"ဒီပဲယင်းမြို့နယ်တွင် နေအိမ်အတွင်းရှိ မိသားစုဝင် ၅ ဦးအား သတ်ဖြတ်ကာ ပစ္စည်းများကို ယူဆောင်သွား"

နိုဝင်ဘာ ၂၄၊ ၂၀၂၁ (TRN)

စစ်ကိုင်းတိုင်းဒေသကြီး၊ ဒီပဲယင်းမြို့နယ်၊ သာယာအေးရွာတွင် နေအိမ်အတွင်းရှိ ကိုယ်ဝန်ဆောင် မိခင်တစ်ဦးအပါအဝင် မိသားစုဝင် ၅ ဦးကို သတ်ဖြတ်ကာ နေအိမ်အတွင်းရှိ တန်ဖိုးရှိရွှေထည်ပစ္စည်းများနှင့် ငွေတချို့ကို ယူဆောင်သွားမှုဖြစ်ခဲ့ကြောင်းဒေသခံများထံမှ သိရသည်။

အဆိုပါဖြစ်စဥ်မှာ နိုဝင်ဘာ ၂၃ ရက်နေ့ နံနက် ၃ နာရီခန့်က ဖြစ်ပေါ်ခဲ့ခြင်းပြီး နေအိမ်အတွင်း မိသားစု အရိပ်အရောင်မတွေ့ရှိရသည့်အတွက် အိမ်နီးချင်းများက နေအိမ်အတွင်းဝင်ရောက်ရှာဖွေရာ မိသားစုဝင်များကို ဓားဒဏ်ရာ ၊ သေနတ်ဒဏ်ရာများဖြင့် သေဆုံးနေသည်ကို တွေ့ရှိခဲ့ရကြောင်း သိရသည်။

သေဆုံးသူများသည် အေးသာယာရွာ၌ ပိုက်ဆံရှိအသိုင်းအဝိုင်းဖြစ်ကြောင်း၊ အသတ်ခံရသည့် အကြောင်းအရင်းကို မသိရှိရသေးကြောင်း သေဆုံးသူ ကိုယ်ဝန်ဆောင်အမျိုးသမီးသည် ကိုယ်ဝန် ၉ လ ခန့်ရှိကြောင်း ဒေသခံတစ်ဦး ၏ ပြောဆိုချက်အရသိရသည်။

အထက်ပါ သေဆုံးသူများ၏ ရုပ်အလောင်းများကို စစ်ဆေးမှုများပြုလုပ်ကာ ၂၃ ရက်နေ့ တွင် သဂြိုလ်မှုပြုလုပ်ပေးခဲ့ကြောင်းလည်း သိရသည်။

The River News TRN

Telegram: https://t.me/therivernewstrn