون
ولّيَمّ جرحكم سيدي وديني

ابلا خدمتي انا ضايع
يامهيج كل مواجع ...... ياسلطان

منك اطلبهه البواچي
انت ياكل المحاچي ....... ياسلطان

******

اليطلب جرح منك كون يرعاه
الوجع لو يبرد الحب يبرد وياه
معروفه الجرح بالطيبه ملموم
ماريدن جروحي اطيب عل اه

لاتشفي علتي وجرحي وحسرتي
ماريد اطيبن وانسه حرگ اخيامك

نسيني اسمي وبس يبقه همي
وياك ادور بل الفله اعله ايتامك

وياك ادور عن رقيه
وبچي وي دمع الزجيه .... ياسلطان

عل الهزيله كل حرمكم
اهضمني مولاي لهضمكم ..... ياسلطان

*****
كلشي يهيم بيه من يمر طاريك
يندهني العشك لو سولفت بيك
دمعتك تجوي گلبك عل الخيم دوم
خليني اعله جرح الخيمه اواسيك

اعظم مصيبه زينب غريبه
الكلمه هايه الخذة حيل اضلوعك

مولاي اواسيك لجروحك البيك
حسين همك والدمع موضوعك

عثرة الهزله اعله دربك
كل دمع مايشفي گلبك .....ياسلطان

دوم سارح ويه بالك
كلشي ماضل اعله حالك...... ياسلطان

******
تكل لبن شبيب وتحچي الجروح
رادت تطلع من اعيونك الروح
كتله حسين مات وهوه عطشان
ومن نزلت دمعتك كتله مذبوح

كتله سليب وماكو مجيب
بهيمه طاح وصاح هل من ناصر

يبن شبيب نوح لغريب
فوك صدره الخيل يوم العاشر

ياكل ابروحك مصابك
كلشي يهد اله عذابك .... ياسلطان


بعينك الدنيه محرم
و نار تلهم بل المخيم ..... ياسلطان




الشاعر
محمد باقر الكعبي

ياعيني ابچي وبالدمعه زودي
فراگ المجالس نار الجحودي
اصل المنيه ماكو عزيه
بغيره صلاتي باطل سجودي

ماكو محرم لارايه
ماكو مواكب مشايه
ياربي خذني بهالساعه
هيمه الحياة أبلا قرايه

حتى بجرحي اموت ماريد الدِنيه
حتى بناري اصيح ياحسين المنيه
يمك ارد اروح ياحنين المدامع
بكبري وارد انوح وارد اصيح ياسبيه

فراگك ما اريد ..... ياحسين ياحسينا
_____________________
بريح وخفيفه اهتزت ضماير
اختلفت عقائد بهجر المنابر
الرادو زياره صارو حياره
ذنبه اليجيلك أكبر كباير

فتنه وهضيمه ازغيرونه
صار اليجيك يعيرونه
وين المواكب والخدمه
وزاد وطريق يحسبونه

وين الخدمه ذيچ والمواكب جبيره
وين الدمعه ذيچ ياسبيه الاميره
ابلا مجلس عزاء ياهضيمه التمرنه
وزينب بالحبال عالهزيله اسيره
________________________
فراگك خنوعي مملكتي دمعي
أحضر مجالس يادنيا اسمعي
خلوني انوحن انه الاموتن
خليني ابجي روح انته ادعي

أبعد طريقك لتمرني
وچفك امنعه يصافحني
انه علاجي من الطم
لطم المجالس طيبني

وينك ياحبيب هدموها المجالس
تتمنه وتريد ياحبيب بيها جالس
طبع الهم جروح مانهيد بجرحنه
وينك ياحبيب وينه جون وين عابس
_______________________
عشنه بتفاها وادم مخيفه
وين الطبيبه تنسه شريفه
ذيج العضيمه تنسه هضيمه
ام المواقف بعلتك حليفه

باب الحوائج والوالي
اكبر حرام يضل خالي
خلصت مصالحنه وعفنه
كلمن عزير وكل غالي

موت اعله الوداد لاتعوف الغرامي
ولاتجفي الامان والرئوف المحامي
الدمعه من تطيح للحسين هيه رحمه
واكصد كربلاء هناك صيح بالاسامي
_____________________
الخيمه التلمنه روح الفريضه
بكل دمعه حكمه وعنبر تفضيه
المجلس امانه وأصل السلامه
الگايل يمرض روحه مريضه

