- رصيد الاستيعاب والتغاضي اللي عند الشخص , يفترض انه يكون مش قابل انه يتجدد , فيه خطوط حمرا ومفاهيم مفروض الشخص يحطهن مرجع له في اي نقاش , وتحت اي ظرف , بغض النظر عن الاشخاص , لان الشخص يفترض انه يعرف يتحكم في نفسه ويبين للناس انه راهو متذكر كويس , مهما بين انه ناسي , لان الفطرة نقيض للشي اللي مش مألوف , الانسان السوي مستحيل ينسى الموقف اللي قلل منه , ولا ينسى كلمة نقالت وضايقت , ولا عمره ينسى من اللي ماقدمش شي , في وقت كان انه مفروض عليه يقدم , وفي ذات الوقت الانسان اللي ماغيرتش طبعه التجارب , مستحيل ينسى الانسان اللي قدمله في وقت كان مش في باله انه حد يهتم , الانسان السوي الواضح مستحيل ينسى الخذلان , ويحوله من لحظة ضعف , للحظة بيني فيها نفسه ويحول فيها العواطف الزايدة , لشي اكثر ثبات و استمرارية , الانسان الراسخة في باله اولوية نفسه , مهما رجع فيها لمسببات الخذلان , وحاول يبدا صفحة جديدة في دفتر عشوائي الشي المضمون فيه هو كثرة الاشخاص , الانسان السوي مستحيل يرجع طبيعي مش الحاجات , اللي غيرنه من شخص عادي , لشخص واخذ حذره من لاشي , الانسان السوي عنده نسخة مفصلة مدونها لكل شخص , وهذي مالهش اي علاقة لا بسواد قلب ولا سوء نوايا , معضلة الشخص السوي متضرر وفي نفس الوقت مكابر , انا نسامح بس متذكرك , انا متناسي بس مش ناسي .