Zoyir Hafiz | Blogi

Ота-она муваффақият калити!

Юқоридаги подкастни Жаҳонгир Ортиқхўжаевнинг бир гапи менга жуда ёққани учун улашдим. “Отамнинг бир марта менга “Раҳмат” дейиши мен учун ҳар қандай пул-бойликдан афзал эди”, деган гапи! У кишининг оталари оддий одамларни иш билан таъминлаётган ўғлидан миннатдор бўлиб раҳмат айтарканлар. Ўғил эса отасининг хурсандлигидан ғайратланиб, катта-катта лойиҳаларга қўл ураркан. Ажойиб!

Биздаги аксарият муваффақиятли шахсларнинг ютуғи ота-онаси туфайли бўлган, деб ўйлайман. Тажрибамда кўп кузатганман (балки, алоҳида мисоллар билан ёзарман ҳали). Албатта, ҳамма ҳам отам, онам дейди, аммо бундай кишиларда ота-она эътиборнинг марказида туради. Ташвилари кўп бўлса ҳам, ота-оналарига доимо бир хил, энг гўзал шаклда ғамхўрлик қиладилар. Ҳатто, қийинчилик пайти ота-онага яхшилик қилишни зиёда қиладилар.

Ва яна тажрибамда кўрган нарсам - оилавий ва касбий ҳаётида иши юришмаётган одамларнинг кўпида ота-онасига бўлган муомаласи яхшимас. Улардан норози, улардан хафа ёки уларни тушунишни истамайди. Қанчадан қанчаси “бошқаларнинг ота-онасига ўхшаб бизга яхши шарт-шароит қилиб бермаган” деб нолиб юради. Баъзи бир ярамаслари ота-онасини ҳатто жеркиб ташлайди. Аллоҳ паноҳ берсин шундай ноқобил фарзандлардан!

Фарзанд ота-онасига нафақат пули, хизмати, эътибори билан ғамхўрлик қилиши, балки ҳар бир ҳаракати уларнинг дилини оғритиб қўйиш-қўймаслигини ўйлаб, оқилоно иш тутиши керак. Мана шу босқичлардан ўта олган фарзандга муваффақият калити берилади, иншаАллоҳ!

@alijon_ravshanov

Бировнинг айбини пойламайди, балки билса яширади. Ўзига маълум ишларда бировни айбламайди. Чунки ўзи ҳам шунга ўхшаш ҳолат билан синалиши мумкин*.

Биродарининг хатосига етмишта узр излайди. Агар узр топа олмаса, (топа олмагани учун) ўзини кўрликда айблайди ва унинг ишини эса тўғри томонга буради. Биздан олдинги солиҳларнинг одоби шундай эди.

"Ширъатул ислом ила дорис-салом" китоби, 273-бет.
====

* Воил ибн Асқаъдан ривоят қилинган ҳадисда: "Биродаринг бошига келган мусибатга севинма! Зеро Аллоҳ унга раҳм қилиб, сени балога учратиши мумкин", дейилади. Термизий марфуъ ривоят қилиб, ҳасан ғариб ҳадис деганлар.

@MubashshirAhmad

Loyihamiz o’z faoliyatini boshladi.

Assalomu aleykum barchaga.

“Ravnaq | Kasb va Xodim”loyihamizni boshladik, shu munosabat bilan ilk 200 ta mijozimiz uchun kanalimizga bepul e’lon joylash imkoniyatini taqdim etamiz.

Ushbu shablon orqali esa, siz kompaniyangiz uchun xodim topish maqsadida o’z e’loningizni bepul kanalimizga joylashingiz mumkin.

❗️Ha aytgancha, loyihamiz rivoji va ko’pchilikka manfaati tegishi uchun imkon qadar o’z kompaniyasiga xodim va ish qidirib yurgan barcha tanish va yaqinlaringizga kanalimizdagi postlarni ulashib, o’z hissangizni qo’shing!

Bepul e’lon joylash uchun: @zoyirhafiz

@ravnaqkasbvaxodim - qadriyatli xodim va kompaniyalarni jamlagan milliy loyiha.

Qasos haqida

-Qo’pol gapirdi. Gaplashib olishga bordik. Ko’pchilik bo’lib bizni do’pposlashdi. Endi nima qilaylik? Biz ham uraylikmi?

Shogirdlar maslahat so’rashdi. Javobini hamma bilishi kerak deb o’yladim.

Eng kuchlilar ham bir vaqtda 7ta odamga qarshi chiqolgan xolos. (Jack Dempsey). Kuchning chegarasi shu. Kuchi bilan tanilganlar pichoqlanish ehtimoli katta bo’ladi. Buni rahmatli sportchilarning oilalari tasdiqlaydi.

Aql va axloq bilan minglab odamga qarshi chiqish, ergashtirish mumkin. Bunga olimlar-u, bloggerlar yaqqol misol bo’ladi.

Qasos olmoqchi bo’lsangiz - zolimga o’xshamaslikka harakat qiling. Eng yaxshi qasos shu bo’ladi.