هاي المجالس مكفوله
بيها الزجيه گلوله
والمهدي يلطم ويانه
يعني برحمته مشموله

باقي بهل العزاء للمات وبجواره
ومابدل حسين والأ اروح للزياره
شباقي بهل الحياة ومانزور الكفلنه
هيه الدنيا وين واحنه وين من قراره
________________________


عبد زينب
محمد الابراهيمي

يامن خذتني محبتك والدربك هوايه احن
تجري الرياح بحضرتك وبهايه فرحانه السُفن
اجمل غرام بساحتك ومن طيبتك لاماأضن
واليكبر بفي دولتك. لمصيبتك اكثر يون

صرت نور البرايه والبريه
من أنعرضت بغيها الدِنِيه
وگلتلها وغربتك غاضريه
طليقت والدي متحل عليه

سَطَرتّ الملاحم
يشيخ ال آل هاشم
من خيام وعيال
الحد شمعات جاسم

هنيئاً لليزورونك .... حسينا

***********

يالواگف بفيك نهر ياسلسبيل الكل حبل
شمعه وضواك اعله الدهر وانته بهدوئك تشتعل
عين وطَمعّ بيها السهم لمن شفت نوگ الهزل
من أسمعت همس القهر من صفنتك ذكرى تهل

عشت فوگ الرمح جملةّ تعابير
المغرب تزدحم بيك التصاوير
تطلع من شجونك والجرح بير
اذا تنضر رقيه كلش أتحير

الهزل صعبه عليها
الحبل مو مال أديها
يالتتحسر جروح
أذا تسمع بچيها

هنيئاً لليزورونك .. حسينا

***************

من رحمتك تنزف عطف وشگد جمال برحمتك
بوصافك احتار الوصف اجمل غرام بخيمتك
يا أحله دمعه وتنذرف لمن تمرنه مصيبتك
أسمك حرف يعشك حرف وتجمعن في رايتك

مصابيحك يَضَونّ بالهدايه
وسفينةّ حبك تغص بالبرايه
روايه وگاعد بصدر الروايه
أحب زيارتك حب مو (هوايه)

أحبك مو طمع بيك
گلبي الميت عليك
وموبس انته يحسين
احب حتى اليحاچيك

هنيئا لليزورونك .. حسينا

**********

هجرك سوالف عابره هوه انته گلي تنهجر
بالگوه گلبي مصبره لزيارتك گوه انتضر
عمري المضى والحاضره ويامحله وياك العمر
عيني تضل مساهره. وأجّدامي أتحن للجمر

تمر بيه الليالي وما أعدهن
لان مو يمك مخربط عددهن
جروحي أتفتحن بالگوه أسدهن
أسليهن بدمعه وبيك ألمهن

مثلك يَحّصلّ منين
أنته وبس يالحسين
هضيمه نخلي وياك
واحد ياشذى العين

هنيئا لليزورونك .... حسينا

************
يامَبْسم الماله ثَغَر يمشبع الوادم أمل
من عندك البسمه وقهر ويترسني حبك بالغزل
ومن فرگتك ضگت الأمَرّ وشوگ الحضرتك وشتعل
مجبوره روحي من البحر شربت ومر بيهل الكسل

گبل للمهدي نشعل شمعةّ أدموع
هسه الحضرتك نشعل بالشموع
الدرب خنصر محنه ليش مگطوع
العاشگ حضرتك شنگله ممنوع

فراگ من الگلب فاض
اليحب مايعرف أمراض
ودوني للحسين
واروح الحضرته أركاض

هنيئا لليزورونك ... حسينا




عبد زينب
محمد الابراهيمي

عبدك ولكن مهتم بدَلالي
طايح واسئله وما يرد سؤالي
خاطر دمعتي انطبعت بحروفي
حتى بخيالي دمعتي تلالي

ضيعني بغرامك حتى أحسك
اريد ابذاتي أي يحسين اقدسك
يلامسني بأنامل كلهن جروحي
بيا صوره اريد شلون ألمسك

عشگ ... لمست هيامك صدگ
علمني كيف اختنگ
باصرني وانته الصدگ

ألم ... علمني ملگه السهم
شيمني يا بو الشيم
وأحسبني ويّ الخدم

خادم ألك سيدي
.................................................
دافع خيامك والثمن ولايه
الخاطر دمعتي عيلتك سبايه
حتى المأذن تشهد بعليآ
تسبي العقيله والضعن ضمايه

