AzizDjan

Samsung hozirgina navbatdagi ajoyib taqdimotini tugatdi. Unda yangi Galaxy Book va Galaxy Book Odyssey, Galaxy Book Pro va Galaxy Book Pro 360 noutbuklarini taqdim qilindi. Noutbuklar juda ajoyib, narxlar ham joyida! Intel Core 11-avlod, Intel Iris Xe grafikasi, AMOLED va Super AMOLED "tach" displeylar, hali NVIDIA tomonidan rasman taqdim qilinmagan GeForce RTX 3050 Max-Q va 3050 Ti Max-Q diskret videokartalari, stilus, Thunderbolt 4, 5G, chiroyli va jiddiy premium dizayn, Microsoft Windows 10 hamda 65 W lik GaN quvvatlagich bloki va yana ko'plab ajoyib texnik ko'rsatkichlar! Ajoyib qurilmalar!

Texnik jihatlar zo'r, dasturiy ta'minot esa ajoyib! Galaxy smartfonlaridagi ko'plab ilova, dastur va xizmatlar endi butun boshli Windows'da! Ham Samsung'ning, ham Microsoft'ning eng yaxshi dasturiy mahsulotlari taqdim qilingan qurilmalarda yuqori ko'rstkichdagi samaradorlik va sanoat sifatini ta'minlaydi! Bu noutbuklar kompyuterga emas, smartfonga o'xshaydi, oddiy emas, balkim Samsung'ning flagman smartfonlariga! Galaxy Buds quloqchinlarini ochgandagi "mo'jiza", qurilmalarni offlayn qidirish ya'ni SmartThings Find va yana bir qancha Samsung smartfon va planshetlaridagi eksklyuziv "ficha"lar endi Galaxy Book'larda!

Ajoyib taqdimot va ajoyib yangiliklar. Noutbuklar ichida hammasi birdek yoqdi! Narxlar ham bunday klassdagi noutbuklar uchun o'rinli. Hammaga shu yoki shu kabi noutbuklarni tilab qolaman!

Navbatdagi Samsung Galaxy Unpacked boshlandi.

Durov o'z kanalida video qo'ng'iroqlar, video konferensiyalar va, umuman, video muloqot bilan bog'langan yangi imkoniyatlarning anonsini qildi. Yangilanish may oyida chiqadi. Mana buni yangilik deyish mumkin!
Anons bekorga qilinmadi. Durov yangilanishga qattiq ishonishini va video muloqot bozorini o'zgartirishni xohlayotganini bildirmoqchi ko'rinyabdi!

Redmi K40 Gaming Edition - brendning birinchi "igrovoy" smartfoni! Qurilma asosi sifatida MediaTek Dimensity 1200 xizmat qiladi. Qolgan ko'rsatkichlar ham munosib! Stereo ovoz ustida kompaniya JBL bilan, klaviatura ilovasi ustida esa Razer bilan hamkorlikda ishlagan. Narxlar $308 dan boshlanadi, hozircha faqat Xitoyda. Bundan tashqari afsonaviy Bryus Liga bag'ishlangan to'plam ham bor.
Smartfon qiziq, tashqi ko'rinish tarafdan hamkasblaridan ko'ra an'anaviy smartfonlarga o'xshaydi.

Keling, Telegram haqida gaplashamiz, gap ko'p!

Telegram'da allaqachon yangilanish chiqdi, lekin bu haqida ehtimol xabaringiz yo'q. Chunki vaziyat har doimgidek emas. Bu safar yangilanish hali Google Play'da chiqmagan. Android qurilmalar uchun yangilanish bu safar to'g'ridan to'g'ri Telegram'ning rasmiy saytida paydo bo'ldi, albatta, .apk kengaytmasida.

Xo'sh, nega Google Play'da emas? Telegram'ning so'nggi yangilanish haqidagi postida aytilishicha Google hali-hamon yangilanishni ko'zdan kechirayotgan ekan. Lekin, eng qizig'i Apple App Store'da yangilanish chiqqan. Odatda, Apple yangilanishlarni uzoq tekshirardi, bu safar Google...! Qiziq...

Internetda nega Telegram bunday yo'l tutgani haqida fikrlar bor. Lekin, ular haqida to'xtalishni xato deb bildim. Menimcha, Telegram bu yo'l bilan ilovalar do'konini chetlab o'tishi kerakligini bildirmoqchi.

Keling, endi yangilanishning o'zi haqida gaplashamiz! Endi Telegram'da 8 ta biriktirilgan to'lov tizimlari orqali to'lovlarni amalga oshirish mumkin. Ular ichida yurtimizda mashhur Payme va CLICK ham bor. Mana bu zo'r yangilik!

Bundan tashqari yangilanish ovozli chatlarni rejalashtirish, ovozli chatda profil ma'lumotlarini ko'rish, yangi ikki veb-kilentning taqdim qilinishi, rasmlarni ochmasdan yaqinlashtirish, video pleyer uchun qo'shimcha imkoniyatlar, menga sal ma'qul kelmagan Android uchun yangi animatsiyalar va yana ko'p kichik o'zgarishlarni o'z ichiga oladi.

