دمعة العين تروي المصاب
يابو صالح والبدر غاب
الدنية ظلمة ابناظري بيوم فكد العسكري
--------------------------------
يابو صالح عتّمت هاي المسيه
العسكري والدك بحجور المنيه
ابدمعة اعيونه الك كاتب وصيه
يبني يالمهدي انته التصلي عليه

يابو صالح كَلبك اجروح
فكد العزاز ياخذ الروح
ياجروحي اتوجري بيوم فكد العسكري
--------------------------------
سيدي اليفكد ابو يفكد حياته
اتموت ويّه والده كل امنياته
الابو اغله امن النفس واكثر غلاته
شحالك انته سيدي ابساعة وفاته

تشوفه مسموم حاله اشد حال
بذيج الاحوال كَلبك اشكَال
وروحي اكَلها اتصوري بيوم فكد العسكري
--------------------------------
سيدي غسلته من ادموع عينك
ابدال الاكفان انته لفيته ابحنينك
باللحد انته اللي وسدته ابيمينك
ازغير عمرك سيدي الله اليعينك

سيدي الناس يمك اتنوح
وانته احس بيك مثل مذبوح
واشد كسره الخاطري بيوم فكد العسكري
--------------------------------
سيدي ابذاك النعش من شلتوا جسمه
وشيعته واحبابه كلها احضرت يمه
هم ذكرت ابكربله حال ابو اليمه
عاري عالتربان ظل سابح ابدمه

كربله يوم ادهى الايام
وادهى لحظات بحركَ الخيام
وتشب نار ابظامري بيوم فكد العسكري
--------------------------------
كَلبك الله يعينه شتحمل مصايب
ما كفه اعليك افكدت كل الحبايب
واحنه كل لحظه نلجمنك يغايب
نندب اظهر كل احنه ونعاتب

من نناديك نطلب الثار
والظلم ساد كل الاقطار
رجع ظلم السامري بيوم فكد العسكري
--------------------------------
خادم اهل البيت عليهم السلام
عمار العيساوي الكربلائي



#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



________________________
لمن يجد صعوبة بالحن اطلبه من
@moatmed1