تعوف مخيمك بي نار تلهب
الخدر منهوب يالبيدك ترتب
وتخلي أم الخدر مچتوفه بحبال
على شوگ الهزل مسبيه زينب

سبي ... وضعن الهواشم أبي
الحادي يويلي اجنبي
ويمشن بناتك حبي

جرح ... راسك يلچمه الرمح
قصة غرامك ذبح
وماكو حميه تصح
...........................................
عشگ المواقف بالزمن عجيبه
عشگك يخلي عيلتك غريبه
وأنه شبديه بدمعتي اعتنيتك
شتساوي عثره لو جرح حبيبه

اجيت بمجلسك تحملني حيره
ابو طول السمه تلمك حصيره
جرحك من عَلَوآ اتعده السنين
بحيث اختك لحد هسه اسيره

أسر ... موت السبايه قصر
جرح العقيله ستر
يحدي الضعينه الشمر

أَسَفّ ... ركن المنيه ارتجف
لا رايه لا من سلف
ماي الضماير نشف
.........................................
بس انته جرحي وترهم الونيني
يا بو حنيني عشگي يا حنيني
بيدك شلتهن دمعتي وجمرتي
چويني بيهن سيدي حسيني

بعد يحسين چويني بخيامك
وأترس روحي شوغات بهيامك
منذور اعله حبك بالطفوله
أمي الرضعتني من غرامك

محب ... حبك أحس ينشرب
حبك هوى من يطب
سهل المراس وصعب

أشم ... اسمك اكتبه وأشم
يا جرحي صار الاسم
اسمك مخيم يلم
..................................................
يا كبريائك وأنته عالقناتي
چنك محمد يعلن الصلاتي
حتى الهوى ويمشط بلحيتك
وزينب تگلك يا أخي وأغاتي

صدلي بداعت العشره وخَويهَ
معقوله السمه تموت بمنيه
حاچيني اعله جرحك واليأذيك
تدري الخاطرك أنه سبيه

أخي ... حاچيني گمت انحنيّ
بدونك غريبةّ هليّ
بدونك دموعي جريّ

عطش ... انته النبع والعطش
حالي بعذابه اندهش
وين آنه گلبي ارتعش





عبد زينب
محمد الابراهيمي

العنده حسره تلگه أيوب بصفنته
العنده جمره سوده من تنزل دمعته

هذا آنه وهذا انته
المهدي چا شنهو جمرته
المهدي چا شنهو جمرته
**************
اليمشي وحده وكلها ضده
ينسه بالدنيا ابتسامه

اليبني خيمه بوسط هيمه
تلگه صاحبته حمامه

الدوم انكره الما اذكره
سامع بنص خده شامه

الريجه يابس بالمجالس
يوكف اباب اليتامه

الدمعه يرسم عيب تضحك من تشوفه
الشاف مسلم لا يصير أگباله كوفه

ناگه تطلع من حرگته
المهدي چا شنهو جمرته
المهدي چا شنهو جمرته
*****************
البيده دمعه وچنه شمعه
يحترگ ويضوي ديره

اليحچي غصه وبيده عصه
مشيب وروحه زغيره

العنده چلمه يصيح عمه
الهزله ماتعرف أميره

البي علامه بلا عمامه
تلگه دخان بضميره

العمره يمشي تصعد الرمشه الترايب
العنده كلشي شاب بس تشوفه شايب
دوم مخنوگ بعبرته
المهدي چا شنهو جمرته
******************
المحني ضهره شوف صدره
تلگه بي آثار حافر

الحافي جدمه لا تكلمه
عنده كل مصباح عاشر

الغطه راسه ميته ناسه
وكاتب اعله جروحه باچر

الچفه صمه گايد أمه
وتكسر بعينه النواضر

المچوي چفه يمكن مطفيله خيمه
الكله عفه ينتهي بطاري اليتيمه
ليل ونهار انته صمته
المهدي چا شنهو جمرته
****************
العوده يابس هذا فارس
اليجفل من تگله رايه

الوجه اصفر دوم يعثر
هذا عماته سبايه

الشفته ينحب عمته زينب
أگباله لاترسم عبايه

الكَبّره ناره هذا جاره
مايزوره إلا اعله غايه

الوحده گاعد حگه لو أشر بصبعه
الونه زايد شمر سالب منه سلعه
اليشم ترچيه بشهگته
المهدي چا شنهو جمرته
***************
العنده ورده شنهي عنده
ضلع مكسور بشليله