Yuqorida aytganimdek, Android uchun hozircha yangilanishni Telegram'ning rasmiy sahifasidan yuklab olish mumkin. Aynan shu yangi versiyani sinab ko'rdim. Uni bemalol Google Play'dagi versiya bilan bir vaqtda, parallel ishlatish mumkin.

Yana bir kichik va muhim o'zgarishdan biri ilovaning "ikonkasida": endi Telegram belgisi doira bilan chegaralanmagan, sal g'alati ko'rinyabdi.

Yangi versiyani hozircha o'chiraman, parallel ishlayotgan ikkita bir xil Telegram'lar noqulayliklar tug'diryabdi. Google Play'da yangilanishni kutaman, intizorlik bilan emas-u, baribir. Menga hozir shu ma'qul va Google Play men uchun ancha qulay.

Shunaqa gaplar, o'rtoqlar! Fikrlar ko'p. Ularni keyin uchun asrab turamiz.

Yandex "Google hujjatlar" analogini taqdim qildi.

Android 12'ning 3-beta versiyasi ham taqdim qilindi. O'zgarishlar asosan kosmetik.

Bugun soat 22:00 da "Spring loaded." shiori ostida Apple'ning navbatdagi taqdimoti boshlanadi.

Huawei avtomobil bort tizimlari uchun Kirin 990A protsessorini, HUAWEI Inside (HI) brendi ostida 4D radar, proyektorli displey va yana 3ta yangilikni, Cyrus bilan hamkorlikda Cyrus Huawei Smart Selection SF5 gibrid avtomobilini taqdim qildi. Ishlanmalarning ko'pi HarmonyOS'ga asoslangan. Yana bir xitoylik avtomobil ishlab chiqaruvchi kompaniya BAIC yangi Arcfox Alpha S elektrik sedanini taqdim qildi, u ham Huawei'ning ishlanmalariga asoslangan.

Hozircha barcha yangiliklar Xitoy uchun. Huawei yangi texnologik tarmoqlarni eggalamoqchi ko'rinyabdi!

Google Earth'da endi taymlaps imkoniyati mavjud. Hozircha faqat veb versiyasida. Taymlaps orqali yillar mobaynida ma'lum bir joy qanday o'zgarganligini ko'rish mumkin.

Aynan shu funksional haqida Google kichik tanishtiruvchi videorolik ham chiqardi. Unda ham yaxshi ham yomon o'zgarishlar aks ettirilgan. Ulardan biri o'sha biz bilgan Orol dengizi! Qayg'uli manzara.

Google Fast Pair interfeysini yangiladi. Endi u iOS va OneUI'dagilarga o'xshaydi. Fast Pair bu simsiz quloqchinlarni ochganingizda smartfoningizda chiqadigan o'sha "mo'jizaviy" interfeys. Faqat, Android'ning o'zida, hech qanday qobiqlarsiz. Hozirda Fast Pair'ni 100 dan ortiq quloqchinlar qo'llab-quvvatlaydi.

Telegram yangi ikkita veb-klientni ishga tushirdi: webk.telegram.org va webz.telegram.org. Har ikkala klient ham qariyb bir xil imkoniyatlarga va kamchiliklarga ega. Halicha an'anaviy klientlardagi imkoniyatlarning ko'pi mavjud emas. Klientlar sinovda. Har ikki klient ustida boshqa-boshqa guruhlar ishlamoqda. Kompaniyaning oradagi raqobat natijasida ancha sifatli mahsulotga erishishiga ishonchi komil.

Bundan tashqari, Telegram ilovalar do'konini chetlab o'tib o'rnatish mumkin bo'lgan Android uchun ilovasini chiqardi. U hozirgi Telegram Android klienti bilan bir xil, faqat unda ko'proq yangilanishlar va kamroq cheklovlar bo'ladi. Ilovani telegram.org/android dan yuklab olish mumkin.

NVIDIA o'zining birinchi ARM protsessorini taqdim qildi — NVIDIA Grace, ha, grafik bo'lmagan protsessorini!. Hozircha u faqat superkompyuterlar va sun'iy intellekt hisob-kitoblari uchun mo'ljallangan. Lekin, NVIDIA yaqin orada yangi desktop oilasini yaratishi haqida va'da berdi.

Bundan tashqari NVIDIA MediaTek bilan hamkorligi haqida aytib o'tdi va ARM protsessorlari bilan GeForce RTX videokartalarining ulanishi haqida xabar berdi. Natijada xrombuklar yanada katta samaradorlikka ega bo'ladi.

NVIDIA juda katta qadam tashlaganga o'xshaydi, bu safar "an'anaviy" protsessorlar bozoriga! Menimcha, NVIDIA juda katta raqobat ko'rsatadi va raqobatdosh kompaniyalar, xususan, Intel, AMD va boshqalar endi mahsulotlari ustida katta mehnat qilishlariga to'g'ri keladi.

Aytgandim-ku, katta raqobat yaqin deb!

Galaxy SmartTag+ — SmartTag'ning yaxshilangan versiyasi. To'ldirilgan reallik, UWB va sal baland narx. SmartTag+'ning imkoniyatlarini to'liq ochib berish uchun UWB'ga ega smartfon bo'lishi kerak.