جديد لشهر محرم الحرام ١٤٤١

#القاسم
آهات رمله

يمه جاسم... طالع للحرب يا هيبة ابوك
يمه جاسم.... من خزرة عيونك يمه هابوك
يمه جاسم... جن ثار عدهم يلولد يطلبوك
يمه جاسم... هذا اليوم دمك لعمك انطيه
يمه جاسم....بشمعة اسنينك يايمه افديه
يمه جاسم... اشوفنك امخضب شنو الارتجيه
يمه جاسم... لا تظن سهله وبيدي اوديك
يمه جاسم... ازفك للحرب واشوفنهم مخضبيك
يمه جاسم... يالجنت للشيب يا يمه ارتجيك
يمه جاسم... حيرني الدهر يا يمه بتصاريفه
يمه جاسم... يالجنت انتظر عرسك وافتح امضيفه
يمه جاسم... انقطع شريان گلبي واخذ حيفه

جواب القاسم لأمه رمله

يالحنينه... عرسي اليوم يا يمه ايسي منه
يالحنينه... زفتي اهناك يم الزهره بالجنه
يالحنينه... اروحلها اليوم وبالدمه محنه
يالحنينه... بالحومه يمه جثتي لو تشوفين
يالحنينه.... ومن على الناگه دمعج اتهلين
يالحنينه... مري سكته يا يمه ولا تونين

تمت بعون الله تعالى
خادمة الزهراء /ليلى زغيب


الشاعره ليلى زغيب
اين الطالب بذحول الانبياء وابناء الانبياء
https://t.me/Doumooalanin