#ابوذيه
زغار احنه بمجالسكم.•.•.وعينه
الفرات انصير لشفافك.•.•.وعينه
اذا العباس ضحاله.•.•.بعينه

نقدم ارواحنه لبن الزجيه
▣========▣◈▣========▣
▣========▣◈▣========▣
#قصيده_للخدام


اجينالك خدم يحسين
بچينالك نوفي الدين
مواكب تلطم بزنجيل
عشاگ ونهل العين
✿────↻✿...✿↺────✿
✿────↻✿...✿↺────✿
مجانينك مثل عابس
جنون الحب يزكيني
قضيتي الدمعه والذله
وبعدها بگلبي تچويني
تيهت الدرب مرااات
بس حبك يدليني
نويت اعله الخدامه وياك
محبوووبك تسميني

*هويتي بالخدم انته*
عوابس احنه وبجنته*
*محرم من يهل سنته*
*الك تقره منابرنه.•.•.وصدى صوتي عله الصوبين
✿────↻✿...✿↺────✿
يبو السجاد الك نخدم
بهل خدمه عله صيتي
صرت خادم يصيحولي
ولازم اعدل بنيتي
بمجالسكم ربينه سنين
وهي اصل تربيتي
تگلي امي وسام انته
شرف وبصدري خليتي

*ليغرك ذهب لا.مال*
*اصعد منبرك بالحال*
*واعدل هالحجي لومال*
بالمجلس وعد صحنا.•.•.خدام ونظل اسنين

✿────↻✿...✿↺────✿
يهل هلالك محرم
تهل لوجعه والينه
بمواكبنا عَلت رايات
شرف يالوالي خلينه
منغير شعار الدين
لمهدي شاهد اعلينه
خدم كلنه قرينه بصوت
هيهات السبي وينه
*نرفض كل سبي ينگال*
*بالطف لويغير الحال*
*خدرهن ماتمسه انذال*
مهيوب ويظل عالي.•.•.على مر الوكت والبين
✿────↻✿...✿↺────✿

فگدناها لخدم يحسين
كل عام ليخدمونك
صفوا تحت التراب ليوم
المنبر يبچي وعيونك
عليهم كل دمع يجري
خدااام ويذكرونك
يقرون بحزن زينب
تشوفه صَبح مجنونك

*هناكه بالحشر يلگاك*
*تضمه بحرگه ياملگاك*
*يحسين وصدگ شفناك*
ابونه ونعم تربيتك.•.•.قسمنالك قسم صفين
✿────↻✿...✿↺────✿
نوقعلك عهد بالدم
باخلاص وفرد نيه
خدام ونظل للموت
متغيرنه رجعيه
نذل كلمن وگف ضدك
وشعائرنا الحسينيه
قسم بالجربه والعباس
وعيونج يبدويه
*شايل بيدي زنجيلي*
*ادگ اعله الظهر ويلي*
*دموعي حزن تحجيلي*
تربينه بمجالسكم.•.•.ندگ الصدر والجفين

#لااجيز_حذف_اسم_الشاعر
✍باقر جبار الشويلي