#جديد_السيدة_زينب_ع
كان ياما زال بالطف مره
مسبيه ونسميها المعتبره
زينب.. وحك ضيعت محبسك
زينب.. بلياها وحشه مجلسك
مسبيه ونسميها المعتبره
************
كلش جبيره.. هاي الاميره.. تمشي اسيره وي الاجناب
زينب عظيمه.. وكلش كريمه.. بس ياحريمه ما عدها احباب
زينب الما واحد بعمره سمعها
حسين اسمع شنهو المغير وضعها
راسك الفوك الرمح كلش فجعها
والصعب يم الغرب طايح دمعها
زينب.. بيها الدمع ماخذ عمر
زينب.. جم دوب تبقى تنتظر
محتركه مثل الحرمل بمبخره
مسبيه ونسميها المعتبره
***************
ليليه يمها.. عيالك تلمها.. تثوبون لامها دمعات الخدر
بس المسيه.. زينب سبيه ... وبنتك رقيه كامت تنسطر
زينبك كامت تشكاف عن رقيه
والاسياط اتوكحت يبن الزجيه
حجايه سامع بس تمنيت المنيه
شلون زينب تختنك بالمغربيه
زينب... احجاية الله الدافيه
زينب... وسفه بخرايب غافيه
رغم كل عيلتها المطشره
مسبيه ونسميها المعتبره
*****************
دمعات بخلك... خضرها العشك... تارسها الصدك منك يمذبوح
والواهس دمع... بس ما ينسمع... كلشي ينفجع من كثر الجروح
انت يا اول جرح خضر جوامع
ما شهدت بحال زينب لجن سامع
تدري ضلت بالغرب تجري المدامع
من بقيت اعله الرمل وبتسع اصابع
زينب... وحك ايام ايام
زينب... حريمه تروح للشام
رغم كل الصار وي بت حيدره
مسبيه ونسميها المعتبره
************
الليل ونياحه... يفرع صباحه... ماكو استراحه من الدموع
وحشه بدربها... ولمن ضربها... كلش كلبها بهاي مشلوع
زينب الله يعينها ابهاي البواجي
هيه وين وتفزع عليها المحاجي
الظعن مايل دمع والرمح تاجي
ابوكعتك خضرن سوط التراجي
زينب... نحيله وراكبه النوك
زينب... تطب شلون بالسوك
طبت السوك وتظل مخدره
مسبيه ونسميها المعتبره
**************
سيد احمد الميالي
كان ياما زال بالطف مره
مسبيه ونسميها المعتبره
زينب.. وحك ضيعت محبسك
زينب.. بلياها وحشه مجلسك
مسبيه ونسميها المعتبره
************
كلش جبيره.. هاي الاميره.. تمشي اسيره وي الاجناب
زينب عظيمه.. وكلش كريمه.. بس ياحريمه ما عدها احباب
زينب الما واحد بعمره سمعها
حسين اسمع شنهو المغير وضعها
راسك الفوك الرمح كلش فجعها
والصعب يم الغرب طايح دمعها
زينب.. بيها الدمع ماخذ عمر
زينب.. جم دوب تبقى تنتظر
محتركه مثل الحرمل بمبخره
مسبيه ونسميها المعتبره
***************
ليليه يمها.. عيالك تلمها.. تثوبون لامها دمعات الخدر
بس المسيه.. زينب سبيه ... وبنتك رقيه كامت تنسطر
زينبك كامت تشكاف عن رقيه
والاسياط اتوكحت يبن الزجيه
حجايه سامع بس تمنيت المنيه
شلون زينب تختنك بالمغربيه
زينب... احجاية الله الدافيه
زينب... وسفه بخرايب غافيه
رغم كل عيلتها المطشره
مسبيه ونسميها المعتبره
*****************
دمعات بخلك... خضرها العشك... تارسها الصدك منك يمذبوح
والواهس دمع... بس ما ينسمع... كلشي ينفجع من كثر الجروح
انت يا اول جرح خضر جوامع
ما شهدت بحال زينب لجن سامع
تدري ضلت بالغرب تجري المدامع
من بقيت اعله الرمل وبتسع اصابع
زينب... وحك ايام ايام
زينب... حريمه تروح للشام
رغم كل الصار وي بت حيدره
مسبيه ونسميها المعتبره
************
الليل ونياحه... يفرع صباحه... ماكو استراحه من الدموع
وحشه بدربها... ولمن ضربها... كلش كلبها بهاي مشلوع
زينب الله يعينها ابهاي البواجي
هيه وين وتفزع عليها المحاجي
الظعن مايل دمع والرمح تاجي
ابوكعتك خضرن سوط التراجي
زينب... نحيله وراكبه النوك
زينب... تطب شلون بالسوك
طبت السوك وتظل مخدره
مسبيه ونسميها المعتبره
**************
سيد احمد الميالي