لسان الحال العظيمه زينب ع #ليلة_العاشر




الليله اخر ليله روحه مسافره
كل فرس باجر يشيخ بحافره

كلبي مشلوع ... من الظلوع

كل فرس باجر يشيخ بحافره

****

الليله روحي من الهظم متروسه
وبيه جم شهكت نفس محبوسه
وجم كمر عينه بسهم مغروسه
وكل درب باجر يضم فانوسه

مدري ليش ... كلبي لازم روحه
مدري ليش ... الغرب تحجي جروحه

دمعتي تبات ... وي المعانات
وابو فاظل من يصيح العاذره
كل فرس باجر يشيخ بحافره

****

بالخيم صحت ابو فاضل طالبه
وكتله كون الزلم ترجع خايبه
اهتزت الخيمه اعله رفت شاربه
وغيره كام تفوح كسرة حاجبه

صحته عباس ... كال بعد عيوني
صحته عباس ... فدوه لتعوفوني

ما اعرف شلون ... لمن يرحلون

باجر تصير العمر ما صايره
كل فرس باجر يشيخ بحافره

****

عيني رفت من تصب تدريني
وكلبي معصور على رفت عيني
ويني وي طاري الهجر جا ويني
خيمتي تنوخ اعله فركه حسيني

خلكي بايد ... لمن حس فركتهم
خلكي بايد ... لو تشح خوتهم

تسمع الناس كلشي باحساس

لمن زينبكم تظل بس حايره
كل فرس باجر يصير بحافره

********

يروح كلشي وتبقى بس جلماته
المو ادلاله يشيخن ابملاته
تنضرب كلفه وعلي ابنياته
كثره الاسياط بكثر بوساته

صدره ينداف ... مثل دوف الحنه
صدره ينداف ... شلون عطر الجنه

بعده بالسوك ... تنولي النوك

ماكو واحد يفزع النه لخاطره
كل فرس باجر يشيخ بحافره

*********

باقي ساعات وتصير النايحه
وانه والسجاد ننصب فاتحه
والعيون تظل عليهم شابحه
والهزل للغرب كرهاً رايحه

هيه بس هاي ... خلصت كل المحاجي
هيه بس هاي ... كاسره الحيل التراجي

هاي ما مرجيه .. تنطك العلويه

من عرفت الزلم كلها مسافره
كل فرس باجر يشيخ بحافره

********

سيد احمد الميالي

https://t.me/ahmed_sa6