يوليدي يازين..گوم انصر حسين
يمه يجسام..يمه يجسام
@@@
گوم انطي العيون..يمه افدي عمك
ربيتك الهاي..هاي انه امك
هاك احمل السيف..وافديله دمك
ذاك الابو ذاك..الهالساعه ضمك

يله اوفي بالدين..گوم انصر حسين
@@@@
ياشبل الابطال..يبن الهواشم
گوم انصر حسبن..يوليدي جاسم
اصمد يجسام..ضد الصوارم
خل عمك ايشوف..ليث الملاحم

ياتعب السنين..گوم انصر حسين
@@@@
خل عمك يشوف..زودك يمغوار
خل يصرخ الجيش..طبنه كرار
من سيفك الجيش..تصرخ يستار
منهم يجسام..لتخلي اثار

وارجعلي بعدين..گوم انصر حسين
@@@@
انته ابني وادريك..ذاخرتك الهاي
للخيمه متعود..الا بنصر جاي
من گبل الحسين..لاتشرب الماي
موت انته عطشان..يبني يعيناي

ياگرة العين..گوم انصر حسين
@@@@
لو عمك ايريد...دم نحرك انطيه
لاتبخل وياه..يوليدي وافيه
عمك ابو الزود..ماظن نجازيه
لو راد الارواح..كل احنه نفديه

لو رادك امعين..گوم انصر حسين
@@@@
الخادم عمار الساعدي