استشهاد الامام الكاظم عليه السلام

موسى بن جعفر يا امل دنيِتي
ياذخري يوم المحشر وحفرتي

يا امام المتقين
وملاذ المذنبين

من زغري وآنه اعگدت بحبال الأمل
بحبــل الولايـه اتمسكت خير العمـل
عهــدي لَــوَن مني العمر زاد وطـول
بموسى بــن جعفــر ثابتــه ولايِتـي

يا امام المتقين
وملاذ المذنبين

من شبَّت اسنين العمــر واگبــرت
لحبـك يبــو الطلبات لا مــا عفـت
يـوم الشهــاده الأول آنه أحضرت
امشيلك امــن الدار وَي صحبتـي

يا امام المتقين
وملاذ المذنبين

اليمنعنه منـك هــذا واهــم اكيــد
ظنـَّـه الوصـل يمنعه گيد الحديـد
مــايدري حبــك بالگلب و الوريـد
يســري بدليلــي حبـه ورويحتـي

يا امام المتقين
وملاذ المذنبين

زايــر واجيــت بلهفــه لزيارِتـَـك
انصب مناحه وانعـى لمصيبِتـَك
اذكـر مصابك وابچــي الغربِتـَك
لجلك اخضب دماي من هامتي

يا امام المتقين
وملاذ المذنبين

لــو نزلونـــي صحبتــي بالگبـــر
واذنوبي كلها گبالي شنهو العذر
وين المفر يا روحي وين المفــر
احضرنــي يا مـولاي وبمحنتــي

يا امام المتقين
وملاذ المذنبين

سيدي آنــه الخادمــك والمحب
ارجى الشفاعـه منــك وتنكتـب
يوم الحشر مغفورلـي كـل ذنب
توگفلــي يـوم الواقعـه بشدِتـي

يا امام المتقين
وملاذ المذنبين

كلمات عمار الراشدي