علاجي بمجلسك والجرعه دمعاتي
امــــوت بلا لطم وتكتلني حسراتي

دمعتك مو قصيده وخاطر احچيها
دمعــتك للعشــگ اتلــوه وابـچيــها
انســـاك وأرد كـــل مــره تعــــذرني
وتحــــبني احـــس روحي تــسليها

الخــــدمه للزلم هيه
الخدمه جروح ليليه
واليتــــعـثر بــــدربه
مــايـعرف المــسبيه

* **
افرشـلك دمـع يحـسين وبچـيلك
صلاتي بمجلسك تسبيح اصليلك

العشگ حساس لا موصدفه اودنك
مـــن عــالم الــذر و چنـت احبــنك
مـــن عـرضو عليه المجلس اهناكه
بتكــوين النــطف گتـلك اخــدمنك

حضـــرت بمجلسك آنه
طيــن و روحـي ولـهانه
من صلب الصلب ابچي
عليــك عيوني خلصانه

***
كبرت بدمعتي والحسره مسبيه
الحبل يلچمني والصفات ترچيه

اعيش بـخاطر الخرسان عالچمه
علــى هـزلةْ الحـره الزلـم مــلتمه
سترالله اعله ناگه مچتفه ايديها
يطــگون البنــات وصــرخن عمه

مــره مسـبيه شســـوي
الحبل متلفلف ومطوي
تشگف سوط عن ياهو
ضعن متـربط ومچوي

* ***
مشـــايه ومـــجالس ريتــي تتـــنفس
بس تخنگني روحي بخنصر ومحبس

محــــتار بمـــحبتك ويــــن اخليك
اريدن كون اشوفك حتى احاچيك
واطــــلعلك عـــذاب البـيه اراويـك
وانـــزفلك دمــع بس كون اداويـك

چلـمة حـــبك شويه
احسـك تـعرف البيه
اسولف ويه دمعاتي
واخلص الليل تعزيه

* **
روحي الشوفتك يحسين محتاره
انــــت الوقعـــت امشـــيلك زياره

ويـــه الزوار روحي سيــــدي تمنت
يعــين الله العليله شلون من ضلت
اضلن يعني اموت ومالي كل چاره
اجـدي اباب عطفك سيدي وهلبت

يظـل محتارلك عمري
يــــا مـــولاي يالتـدري
تدري برمشت عيـوني
وشنهي اليفتر بصدري






عبد زينب
محمد الابراهيمي