الباب اذا يندك اصيحن ياهله
ابالي ذوله اهلي الاجو من كربله
وكلبي يسال عيني
‏ ‎ما رجعلي احسيني
ابالي ذوله اهلي الاجو من كربله

اني العليله وكلبي ينبض باسمه
الباب من يندك اكولن همه
وعبد الله احس هذا الهوه الاشتمه
شمسوي ابوي وهيج هدرو دمه
المرض ماخذ حيلي
محد يتجيلي
وهو يدريني بغيابه معلعله

هايم دليلي ودومه يسال عيني
‏ ‎هَا يخت الأكبر مارجعلي حسيني
ياخذني ياهو بكربله دليني
يم عمتي زينب ارد ابدي سنيني
وفرح بعماتي
مااهل دمعاتي
وابقى بين اخواني دوم امدلله

مو ماي بديت بكفاهم دمعي
بغيابهم بس الله يعرف وضعي
حافر سفركم بويه كاسر ضلعي
تردون اليه بخير يارب ادعي
ما تخيب اضنوني
وبيك اكحل عيوني
ترجع بخير وسلام القافله

يا اهل يثرب صاح ما بين الناس
مات الحسين وصدره بالخيل انداس
الجربه طاحت ونكطع جف عباس
وبذيج الخرابه الطفله ماتت علراس
فزز الطف نوحي
وروحي كرهت روحي
اعليك مو بس دمعي روحي مهدله

علي ياسين اللامي