علموا سود الليال وعلموا بيض السحاب
‏ابتدت فترة حضوري وانتهت فترة غيابي

‏ساحب مسباحي اللي له ثلاث شهور غايب
‏ومطلق عنان الشعور وفارج للشعر بابي

‏نوب اقول اني معيف وخاطري سامح وطايب
‏ونوب اغني للهبوب اليا اطرقتني " يا عذابي "

اتركوني ما ورى عوج الضلوع الا النصايب
‏مقبرة حلم السنين ومقبرة زهرة شبابي

‏خابت ظنوني على درب الهوى والوقت خايب
‏والجروح المزمنه تكشف هدوئي واضطرابي

‏ودي اني عن ضجيج الناس والازعاج تايب
‏منعزل عن كل شي يثير .. حزني واكتئابي

ما نشدت الليل لا ارخى منكبه وش انت جايب
‏انشد الله .. عالم اسرار الفلك يجبر صوابي…