د پاملرنې نړیواله موسسه یا Care international وايي، د طالبانو حکومت څخه یې د خپلو ښځینه کارمنانو د کار په تړاو د ډاډ له تر لاسه کولو وروسته په افغانستان کې د روغتیا او تغذیې برخو کې خپل فعالیت بیا پیلوي.
وړمه ورځ د ماشومانو د خوندیتابه نړیوالې موسسې یا Save the Children هم په افغانستان کې د روغتیا، تغذیې او پوهنې اړوند ځینو پروګرامونو د بیا پیلولو اعلان کړی و.
د پاملرنې موسسې تېره ورځ پخپله خبرپاڼه کې ویلي، د طالبانو حکومت د عامې روغتیا له وزارت څخه یې کارځایونو ته د خپلو ښځینه کارکوونکو د خوندي او له محدودیت پرته تګ په تړاو د ډاډ له ترلاسه کولو وروسته یې پتېیلې په افغانستان کې د روغتیا او تغذیې برخو کې خپل فعالیتونه بیا پیل کړي.

بي بي سي پښتو رسمي چينل👇
https://t.me/BBC_Pashto_News