ياكواكب ... آنه شمس الله وشفته الــواقعه
ياكواكب ... شفت مسلوبه الجثث ومكطعه
استرخصت من الكَمر
وراح اسولف هالخبر
ــــــــــــــــــــــــــــــــــــــ
ياكواكب
غمضت صوت السطر فزز ضواي
امنيتي جانت
انطفي واحضن رقيه انطيها ماي
زغيره كد نيتها بيضه طفله ورويحة حلال
حافيه ورجليها ترفه انباكـت بطـاري حبال
امنياتي ... تخضر بروحي السما وتنطيني ماي
امنياتي ... انذر لعبـــدلله غيمه بـــكـــد سـماي
موتي من احضن نهر
وراح اسولف هلخبر
ــــــــــــــــــــــــــــــــــــــ
علترابه
حر بجيت وموت بالكاع انفرش
جن خيامه
لو يطبلها النهــر يــفــزع عطش
هيه صلفه جفوف وكحه وحنت الجربه بسهم
فــزعــة العطشان منحر هيج من شاف الخيم
عفيه جفه ... ايده خشنه والتهت بس بالضرب
عفيه جفه ... هيه كل صطره احسه جن حرب
جفوف تشبه جف عمر
وراح اسولف هالخبر
ــــــــــــــــــــــــــــــــــــــ
المصيبه
راح خطار ابو فاضل عالنهر
وعالشريعه
نجوم جنازه تره الميت كمر
النهر متغطي بفشلته جــدامــه ماخذهــا الرجيف
الجربه شيخ اعله الفرات وصارت احبال المضيف
هيه صعبه ... مات عباس انكطع حلم الرضيع
هيه صعبه ... نــزف دمــه وغيــر الوان الربيع
احترك وجهي من القهر
راح اسولف هالخبر
ــــــــــــــــــــــــــــــــــــــ
اني شفته
شلع ترجيه النذل هز العرش
عمر ورده
من البواجي رقيه ضلت بس رمش
زينب تكلها التراجي ماهي شو بذنج شفت
لمعت بجف الغـــريب كبـالي گـــوه تحملت
هيه طفله ... عثرت ولمحت تراجــي ودنكت
هيه طفله ... تالي خنصر جن طلع وتوهدنت
ملثمة الكاع بخطر
راح اسولف هالخبر
ــــــــــــــــــــــــــــــــــــــ
شفت راسه
بالرمح وتلكته احضان السمه
شكد غريبه
رماح عميه وتندل وجوه الدمه
مدري شمضيعه الحوافر لكت بس صدرك عرف
والهـــوه يونس الرايه اكبــالــه لو كــامـت ترف
ياحسافه ... وجهي حار وبيه خاتل جم صبح
ياحسافه ... راسه ملكه وحيــل مشبوك برمح
والضوه بروحي انكسر
راح اسولف هالخبر
ــــــــــــــــــــــــــــــــــــــ
بيه حسره
من شفت موقف سبايه عالهزل
طاح منها
ايدها مورمه وتصعد بالطفل
تكله اصعد ماتت ايدي والله ماضل بيه حيل
خاف ما اشــوفـك يعمه من تصير الدنيه ليل
من لمحته ... شككــت زيج الضــوه من الجـــزع
من لمحته ... جن احس روحي انطفت لمن وكع
عمره مدري شكم شهر
راح اسولف هالخبر
لخادم الامام الحسين
كرار فاهم الخفاجي
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
____
لمن يجد صعوبة بالحن اطلبه من
@muatmed
ياكواكب ... شفت مسلوبه الجثث ومكطعه
استرخصت من الكَمر
وراح اسولف هالخبر
ــــــــــــــــــــــــــــــــــــــ
ياكواكب
غمضت صوت السطر فزز ضواي
امنيتي جانت
انطفي واحضن رقيه انطيها ماي
زغيره كد نيتها بيضه طفله ورويحة حلال
حافيه ورجليها ترفه انباكـت بطـاري حبال
امنياتي ... تخضر بروحي السما وتنطيني ماي
امنياتي ... انذر لعبـــدلله غيمه بـــكـــد سـماي
موتي من احضن نهر
وراح اسولف هلخبر
ــــــــــــــــــــــــــــــــــــــ
علترابه
حر بجيت وموت بالكاع انفرش
جن خيامه
لو يطبلها النهــر يــفــزع عطش
هيه صلفه جفوف وكحه وحنت الجربه بسهم
فــزعــة العطشان منحر هيج من شاف الخيم
عفيه جفه ... ايده خشنه والتهت بس بالضرب
عفيه جفه ... هيه كل صطره احسه جن حرب
جفوف تشبه جف عمر
وراح اسولف هالخبر
ــــــــــــــــــــــــــــــــــــــ
المصيبه
راح خطار ابو فاضل عالنهر
وعالشريعه
نجوم جنازه تره الميت كمر
النهر متغطي بفشلته جــدامــه ماخذهــا الرجيف
الجربه شيخ اعله الفرات وصارت احبال المضيف
هيه صعبه ... مات عباس انكطع حلم الرضيع
هيه صعبه ... نــزف دمــه وغيــر الوان الربيع
احترك وجهي من القهر
راح اسولف هالخبر
ــــــــــــــــــــــــــــــــــــــ
اني شفته
شلع ترجيه النذل هز العرش
عمر ورده
من البواجي رقيه ضلت بس رمش
زينب تكلها التراجي ماهي شو بذنج شفت
لمعت بجف الغـــريب كبـالي گـــوه تحملت
هيه طفله ... عثرت ولمحت تراجــي ودنكت
هيه طفله ... تالي خنصر جن طلع وتوهدنت
ملثمة الكاع بخطر
راح اسولف هالخبر
ــــــــــــــــــــــــــــــــــــــ
شفت راسه
بالرمح وتلكته احضان السمه
شكد غريبه
رماح عميه وتندل وجوه الدمه
مدري شمضيعه الحوافر لكت بس صدرك عرف
والهـــوه يونس الرايه اكبــالــه لو كــامـت ترف
ياحسافه ... وجهي حار وبيه خاتل جم صبح
ياحسافه ... راسه ملكه وحيــل مشبوك برمح
والضوه بروحي انكسر
راح اسولف هالخبر
ــــــــــــــــــــــــــــــــــــــ
بيه حسره
من شفت موقف سبايه عالهزل
طاح منها
ايدها مورمه وتصعد بالطفل
تكله اصعد ماتت ايدي والله ماضل بيه حيل
خاف ما اشــوفـك يعمه من تصير الدنيه ليل
من لمحته ... شككــت زيج الضــوه من الجـــزع
من لمحته ... جن احس روحي انطفت لمن وكع
عمره مدري شكم شهر
راح اسولف هالخبر
لخادم الامام الحسين
كرار فاهم الخفاجي
#لك_الفداء_سيدي_اباعبدالله
#خدر_الفواطم_لنشر_القصائد_الحسينيه
____
لمن يجد صعوبة بالحن اطلبه من
@muatmed