عبدالقدوس منقاد :

څومره چې د رب راضي کولو څخه لرې يو
هومره به د ښې ورځې ليدلو څخه لرې يو

مونږ چې بدرګه نکړو په يو غږ ټول د حق شعار
خود به د باطل له ماتولو څخه لرې يو

غواړي دښمنان چې پرې کړي زمونږه د وحدت رسۍ
يو به يو ، بيا هم به يوکېدلو څخه لرې يو

اې د نړۍ ستر شيطانه ژامې به درماتې کړو
خير که نن د لاس در رسولو څخه لرې يو

ټول راځئ چې وکړو د اشغال خلاف ملي پاڅون
بيا ګورئ چې څنګه دې ناولو څخه لرې يو

مونږ که جنګ ګټو ، وي به د دين او عقيدې اثر
نور خو وينې څومره وسائلو څخه لرې يو

خدای به کړي رالنډ راته منقاده دغه اوږد مزل
خير که اوس منزل ته رسېدلو څخه لرې يو

پای.
۱۴۴۱هـ ق
۱۳۹۸هـ ش
۲۰۱۹م