محاورة الحسين والعباس عليهم السلام


ياجربة يالله امشي وياي ،،،، بس اعلة هونج بهداي
أبلا خوّة ارد للخيام ،،، شحجي اوية زينب ضرغام
وضهري وگع يم عالماي ،،،
،،،،،،،،،،،،،،،،،
بالله تجّيلي يجربة بعيني ماشوف الدرب
خطوة خطوة وياي امشي نبض ماضل بلگلب
گلبي عالشاطي تركتة وانوخذ مني غصب
ايدي ماتت ويّ عضيدي كُفي دمعي من يصب

شوفي انعمة بسهم العين ،،،، يكسر الخاطر الحسين
بأنفاسي حسيت اسهام،،شحجي اوية زينب ضرغام
وضهري وگع يم الماي ،،،
،،،،،،،،،،،،،،،،
والله حيرة يازماني مدري امشي مدري اضل
لوبقيت اوياك اموتن لورحت حسرة انكتل
اني جني جنازة واگف وياهو اليصدك عدل
يبن ابوي الهوة بعدك فآهي ابد ماينحمل

للخيمة أجي أفرّع الرآس،،، وبجفي جود العبااااس
ضهدتني خوية الايام،،،شحجي اوية زينب ضرغام
وضهري وگع يم الماي ،،،
،،،،،،،،،،،،،،،
امشي واوگف ساعة أكعد گلبي يعصرني عليك
ياابو فاضل راح حيلي ساعة الطاحن اديك
يالكشفت الكرب عني آني عايش كلي بيك
اني كل ضني اودعك امشي ويردني حجيك

ما رافع بوجهي الصوت ،،،، ولا گتلي خوية للموت
تخجل اگبالي انت تنام ،،شحجي اوية زينب ضرغام
وضهري وگع يم الماي ،،،
،،،،،،،،،،،،،،
من وصلتك خوية راسك عني ليش اديرة
مستحي من سهم عينك يالصباحك غيرة
كلشي هيّن يابو فاضل بس وداعك حيرة
أمنيلّي عباس مثلك بيك فاگد ديرة

قائد حياتي الوفآي ،،،،،،،،،،،، مابدلك ابكل الماي
يالضحكتك تسوّة الشام،،شحجي اوية زينب ضرغام
وضهري وگع يم الماي ،،،
،،،،،،،،،،،،،،،،
راح اروح ادعيلي خوية زينب أتآنيني
او كون ماتعرفني هيّة لمّن اتلاگيني
شحجي لو نشدتني يطفح بالدليل اونيني
رآح أأشرلها أعلة عيني وهية تعرف عيني

اغيابك ترس گلبي هموم،،،اوداعك بوجهي مرسوم
ويبيّن بگلبي أشضآم،،،، شحجي اوية زينب ضرغام
وضهري وگع يم الماي ،،،


الشاعر عباس الكرغولي.
@ALkarakoly