العمره رايح فكره سارح
يشبه وداع العليله

اليحچي ونه بي محنه
وتلگه سالفته العقيله

الروحه راحت صاح ماتت
طفله والمدمع يسيله

اليمشي حافي يكرهّ قصور الخلافه
الشمعه طافي تخلص أيامه حسافه
من اللطم زرگه وجنته
المهدي چا شنهو جمرته
المهدي چا شنهو جمرته




عبد زينب
محمد الإبراهيمي

ديار العز صفت وحشه وخليه
وأجي والدمعه تحرگ باب أديه
ما صارت ولا دارت يالحسين
ترجع كربله بحبل الرزيه

ترد هيمه .... ونار أتعاشر الخيمه
ترد هيمه .... ويتيمه تردم يتيمه

الشمر مو بالشكل بس بصفاته
وهذاك أبن النُمير من الشماته
العقيده انمردت وأحنه سباته
وگمنه نصدگ (بخولي) وصلاته

توَهمنه الشياطين
خطر بزيارةّ حسين

***

ديار العامره بدلال الاجواد
وأهل القربى صارو كلهم ابعاد
النجف مسدوده مابيها اليزورون
ولا يمه المرض دكتور بغداد

يبو الشيمه .... يموسى گلبك بضيمه
يبو الشيمه .... سواد الغربه بالغيمه

يبن جعفر دمعنه بلايه جدوه
عفناك بهجر والحب تلَوه
اذا رادو نموت الموته تسوه
لو ننطي الچفوف وهاي حلوه

توهمنه الشياطين
خطر بزيارة حسين

***

وسامره بعدهي أدير العيون
شبدر من عدنه شو ماكو اليزورون
ولا مجلس عزاء الأم الحسين
ضلمه والمدامع عمه يمّ عون

اعله ترنيمه ... اليحب شلون توهيمه
اعله ترنيمه ... الأمر جار بتعاليمه

الهادي بلا جرح بس دمه سايل
يعني يودي للشيعه الرسايل
أمس عدلنه حمله الگال مايل
نسانه ونارنه نار القبايل

توهمنه الشياطين
خطر بزيارة حسين

******

شجاها و كربله هم ردت النار
رد ذاك الزمن وعيون الاخبار
زوار الاجو چنهم يخافون
الدوانيقي رجع وچفوف زوار

مثل غيمه ... يمطر گلبي تنغيمه
مثل غيمه ... اليحبك صار تغشيمه

اليزورك ينحجر خوف وملامه
اليجيلك مايرد لهله بسلامه
شعجب ما تنگلب يوم القيامه
اليمرضنه منو (أنته) اليتامه

توهمنه الشياطين
خطر بزيارة حسين

*****
يالمبيوگ من ذولي التفاهات
ويم المنحر وكفرو بالايات
الحقيقه واضحه بس احنه عميان
ذنبنه الكبراهم عالمزارات

بتسليمه .... اليجي منعوت تذميمه
بتسليمه .... يطهررونك يبو الشيمه

يطهرون بضريحك شنهي هايه
غشمه الناس ذولي بلا درايه
مو (الله) بكتابه گال آيه
الرجس مايوصل وهمه الحمايه

توهمنه الشياطين
خطر بزيارة حسين




عبد زينب
محمد الابراهيمي

العشگ مرات لمن تهوى انسان
من دمعك تحني هواي حيطان
اذا مسك غرام الماشرب ماي
تذم الماي وانته تعيش عطشان

غديت من الهوى أتراب
مطرود وعله الباب
وأتاني چفوف الحسين
حنين ويرضا بالتاب

ماگلك اريد أدموع ومصيبة زينب بخلگي
مشيني مثل متريد وأحب أوصلك بعشگي

واويلاه .... حسينا

******

أريد أوصل بعشگي كون مشغول
عقلي وكل حواسي أصيح الخيول
وأفز من نومتي فزت مجانين
مذهول وأخلص النوم مذهول

أخلص النوم مخنوگ
الطيف براسي محروگ
حبل وزغيره والسوط
وهذا وعثرةّ النوگ

الهزله تفزز الميتين الخدر مايرهم بعثره
ارسم صورةّ المچتوف بهزله وبالك إيفسره

واويلاه .... حسينا

********

أدبّ بالك و مو تمشي وتروح
ولتزيد الذبح بالتوه مذبوح
سبيه وكافي وعوف التفاصيل
وشعندك دمع ضل للصبح نوح

