𝐀𝐥𝐥𝐨𝐡𝐧𝐢 𝐓𝐚𝐧𝐢𝐬𝐡 | 𝐀𝐲𝐨𝐥𝐥𝐚𝐫 𝐮𝐜𝐡𝐮𝐧

Uydan ko‘chaga chiqqaningda ikki xil toifadagi ayollarga duch kelasan.
Birinchi turi: Yusuf surasida aytilgan Misr azizining xotini mubtalo bo‘lgan kasallikka chalingan ayollar. Ular chiroyli kiyinib, atir sepib, ochiq sochiq ko‘chaga chiqishadi va Yusuf surasining 23 oyatida aytilganidek, «Bu yoqqa kel!» deyishgacha borib yetishadi.
Ikkinchi turi: Avratini yopib, ziynatlarini to‘sib chiqqan ayollar. Ularni majburiyat ko‘chaga olib chiqqan bo‘ladi. Ular Qasos surasining 23 oyatida aytilgan Shu’ayb alayhissalomning ikki qizi: «Cho‘ponlar qaytmagunicha molimizni sug‘ora olmaymiz, otamiz esa qarib qolgan», deyishadi, xolos.

Birinchi toifadagi ayollarga xuddi Yusuf alayhissalomdek muomala qilasan, ya’ni ko‘zingni tiyasan, o‘ziga chorlab qolsa, «Alloh saqlasin!» deb o‘zingni undan uzoq tutasan.
Ikkinchi toifa ayollarga esa Muso alayhissalomdek muomala qilasan, ya’ni oyatda aytilganidek, odob bilan ularga yordam berasan-da, yo‘lingda davom etasan.
«Shunda u ularning molini sug‘orib berdi, so‘ngra soyaga qaytdi» (Qasos surasi, 24 oyat)

Yusufning hayo va iffati uning martabasini Misrga vaziri darajasiga olib chiqdi. Muso alayhissalomning g‘ayrat va matonati uni soliha ayol va maskanga musharraf qildi.

🔗 Allohni tanish Ayollar - kanalimizga obuna bo'ling

Bir kishi bug‘doy sotayotgan edi, bir go‘zal ayol kelib, «Bug‘doy bormi?» deb so‘radi. U kishi «Ha» deb, ayolga shahvat bilan qaradi, so‘ng uning qo‘lidan ushlab, «Ichkarida bundan ham yaxshiroq bug‘doy bor», dedi. Ayol u bilan birga ichkari tomon yurdi…
Bug‘doy sotuvchi o‘sha oqshom uyiga qaytsa, xotini mahzun bo‘lib o‘tirar edi. Xotinidan: «Kim seni xafa qildi?» dedi. Xotin: «Meshkopchi (suv tashib tarqatuvchi) har kuni suv keltirib, meshkopidagi suvni idishga quyib, chiqib ketar edi. U meni ko‘rmasdi, men uni ko‘rmasdim. Bugun meshkopchi kelganda eshik ortida edim. U meshkopini yerga qo‘yib, qo‘limdan ushlab oldi. Bunday holat birinchi marta sodir bo‘lishi», dedi. Shunda haligi kishi: «Subhanalloh! Ayni o‘ziga muvofiq, ayni o‘zi ya?! Agar men yana qo‘shimcha qilganimda meshkopchi ham qo‘shimcha qilar ekan!» dedi.

🔗 Allohni tanish Ayollar - kanalimizga obuna bo'ling

Bir kishi: — "Ayol kishi tug‘maslikka va qomatini saqlashga haqli!" — debdi.

Boshqa kishi bunday javob qaytaribdi: — "Onangiz qomatini saqlaganida yaxshi bo‘lardi".)

🔗 Allohni tanish Ayollar - kanalimizga obuna bo'ling

Ibn Uyayna rohimahulloh shunday degan ekanlar:
«Xalifa Hishom Ka’baga kirdi. Qarasa, u yerda ulug‘ zot Solim ibn Abdulloh turibdilar. Hishom: «Biror hojatingiz bo‘lsa, so‘rang», dedi. Solim: «Allohning Uyida turib, U Zotdan boshqadan bir narsa so‘rashdan hayo qilaman», dedilar. Tashqariga chiqishgach, Hishom: «Mana endi hojatingiz bo‘lsa, so‘rayvering», dedi. Solim: «Dunyo hojatimi yoki oxirat hojatimi?» dedilar. Hishom: «Dunyo hojati» degan edi, Solim: «Dunyoni Egasi bo‘lgan Zotdan so‘ramadim u, egasi bo‘lmagan bandadan qanday qilib so‘rayman?» dedilar».

Zahabiyning «Siyaru a’lomun nubalaa» kitobidan.

🔗 Allohni tanish Ayollar - kanalimizga obuna bo'ling

Ibnul Qoyyim rohimahulloh dedilar:

1. Hayol (oʻz vaqtida tiyilmasa) vasvasaga aylanadi.
2. Vasvasa irodaga aylanadi.
3. Iroda kuchayib qatʼiyat kasb etadi.
4. Qatʼiyat amalga oʻtadi.
5. Amal (takrorlanaverib) doimiy odat hamda mustahkam va barqaror holatga aylanadi.
6. Ana shu payt bu holatdan ham, ungacha olib borgan bosqichlardan ham chiqib ketish oson kechmay qoladi.

("Dard va davo", 104)

🔗 Allohni tanish Ayollar - kanalimizga obuna bo'ling