وفي اثناء مانحن قاعدين معاهو قال لينا بالحرف الواحد "يا اخوانا الحكوما دي لو ماسقت الليله انا بكره حيعدمونا بالرصاص" والله بكينا بدموعنا .. ‏وقولنا ليهو والله مانخليك براك ولو فيهو موت حنموت معاك وبتنا معاهو والله للصباح .. الصباح كبس وصلينا الصبح حاضر وقلنا يلا الناس تصحصح وتشوف ثورتا وين .. واملنا في انو الناس حتجي راجعه لينا بدري وحنسقط النظام لمن فكرنا نعمل حفله في شارع القياده لما تسقط .. ‏ومع نسمات الصباح الجامع قال الله اكبر الله اكبر لا اله الا الله ، الله اكبر ولله الحمد ، ياخ نحن خشت فينا فرحا عجيبه . وجاءه الناس صحت وموكب كبير جاء علينا من جهه النفق بتاع جامعه الخرطوم واطمنه .. ‏مع الموكب الجيش بقي يسحب قواته وبحاولو يصلو لي حامد ويعتقلو بي اي طريقه ، وحاولو كم مره ضابط يجي يرفعو لكن نحن دقينا اي زول بقرب من حامد ،، لما البمبان بقي كتيرررررر لللدين يعني كل ثانيه بفكو بمبانين .. ‏الناس بقت في حاله هلع واتشتتت بطريقه مريعا والجياشه الكانر مع حامد انسحبو الثوار ملو التاشر وختو حامد في النص وحموهو بي اراحم وبقولو "حامد رئيسنا" وبالجد لو كان اتقلبت انا كنت برشحو اول زول بالموقف الرجولي العملو معانا .. ‏البمبان كتر والقنابل الصوتيه كترت والشرطه اقتحمت الاعتصام الدبابات او المصفحات حاولو يعتقلو حامد الثوار في لحظه بطوليه وقفو قدام الدبابات لما رجعو والبمبان زاد وزاد وزاد والناس اتشتت الكلامه دا حوالي الساعه سته ونص سبعه الا من صباح اليوم ٧ ابريل .. ‏حامد قال لسواق التاتشر ارتكز ودقا في الشرطه دي دوشكا ياخ لو في زول صور اللحظه دي ينشره هنا ، حامد كان عامل ذي سوبرمان مع علم السودان الربطو ليهو في ضهرو والهواء مطير العلم وماسك الدوشكا ونحن وراهو ياخ اجمل لحظات في الحياه اقسم بالله .. ‏الشرطه كترت والجيش فتح ليها المتاريس من كل الجهات وجا اقتحمونا بالمبان والناس اتشتت انا اتذنقته في حته كدا في مبني البنت انهارت عديل من البمبان ، اطريت اركبا انا ومعاي واحد ناحاول نوصلا بعيد من حمام البمبان الحاصل دا وماقدرت ارجع الا هسه وانا بكتب الثريد دا.

‏ضابط نقيب جيش: حامد عثمان حامد او ممكن اسميهو رئيس موكب ٦ابريل وبعد تسقط لازم نعمل ليهو تمثال قدام قياده الاركان بالموقف البطولي العمل دا.
‏معلومه مهمه لو ماوقفت حامد قدام الدعم السريع ورفضو للتعليمات العقيمه كان انا مته وميه او متين معاي ماتو غير الاربعه شهداء ربنا يتقبلهم من الشهداء ان شاء الله.
‏نسيت اذكر ليكم انو نحنا الصباح ذي الساعه ٥ص ٧ابريل حاولنا نقنع حامد انو نحن نلبسو مليكي ونطلهو من الحته الواقف فيها عشان مايحصل لي حاجه ، رفض وقال : "ابوي لو جاي وقال لي انزل من التاتشر ماحنزل" ياخ والله العظيم بطل ياحامد !

منقول من @ezofox