السلام علئ اشبه الناس خلقا وخلقأ ومنطقأ برسول الله ص




/////////////////



انا الها. القاده كلها. اله اذلن شانها
اليوم اليه. وللمنيه قدمت فرسانها



///////////////

هذا الاكبر بالمعاره من وگف طاعونها
ضربه الكرار وارث فنهم ايصدونها
صاح والرايه ابيمينه تشبح الها اعيونها
اليوم اميل الحومه بيدي وفنكم اتعدلونها

طلع ضامي وگلبه دامي معتنيها ايدوسها
الجيش لمه وچان همه بس يگطع روسها



//////////////


صال والسيف بيمينه معتني ايهد ساسها
غيره الكرار شايل همه گطع انفاسها
وذر الفرسان سيفه والشوارب داسها
والله ذواق بضربته يشبه العباسها

عينه حمره واليخزره ينكتل من ساعته
سيله جاري والضواري روضاها وداعته


//////////////


غاص بوساط الكتايب ما سلم طفارها
حالف الزهره الزچيه الا ياخذ ثارها
رؤس،بالحومه اشكثرها سيفه طرأ طارها
صارت اليوم القيامه وما تفيد اعذارها

بيها كبر. والتوذر گامو يحسدونه
خلص وكته. واحنه يمته نخلص من عيونه



////////////////


شبعت الوادم بواچي حارت ابمشرادها
نار خله الغاضريه ويسحگ اعله افادها
تحول الجيش النعامه وعلي الاكبر صادها
گام تتوسل زلمها وراح منها اعنادها

حتئ ضله بيها خله خوفه ما ينسوها
ماكو راحه ولا استراحه والله ما يلگوها



///////////////


ذبت الوادم هدمها وحتئ،بزر اضهورها
خاطر تخف بركضها وما تشوف اگبورها
لكن الاكبر ولاها وهشم الها اصدورها
شورط الغربان هايه تدنه عش اصگورها

كلها بيده واليريده يعتنيله اعنايه
هذا طبعه ماكو صعبه كلها تعرف هايه




///////////



قليل البضاعه
كثير الاضاعه

فاضل الغريباوي💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇
https://telegram.me/Alhseean
💠⚜قناة قصائد نسائيه⚜💠
🔰شاعرات ام ابيها⚜🔰👇👇👇👇
@ya_katealkafen

منبر عشاق ام ابيها
🔖¦رابـط الـمـجـمـوعه

https://t.me/joinchat/CApOYURwqL2W_R_06oYO8w