نوح وبالعشگ ذوب
طبر .. شگگ الثوب
الدمعتك سلم الليل
حتى أتصير محبوب

سولف وي نحر بهداي فرآشه وعله الورده
هذا حسين ياهل الناس تشمه فاطمه بخده

واويلاه ..... حسينا

***********

تشمه الزهره بس تصيح ياخيل
بصدره الهيل ليش مطَشر الهيل
المثلك ينسلب والخنصر يروح
حرام أعله النهار الماصبح ليل

حرام أعله الهوى يصير
حرام الطير ويطير
وخد حسين بتراب
بكل الكون تقصير

والمثلث يشچ الروح اثنعش طگه يطگونه
المهر يتوسل ويبچي يگلهم لا تذبحونه

واويلاه ..... حسينا

**********

المهر هام أعله وجه وسرجه مگلوب
يازينب يصيح حسين منهوب
خذو ثوبه العليّ ياويلي عريان
ماعندچ (أميه) گلبه مشبوب

يزينب طاح مالوم
عليچ إيطيح ويگوم
من كل صفحه يرمون
بحر الگاع ملچوم

يابس دَمهَ بعروگه عطشان وغده يرافس
من گد العطش ويلاه دمه اعله النحر يابس

واويلاه .... حسينا




عبد زينب
محمد الابراهيمي

يربان المراكب والملاليح
جبل يل ماتهزك سيدي الريح
مدد للخدمه منك والعزائات
يل ويانه تلطم بأسمك نصيح

ابو صالح .....
يمالي الروح طرواك
عهد مولاي وياك
حرام الدنيا تنساك .... ابو صالح

ابو صالح ....
حرام المابچه عليك
وهضيمه المايواسيك
يمن بالروح طاريك .... ابو صالح

عهد يبقه العهد
ابو صالح مدد
يبونه الأولي
يحضار الشدد ..... ابو صالح

***

يريعان الموده ومنبع الشوگ
يا مهدي الأمم ياعالي ليفوگ
أشوفنك حنين بكل الاشكال
اليحبك يختنگ چه انته مخنوگ

ابو صالح .....
يحاضر بالعزائات
وتبث لحسين دمعات
يبو كل السموات .... ابو صالح

ابو صالح .....
يعنوان المقاييس
يا مولاي قديس
الينكرك عاون أبليس .... ابو صالح

الينكرك مادرى
سليل الحيدرى
وسليل الفاطمه
هذيچ أم القرى ...... ابو صالح

***

المثل هذا الامر بالكلفه موجود
ياحيد المواقف وأبن الحيوّد
قليله دموعنه ومامش عزائات
ومگطوع الدرب چن گطعت الجود

أبو صالح .....
تعال ألحگ ولونه
ومنكم غربونه
ضعنه وضيعونه .... ابو صالح

ابو صالح .....
تعال وكافي غربه
تعال الدنيا صعبه
اليحبك عينه تربه ..... ابو صالح

يمالك للگلب
أنگطع بينه الدرب
غرب يبن الحسن
وحگك بالغرب ..... ابو صالح

****

يانغمةّ محبه وكلمةّ الروح
خافن باچر يمنعونه النوح
خايف وبمحرم مانواسيك
ولا مجلس بعد للبعده مذبوح

ابو صالح .....
اذا مانلطم أنموت
وتصير الدنيا تابوت
يونس والجرح حوت .... ابو صالح

ابو صالح .....
أذا ماننحب هواي
ومواكب وآنه مشاي
يعني نموت بهداي ...... ابو صالح

نتاني فزعتك
وتعلگ رايتك
بعد كافي الصبر
عليك بعمتك ....... ابو صالح

******

يعنوان الرجوله بالمياديين
ماندري الزمن بذنوبه ليوين
خاف أنطيح من غربيلك شلون
شيفيد العذر يامهجةّ العين

ابو صالح .....
وجوب العاشگ يتوب
ويطهر من الذنوب
لان المهدي محبوب ..... ابو صالح

ابو صالح .....
احبك بالگلب كون
وأبذر ماي العيون
يالبالغربه مسجون ..... ابو صالح

يباچر والأمس
يلي بدمعي تحس
الوحيد بدنيتي
عشگ ماينهجس ...... ابو صالح





عبد زينب
محمد الابراهيمي