Qasos olmoqchi bo’lsangiz - yaxshi yashang. E’tibordagi odam bo’ling. Bitta shapaloq o’tadi, ketadi, bu qasos esa doimiy shapaloq bo’ladi.

Qasos olmoqchi bo’lsangiz - uni kechirib yuboring. O’zini yutgan hisoblayversin. Yutqazganini yillar o’tib tushunib yetadi.

Tushunganida - kech bo’ladi.

Ҳар бир мусулмон қуйидагиларни билиши керак:

1) Либерализм
2) Исломнинг фикрий/интеллектуал тарихи
3) Замонавий/модерн давлат тушунчаси
4) Секуляризм
5) Феминизм

Агар сиз бу ҳақда ҳеч нарса билмасангиз, на ўзингизни, на оилангизни ва фарзандларингизни модернизация ҳужумидан ҳимоя қила олмайсиз.

Манба

@MubashshirAhmad

Нега шуни биз жамият ўлароқ ўзгартира олмаймиз? Келинглар, бугундан бошлаб ўзимизни ВАТАНДОШ дейлик!

Salim Ayyubiy ёзяитилар.

Буни олдин ҳам ёзгандим, кейин яна ёздим, бугун яна ёзаман, то тирик эканмиз, миллатимиз шаъни учун қўлимиздан келганича ҳаракат қиламиз...

*

Россияда гражданин ибораси рус тилидаги "горожан", "житель города" сўзларидан олинган.

Туркларда "Vatandaş", озарбайжонда "Vətəndaş" арабларда مواطن(ватан сўзидан олинган бўлиб, турклардаги "ватандош"га жуда яқин маънони англатади) дейилади. Ён қўшнимиз Қозоғистонда "Азамат", шунинг учун ҳам ахолиси азамат бўлиб юрибди. Бизда, Ўзбекистонда "Фуқаро" деб номланади ва табиийки, маъноси ҳаммага маълум, фақирлик тушунилади.

Энди ён қўшниларимизда фуқаролик қандай номланади, шуни кўриб чиқсак:

1. Қирғизистон - Киргизистан жараны.

2. Туркманистон – Türkmenistanyň raýaty(раъият сўзидан олинган.

3. Тожикистон – Шаҳрванди Ҷумҳурии Тоҷикистон(шаҳар сўзидан олинган).

4. Қозоғистон – Қазақстан Республикасының азаматы(азамат таржимага муҳтож эмас).

Ҳар бир мамлакатда бу атамалар расмий ҳуқуқий ҳужжатларда ана шу тарзда қўлланилади.

Энди, интернет маълумотлари асосида баъзи давлатларни ҳам кўриб чиқдим, ишқилиб, адашмаган бўлай.

Хитой- гунмин(жамият кишиси, қонун ҳимоясидаги одам маъноларида).

Ҳиндистон- citizen of India, नागरिक( шаҳарлик), குடிமகன்( давлатга тегишли одам) маъноларида.

Афғонистон - шаҳриванд(шаҳарлик).

Булар ўзим гувоҳ бўлмаган, ижтимоий тармоқлардан олинган маълумот эди.

Хуллас, бирортасида камбағал ва ялангоёқликни эслатмайди. Бизда эса...

НИЯТГА ЯРАША ҲАЁТ...

@MubashshirAhmad

ҲАМАС тенг бўлмаган урушга кирди, деганларга, Аллоҳ таолонинг мана бу амрини ҳавола қиламиз:"(Эй мўминлар), улар учун имконингиз борича куч-қувват тайёрлаб қўйинг!". ("Анфол" сураси, 60-оят).

"Имконингиз борича" деган, "уларники билан тенг" ёки "уларга бас келадиган" демаган. Қолаверса улар душмандан кучли қуролга эгалар. У - иймон бўлади.

@MubashshirAhmad

Биз ухлаган бўлсак ҳам, Темур ва Боязидни уруштирганлар ҳануз уйғоқ.

@MubashshirAhmad

Жумада имом: "Қимматчилик ва тақчилликнинг сабаби фақат гуноҳлардир", деди.

Бу киши қимматчилик сабаблари қуйидагиларда эканини кўрмади:

- Ишлаб чиқаришнинг кучсизлиги.

- Фикрлаш ва қарор беришдаги яккаҳокимлик.

- Айбсизларнинг мол-мулкини тортиб олиш.

- Ер ости ва усти бойликларини талон-тарож қилиш.

- Дунёда мисли йўқ равишдаги молиявий қаллобликлар.

- Ақл ва тафаккур эгаларининг чет элга чиқиб кетиши.

Буларнинг ҳаммасини у имом кўрмади.
Муаммоларни тўлалигича гуноҳларга тўнкаб қўя қолди. Билмадим, мен зикр қилганларим гуноҳ ва маъсият бўлмаса, нималар гуноҳ ҳисобланаркин?!

Доктор Муҳаммад Сайёд, Ал-Азҳар университети мударриси

📷Instagram 💬Telegram 🌐Facebook 🎞YouTube